ЯҢАЛЫКЛАР

Бүген Зәйдә политехник көллият янында капиталь ремонттан соң Көчәнеш астында эшләү үзәге ачылды. Ачылу тантанасында Зәй муниципаль районы башлыгы Р.Г. Кәримов, Татарстан Республикасы Премьер – министры урынбасары -Татарстан Республикасы Мәгариф һәм фән министры Р.Т. Борһанов, «Челтәр компаниясе» ААҖ генераль директоры И.Ш. Фәрдиев һәм башкалар катнашты.

Бүген Татарстан Республикасы Мәгариф һәм фән министры Рафис Борһанов, Зәй районына эш сәфәре кысаларында, «Алтынчәч» балалар бакчасында һәм 7нче мәктәптә булды. Министр капиталь ремонттан соң яңартылган мәктәпкәчә учреждениеләрдә булды һәм андагы берничә төркемне карап чыкты.

"Энергетик» мәдәният сараенда авыр тормыш хәлендә калган балалар өчен яңа ел бәйрәме үткәрелде. Балалар янына заманча мультфильм геройлары белән бергә Кыш бабай һәм Кар кызы килде, балалар рәхәтләнеп әйлән-бәйлән һәм интерактив уеннар уйнадылар, җырлар җырладылар. Һәр балага татлы бүләк тә тапшырылды.

Бүген зәйлеләр  агросәнәгать паркын - республиканың беренче пилот проектын ачу шаһиты булдылар. Яңа объектны ачу тантанасында Зәй муниципаль районы башлыгы Разиф Кәримов, Татарстан Республикасы Мәгариф һәм фән министры Рафис Борһанов, инвестор Илшат Фәрдиев, «Агросила» холдингы генераль директоры урынбасары Фәнис Газетдинов, Татарстан Республикасы Авыл хуҗалыгы һәм азык-төлек министры урынбасары Тәлгать Таһирҗанов, Татарстанның Фермерлар һәм крестьян хуҗалыклары ассоциациясе рәисе Камияр Байтимеров катнашты.

2018 елның 11 ноябрендә беренче бөтендөнья сугышы тәмамлануга нәкъ 100 ел тулды. 11 ноябрьдә дөньяның күп кенә илләрендә, шул исәптән хәзер Россиядә дә, Беренче бөтендөнья сугышында һәлак булганнарны искә алу көне билгеләп үтелә. Шушы көннәрдә Зәй туган якны өйрәнү музеенда әлеге истәлекле датага багышланган тантаналы чара узды.

Бүген Зәй-2 дә «Агрокөч»акционерлык җәмгыятенең 5-нче номерлы үзәк ремонт цехы тантаналы рәвештә ачылды. Яңа объектны ачу тантанасында Зәй муниципаль районы башлыгы Разиф Кәримов, Татарстан Республикасы Мәгариф һәм фән министры Рафис Борһанов, инвестор Илшат Фәрдиев, «АгроКөч» холдингы генераль директоры урынбасары Фәнис Газетдинов катнашты.

26 яшьлек Зәй кызы Наталья Макарова хезмәт вазыйфаларын үтәүгә кереште. Хәзер ул рәсми рәвештә “Белая лилия” сәламәтләндерү студиясендә клиентлар белән эшләү буенча менеджер.

Бүген Урсай авыл җирлегендә район башлыгы урынбасары В.Г. Акатьев, район Башкарма комитеты җитәкчесе И. Ф.Хафизов һәм авыл җирлекләре башлыклары катнашында семинар узды. Күчмә семинар башланганчы авыл җирлекләре башлыклары Александр бистәсендә административ бина ачу тантанасында катнаштылар.

25 декабрьдә Казанда Республика Яңа ел чыршысы узды. Быел Яңа ел тамашасына бөтен Татарстаннан 8 мең бала килгән. Чакырылган балалар арасында үзләрен укуда, иҗатта, спорт һәм иҗтимагый тормышта уңышлы күрсәтүчеләр, шулай ук ярдәмгә  мохтаҗ балалар да бар иде.

Район башлыгы Чыршы бәйрәме 2018 елның 26 декабрендә «Энергетик» мәдәният йортында узды. Бу чара ел саен укучыларны укыту, спорт, фәнни, иҗади, интеллектуаль һәм башка эшчәнлектә ирешкән уңышлары өчен бүләкләү максатыннан үткәрелә.