Зәйдә Көчәнеш астында эшләү үзәге ачылды

Бүген Зәйдә политехник көллият янында капиталь ремонттан соң Көчәнеш астында эшләү үзәге ачылды. Ачылу тантанасында Зәй муниципаль районы башлыгы Р.Г. Кәримов, Татарстан Республикасы Премьер – министры урынбасары -Татарстан Республикасы Мәгариф һәм фән министры Р.Т. Борһанов, «Челтәр компаниясе» ААҖ генераль директоры И.Ш. Фәрдиев һәм башкалар катнашты. Чара вакытында яңа бина төзүчеләренә һәм Көчәнеш астында эшләү үзәге укытучыларына рәхмәт хатлары тапшырылды. Кызыл тасманы кискәннән соң кунаклар яңа уку бүлмәләрен, Үзәк персоналы өчен кабинетларны, шулай ук укучылар өчен кунакханәне карап чыктылар. Барысы да иң заманча системалар һәм материаллар кулланып эшләнгән. Көчәнеш астында эшләү үзәге РФ һәм БДБ территориясендә белгечләр әзерләү буенча эш алып баручы бердәнбер үзәк булып тора. 2,5 ел дәвамында үзәктә 5 укыту программасы буенча 1500 кеше көчәнеш астында эшләү технологияләренә өйрәнү узды. 2019 елдан үзәктә өстәмә рәвештә 46 һөнәри белем бирү һәм сәнәгать куркынычсызлыгы буенча әзерлек программасы кертелә. Укучылар үзәк каршындагы 80 урынга исәпләнгән төзекләндерелгән тулай торакта яшәячәк. ТР премьер - министры урынбасары-мәгариф һәм фән министры Р. Т. Борһанов үз тәэсирләре белән уртаклашты: - Әлеге үзәкне күреп таң калдым. Биредә белгечләр теоретик яктан да ныклы белем алсын, практик күнекмәләре дә булсын өчен барысы да эшләнгән, -диде Рафис Борһанов.