ЯҢАЛЫКЛАР

Бүген район башлыгы Р. Г. Кәримов рәислегендә икътисадый советта «Татарстан Республикасы техник инвентаризацияләү бюросы» АҖ Әлмәт филиалының 2018 елдагы эш йомгаклары һәм 2019 елга перспектив планнар турында фикер алыштылар. «Татарстан Республикасы техник инвентаризация бюросы» АҖ Әлмәт филиалының Зәй бүлекчәсе башлыгы Е. Н. Павлова катнашучыларны предприятие эшчәнлегенең төп юнәлешләре белән таныштырды. Бу-техник инвентаризация, техник планнар әзерләү, архив белешмәләре. Барлык күрсәткечләр буенча да уңай нәтиҗәләргә ирешелде. Башлык чыгышыннан соң утырышта катнашучылар фикер алыштылар. Нәтиҗәләр ясап, район башлыгы Разиф Кәримов «ТР техник инвентаризация бюросы» АҖ Әлмәт филиалының Зәй бүлекчәсе эшчәнлегенең район икътисады өчен әһәмиятле булуын билгеләп үтте, киләчәктә дә аларга эшләрендә уңышлар теләде.

“Мин татарча сөйләшәм” акциясе кысаларында Үзәк балалар китапханәсендә 4нче мәктәпнең 3 “б” сыйныф укучылары белән “Тукай яши безнең арада” дип исемләнгән әдәби тематик кичә уздырылды. Балалар шагыйрьнең әдәби әсәрләре, әкият геройлары белән таныштылар. Аларга бигрәк тә дөнья халыкларының 15 теленә тәрҗемә ителгән “Шүрәле” китабы ошады. Кичәдә шулай ук шигырьләр, җырлар яңгырады, соңыннан балалар бик яратып “Татармультфильм” берләшмәсендә төшерелгән “Кызыклы шәкерт”, “Сөткә төшкән тычкан”, “Эш беткәч уйнарга ярый” мультфильмнарын карадылар.

11 апрельдә көндезге сәгать 10да “Зәй шәһәре мәшгульлек үзәге” дәүләт казна учреждениесендә “Вакансияләр ярминкәсе” узачак.

Дүрт компания, шул исәптән Siemens немец концерны, Америка General Electric һәм Италиянең Ansaldo Energia «кече предприятиеләре” Татарстанда Зәй ГРЭСын модернизацияләү буенча тендерда катнашуга заявка бирде, контрактның башлангыч (максималь) бәясе, дәүләт сатып алулары порталы материаллары буенча, НДС ны да исәпкә алып, 78,465 млрд сум тәшкил итә.

2019 елның 11 апрелендә 14 сәгатьтә Татарстан Республикасы (Татарстан) буенча Роспотребнадзор идарәсенең Әлмәт, Зәй, Лениногорск, Сарман районнары территориаль бүлегенең актлар залында түбәндәге адрес буенча: ТР, Әлмәт шәһәре, Грибоедов урамы, 10 йорт (2 кат) техник яктан катлаулы товарлар сатучы юридик затлар һәм шәхси эшмәкәрләр белән семинар-киңәшмә оештырылачак.

Бүген туган якны өйрәнү музеенда «Татарстанның музей язы-2019» акциясе кысаларында Россия Федерациясенең яшь гражданнарына "Мин – Россия гражданины! Мин Татарстан баласы! дип исемләнгән паспорт тапшыру чарасы узды.

Кыш һәм яз -кошлар өчен авыр вакыт. Кышлаучы кошларга ярдәм итү өчен аларны кыш дәвамында ашатырга кирәк.

“Планетабызны саклыйк!” Үзәк балалар китапханәсе укучылары тырышлыгы белән ясалган шул исемдәге мультфильм иң яхшы пластилин анимациясе бәйгесендә җиңүче исеменә лаек булды.

2 апрельдән авыл мәдәният учреждениеләре арасында "Җырлы-моңлы гаилә" район фестиваль-конкурсы башланды.

С.Рәфыйков исемендәге Үзәк китапханәдә алтынчы мәктәпнең 7 б сыйныфы укучылары өчен рус язучысы Н.В. Гогольнең тууына 210 ел тулу уңаеннан кичә үтте.