ЯҢАЛЫКЛАР

3 апрельдә «Татарстанның музей язы - 2019» акциясе кысаларында туган якны өйрәнү музеенда «Театр – әкият иле» өй театры узды. Тамашачылар ролендә 1 нче мәктәпнең 1 “Б” сыйныфы укучылары булды.

3 апрель көнне С. Рәфыйков исемендәге Үзәк китапханәдә сукырлар җәмгыяте әгъзалары өчен чәй турында кичә үтте

3 апрель көнне Зәй халык мәшгульлеге үзәге белгечләре “Радость” халыкка социаль ярдәм күрсәтү буенча комплекслы үзәге хезмәткәрләре белән берлектә 9 нчы номерлы коррекция мәктәбендә булды.

Зәй Үзәк китапханәсе сәнгать бүлегендә Рафаэль Гәрәевның "Илһам бирүче төсләр" дип исемләнгән күргәзмәсе ачылды. Аның картиналарында пейзаж – табигать күренешләренә өстенлек бирелгән.

2 апрель көнне Сарман шәһәрендә профсоюз активистлары өчен, "Профсоюзның бердәм хисап-сайлау кампаниясен әзерләү һәм үткәрү кысаларында профсоюз оешмасы һәм аның сайлау органнары эшчәнлегенең нәтиҗәлелеген анализлау» темасы буенча семинар узды. Әлеге семинар ел саен үткәрелә. Быел укыту дәүләт учреждениеләре хезмәткәрләре профсоюзының Республика комитеты тарафыннан, Казан федераль университеты белән берлектә оештырылды. Семинар эшендә башлангыч профсоюз оешмалары рәисләре һәм дәүләт учреждениеләре һәм җәмәгать хезмәте күрсәтү хезмәткәрләренең профсоюз активистлары катнашты, анда  Зәйдән район  Советы, «Шатлык» халыкка социаль хезмәт күрсәтү үзәге, мәшгульлек үзәге, спорт мәктәпләре, яшьләр өлкәсе, урман хуҗалыгы вәкилләре булды. Семинар эшлекле уен формасында үтте. Төп басым командада эшли белүгә ясалды, бу профсоюз эшчәнлегендә генә түгел, көндәлек тормышта да бик мөһим.

2 апрельдә авыл хуҗалыгы бүлекчәләрендә Зәй муниципаль районы башлыгы Р.Г.Кәримов, авыл хуҗалыгы һәм азык-төлек идарәсе башлыгы Ф.Т. Камалиев, сөт-товар җитештерү комплекслары җитәкчеләре, зооветеринария белгечләре катнашында чираттагы тикшерү үткәрелде. Тикшерү график нигезендә «Нива» ҖЧҖ сөт-товар фермасыннан башланды, Анда 1 нче номерлы корпуска 200 баш савым сыерны урнаштыру өчен, сөт җиһазларын тиз арада ремонтлауга йөкләмә бирелде. Аннары чарада катнашучылар Сарсаз- Баграж авылындагы «Таң» сөт-товар җитештерү комплексында булдылар һәм бозауларны киләчәктә үстерү, карап тоту һәм орлыкландыру өчен Дурт- Мунча бүлекчәсенә күчерү турында карар кабул иттеләр. Аксар авылы сөт-товар фермасында эшләүчеләр алдына тәүлек савымны 7,5 тоннага җиткерү бурычы куелды. Җитәкчеләр һәм белгечләр шулай ук Югары Лоҗы авылындагы И.М.Хабибуллин КФХсы һәм Түбән Пәнәче авылындагы Д.К. Зайнашев крестьян-фермер хуҗалыгының кошчылык фермасында булдылар. Очрашу вакытында Әхмәт, Бура-Киртә, Куш-Елга авылларында сөт-товар җитештерү комплексындагы сөт җитештерүгә аеруча игътибар бирергә кирәклеге турында искәртелде. Дурт-Мунча бүлекчәләрендә комплекс башлыгы һәм зооветеринария белгечләренең яхшы эше билгеләп үтелде. Соңыннан анда катнашучылар “Зәй” сөт-товар җитештерү комплексының Поручик ,Чыбыклы, Сәвәләй авыллары сөт-товар җитештерү комплексларының эш торышын карадылар. Поручик бүлекчәсендә үгезләрнең соңгы комплектациядәге торышын тикшерделәр. Сөт-товар җитештерү комплексларының барлык бүлекчәләрендә дә сөт савуны арттыру бурычы куелды.

2019 нчы елның 2 нче апрелендә «Энергетик» мәдәният йортында Зәй муниципаль районының «Хәзерге заман мәгариф өстенлекләре һәм Зәй муниципаль районы мәгариф системасының төп юнәлешләре» темасына гомуми ата-аналар җыелышы узды, анда түбәндәге мәсьәләләр каралды: -Зәй муниципаль районы мәгариф системасының төп юнәлешләре. Анализ һәм үсеш перспективалары (Зинурова Гүзәл Халит кызы - Зәй муниципаль районы Башкарма комитетының мәгариф идарәсе җитәкчесе). -Зәй муниципаль районының гомуми белем бирү учреждениеләрендә укучыларны тукландыруны оештыруның актуаль мәсьәләләре (Гусева Валентина Порфирьевна - Яр Чаллы шәһәренең «Мәктәп туклануы» ҖЧҖ генераль директоры). -Мәгариф киңлеген психологик яктан тәэмин итү (Никифорова Любовь Александровна - педагог-психолог, Зәй муниципаль районы психологик-педагогик хезмәте әгъзасы). -Балаларга өстәмә белем бирү системасы: Мәктәп укучыларының Кече фәннәр академиясе эше (Сосенкова Елена Матвеевна - «Сәләтле балаларга өстәмә белем бирү үзәге - кече Фәннәр академиясе»муниципаль бюджет учреждениесе директоры урынбасары). - Гаилә һәм ата – аналарның бала шәхесен торгызудагы роле (Сәлахова Ирина Игоревна-муниципаль ата-аналар комитеты рәисе). Ата - аналар җыелышы ачык диалог формасында узды, аның барышында ата-аналар кызыксындырган сораулар буенча тулы мәгълүмат алу мөмкинлегенә ия булды. Зәй муниципаль районы башлыгы Разиф Гали улы Кәримов 2,4,5, Александр Бистәсе мәктәпләренең ата-аналар комитетларын рәхмәт хатлары белән бүләкләде һәм ата-аналар җыелышына йомгак ясады.

2 апрель - Балалар китабы көне. Әлеге көннең нәкъ шул датада билгеләнүе дә очраклы түгел. Ул балалар яратып укый торган эчтәлекле дә, кызыклы да булган бик күп китаплар авторы, әкиятче Г.Х.Андерсен белән бәйле. Бүген Р.Ш.Фәрдиев исемендәге татар гимназиясенең 5 сыйныф укучылары белән «Балалар китабы - сихри бер дөнья» исемле танып- белү сәгате уздырылды.Укучылар китапның барлыкка килү тарихы белән таныштылар, С.Рәфыйков исемендәге Үзәк китапханәнең татар әдәбияты бүлеге хезмәткәре Л.Әхмәтҗанова китапларга күзәтү ясады. Балалар узләренең яраткан китаплары турында сөйләделәр,мәкальләр-табышмаклар әйтештеләр.Китапларның файдасы һәм аларны сакларга кирәклеге турында белделәр.Яңа китаплар белән таныштылар.Шулай ук укучылар өчен “Китаплы балачак илендә”китап күргәзмәсе дә оештырылды.

Бүген хакимияттә Башкарма комитет җитәкчесе И. Ф. Хафизов катнашында, «Сәламәтлек комбинаты» МУП һәм «ТКХ һәм технологик контроль үзәге» муниципаль унитар предприятиесенең 2019 елның 1 кварталы эш нәтиҗәләрен карау һәм 2019 елга куелган планнар буенча киңәшмә булды.

Бүген Зәй муниципаль районы Башкарма комитеты җитәкчесе И. Ф. Хафизов Энергетиклар 1, Рәфыйков 4 һәм 6, Ленин 30 һәм 34, Профсоюз урамы, 5 нче йорт адреслары буенча торак фондка капиталь ремонт ясау объектларын карап чыкты. 2019 ел программасына 15 күп фатирлы йорт кергән, эш шуларның 8ендә башланган инде. Әлеге чарада район Башкарма комитеты җитәкчесенең инфраструктура үсеше буенча урынбасары Н. А. Нифатов, җаваплы хезмәтләр вәкилләре дә катнашты. Ремонт эшләре бара торган күп фатирлы йортлар белән танышканда, район Башкарма комитеты җитәкчесе И.Ф.Хафизов подрядчыларның эш башкару сыйфатына, үзләренә алынган йөкләмәләрне вакытында үтәү кирәклегенә аерым игътибар итте. Тикшерү нәтиҗәләре буенча И. Ф. Хафизов җаваплы затларга тиешле күрсәтмәләр бирде.