ЯҢАЛЫКЛАР

Бүген Зәй мәшгульлек үзәгендә гадәттән тыш хәлләр вакытында янгын чыккан очракта үзеңне дөрес тоту кагыйдәләрен ныгыту максатында уку - тренировка уздырылды.

15 август көнне район башлыгы урынбасары Валерий Акатьев 6нчы мәктәптә Яңа шәһәрдә һәм 4 нче микрорайонда яшәүчеләр белән очрашу үткәрде. Анда ул җыелган халыкны 2018 елның 1 яртыеллыгына районның социаль- икътисади үсеш күрсәткечләре, шәһәр һәм районда муниципаль һәм республика программалары буенча башкарылучы эшләр белән таныштырды.

Районыбыз авыл җирлекләрендә халык җыеннары дәвам итә. 15 август көнне район башлыгы урынбасары Валерий Акатьев Гүлкин авыл җирлегендә яшәүчеләр белән очрашты. Шәһәр башлыгы урынбасары Елена Недошивина Төги җирлегендә җыелыш үткәрде.

Бүген Карамалы аучылык хуҗалыгында “Мәрхәмәтлелек көне” хәйрия акциясе узды. Инде 8 ел рәттән хуҗалык җитәкчесе Риф Әхмәтҗанов сәламәтлекләрендә тайпылышлар булган балалар өчен чын мәгънәсендә зур бәйрәм оештыра. Катнашучыларның саны да артканнан- арта бара.

Зәйдә укуны тәмамлаган өч кеше “Яшьләр практикасы” программасы нигезендә эшкә урнаштырылды. Казан дәүләт архитектура-төзелеш университетын тәмамлаган бер яшь кеше “Инженер-төзүче” белгечлеге буенча эшле булды.

Республикада яңа http://i.tatarstan2030.ru. сайты ачылды. Ул Татарстан Республикасының 2030 елга кадәр үсеш стратегиясен өйрәнеп, анда үз теләк-тәкъдимнәреңне кертү мөмкинлеге тудыра. Биредә һәр район кешесе үз фикерен язып калдыра ала.

Район башлыгы Разиф Кәримов елына ике тапкыр халык җыеннары кысаларында авылларда яшәүчеләр белән очраша. Аксар авыл җирлеге җыены Иске Тәкмәк клубында узды.

Республикада урып- җыю эшләренең барышына багышланган брифинг бүген Министрлар Кабинетында видеоконференция режимында узды. Журналистларны урак барышы белән ТР премьер- министры урынбасары –авыл хуҗалыгы һәм азык- төлек министры Марат Әхмәтов таныштырды.

Зәйдә район җитәкчелеге елына ике мәртәбә халык белән очрашып, социаль-икътисади үсеше нәтиҗәләре буенча хисап тота. Әлеге чара шәһәрдә яшәү урыны буенча очрашулар, авыл җирлекләрендә - халык җыеннары формасында уза.

11 сентябрьдә Зәйгә ТРда бала хокуклары буенча вәкаләтле вәкил Гүзәл Удачина, ТР мәҗбүри медицина иминияте территориаль фонды директоры Алсу Мифтахова, балигъ булмаган балалар эшләре һәм аларның хокукларын яклау буенча республика комиссиясе җаваплы секретаре Илсөяр Гарифуллина килә.