Гүзәл Удачина Зәйдә гражданнарны кабул итәчәк

11 сентябрьдә Зәйгә ТРда бала хокуклары буенча вәкаләтле вәкил Гүзәл Удачина, ТР мәҗбүри медицина иминияте территориаль фонды директоры Алсу Мифтахова, балигъ булмаган балалар эшләре һәм аларның хокукларын яклау буенча республика комиссиясе җаваплы секретаре Илсөяр Гарифуллина килә. Эш визиты барышында балаларның хокукларын һәм законлы мәнфәгатьләрен яклау мәсьәләләре буенча гражданнарны кабул итү оештырылачак. Максаты - кешеләргә балигъ булмаганнарның хокукларын яклауда хокукый ярдәм күрсәтү. Кабул итүдә балаларны рәхимсез мөнәсәбәттән саклау, мәгариф өлкәсенә кагылышлы мәнфәгатьләрен яклау, социаль тәэмин ителешкә, торакка, милеккә хокукларының үтәлеше, опека органнары эшчәнлеге мәсьәләләрендә консультацияләр алырга мөмкин булачак. Кабул итүгә алдан язылу өчен телефоннар: 7-13-96, 7-12-31