Зәй мәшгульлек үзәге укуны тәмамлаучыларны эшкә урнаштыру буенча эшне дәвам итә

Зәйдә укуны тәмамлаган өч кеше “Яшьләр практикасы” программасы нигезендә эшкә урнаштырылды. Казан дәүләт архитектура-төзелеш университетын тәмамлаган бер яшь кеше “Инженер-төзүче” белгечлеге буенча эшле булды. Ә урта белемле (11 класс) ике кеше О. Арсланова шәхси предприятиесенә “Кухня эшчесе” белгечлеге буенча һәм “Зәй шикәре” агрофирмасына ярдәмче эшче итеп урнаштырылды. Бүгенге көндә мәшгульлек үзәге “Беренче эш урыны” программасы буенча ике эш башлаучы программистны, берәр электромонтер һәм эретеп ябыштыручыны эшкә урнаштырырга әзерли. “Беренче эш урыны” юлламасы буенча дәгъва кылучыларның барысы да Зәй политехник колледжы студентлары. Укуын тәмамлаган яшь кешеләрне эшкә алучылар мәшгульлек үзәгеннән хезмәткә түләү өчен 11163 күләмендә компенсация, ә эшкә урнашучы төп хезмәт хакына өстәмә 2125 сум күләмендә матди ярдәм алачак.