ЯҢАЛЫКЛАР

Җылы коры һава торышы урнашканчы күп вакыт калмады. Узган еллар тәҗрибәсе күрсәткәнчә, бу чорда шәһәр урамнарында, авыл торак пунктларында, урман, парк зоналарында, авыл хуҗалыгы җирләрендә, йорт яны участокларында чүп-чар януга бәйле янгыннар саны кискен арта. Аларның шактый өлеше урманнарда балыкчылар һәм аучыларның, балаларның, бакча участоклары җыештыручыларның һәм табигатькә ял итәргә чыгучыларның ут белән саксыз эш йөртүеннән килеп чыга. Еш кына мондый хәлләр авыр нәтиҗәләргә китерә. Ут урман массивларына, хуҗалык корылмаларына, торак һәм торак булмаган корылмаларга күчә һәм ул шунда ук яна башлый. Моннан тыш, мондый янгыннарны сүндерүгә зур акчалар сарыф ителә. Шуның белән бәйле рәвештә, Татарстан Республикасы Россия гадәттән тыш хәлләр министрлыгы Баш идарәсенең Зәй муниципаль районы буенча күзәтчелек эшчәнлеге һәм профилактик эш бүлеге хезмәткәрләре сезне язгы-җәйге янгын куркынычы чорында аеруча игътибарлы һәм сак булырга өнди. Тәмәке тартучыларга тиешсез урыннарда шырпы ташларга һәм тәмәке тартырга ярамый. Чөнки моның өчен махсус җиһазландырылган урналар бар. Балаларның нәрсә белән шөгыльләнүен күзәтеп торырга, балигъ булмаганнарның ут белән уйнавына чик куярга кирәк. Шәхси торак секторы территориясендә, янгын чыккан очракта бакчачылык җәмгыятьләрендә янгын сүндерү максатлары өчен су запасы булдырырга, шулай ук янгын сагы чакыруның тәртибен һәм ысулларын белергә кирәк. Бу чорда да, һәм башка вакытта да янгын куркынычсызлыгы чараларын төгәл үтәргә кирәк. Янгын куркынычсызлыгы кагыйдәләрен бозган өчен Россия Федерациясе законнары белән административ, шулай ук җинаять җаваплылыгы каралган. Зәй муниципаль районы буенча күзәтчелек эшчәнлеге һәм профилактик эшләр бүлеге хезмәткәрләре халыкның уртак тырышлыгы белән быел язгы-җәйге янгын куркынычы чорында гадәттән тыш хәлләргә юл куймас дип өметләнәләр. Коткару хезмәтенең телефоны-01, 101, 112.

Муниципаль район территорияләрен чистарту буенча Зәй муниципаль районы Башкарма комитеты җитәкчесе Хафизов Илнар Фәнил улы хәбәр итә. Зәй муниципаль районында язгы икеайлык 1 апрельдән 31 майга кадәр, Зәй муниципаль районы Башкарма комитеты җитәкчесенең "2019 елда Зәй муниципаль районында язгы һәм көзге икеайлык үткәрү турында" гы 157 номерлы карары нигезендә билгеләнде. Эшләрне оештыру өчен эшче төркем составы, төп чаралар планы расланды. Предприятиеләргә, оешмаларга, учреждениеләргә билгеләнгән участоклар буенча әлеге территорияләрне җыештыруда катнашырга тәкъдим ителде. Икеайлык чорында һәр җирдә җыештыру үткәрү өчен, бердәм санитар көннәр һәр атнаның – чәршәмбе һәм җомга көннәре билгеләнде. Язгы гомумрайон өмәләрен үткәрү көне итеп гомумреспублика өмәләре кебек үк, 20 апрель көне билгеләнде. Һава шартлары белән бәйле рәвештә җыештыру эшләре кар көртеннән башлап, аннары урамнарны, паркларны, скверларны, йорт яны территорияләрен, су янында ял итү урыннарын, җитештерү мәйданчыкларын, гараж һәм бакчачылык җәмгыятьләрен чүп-чардан арындырудан башланачак. Узган атнада экология министрлыгы муниципалитет вәкилләре белән зона киңәшмәсе үткәрде. Аның барышында сүз санитар-экологик икеайлык үткәрүгә әзерлек, шулай ук территорияләрне урынга чыгып тикшерүләр планлаштырылуы турында барды. Агымдагы елның яңалыгы булып шул тора, быел экологлар муниципалитет территориясен генә түгел, предприятие территорияләрен дә дә булачаклар. Шуңа күрә җитәкчеләргә бу эшкә җитди карауларын сорап мөрәҗәгать итәм. Бу акциядә барсыда катнашыр,-дип көтеп калабыз. Һәм тагын зур булмаган мәгълүмат: агымдагы елда Экология министрлыгы тарафыннан Татарстан Республикасында экология һәм җәмәгать урыннары елына багышланган «ЭКОяз-2019» конкурсы үткәреләчәк. Әлеге конкурсның төрле номинацияләре: “Иң яхшы мәктәп”, - “Иң яхшы гаилә”, - “Иң яхшы предприятие”,“Иң яхшы балалар бакчасы”һ.б.лар. буенча җиңүчеләр билгеләнәчәк.Әлеге бәйгедә катнашырга чакырабыз.

Бүген хакимиятнең зур залында Зәй муниципаль районы Советы һәм Зәй шәһәре Советының берләштерелгән өченче чакырылыш утырышы узды. Көн тәртибенә 8 мәсьәлә кертелгән иде. Утырышта Зәй муниципаль районы финанс-бюджет палатасы рәисе П. А. Байрашев, район Советының юридик бүлек башлыгы В. В. Кудряшов чыгыш ясады. Даими комиссияләр тарафыннан әзерләнгән карар проектлары бертавыштан кабул ителде.

Бүген хакимиятнең кече залында бюджет-финанс мәсьәләләре, икътисадый үсеш һәм муниципаль милек һәм законлылык, регламент һәм депутат этикасы буенча шәһәр Советының даими комиссияләренең уртак утырышы булды. Депутатлар тарафыннан түбәндәге темаларга: 1.Зәй муниципаль районы Зәй шәһәре Советының 2018 елның 3 декабрендә кабул ителгән 133 номерлы «Зәй муниципаль районының 2019 елга һәм 2020 һәм 2021 еллар план чорына бюджеты турында» карарына үзгәрешләр кертү турында; 2.Зәй муниципаль районы Зәй шәһәре Советының 2018 елның 3 декабрендә кабул ителгән "Зәй шәһәре муниципаль районының 2019 елга һәм 2020 һәм 2021 еллар план чорына бюджеты турында" гы карарына үзгәрешләр кертү турында; Зәй муниципаль районы Зәй шәһәре Советының «Татарстан Республикасы Зәй муниципаль районы Зәй шәһәрендә муниципаль хезмәт турындагы нигезләмә турында " гы 185 нче карарына үзгәрешләр кертү турында” докладлар тыңланды. Утырышта Зәй муниципаль районы финанс – бюджет палатасы рәисе Байрашев Павел Андреевич, Зәй муниципаль районы Советының гомуми бүлегенең кадрлар секторы мөдире Сергеева Марина Геннадий кызы чыгыш ясады. Депутатлар көн тәртибендәге барлык мәсьәләләр буенча тиешле карар проектларын кабул иттеләр.

Татарстан Республикасы Зәй муниципаль районында мәдәният елы кысаларында «Гаилә кыйммәтләре хәзинәсе" шәһәр һәм район гаилә иҗаты фестивале игълан ителде. Фестивальне Татарстан Республикасы Зәй муниципаль районы Башкарма комитетының Гражданлык хәле актларын теркәү бүлеге һәм милли мәдәният үзәге оештыра. Фестиваль гаиләнең интеллектуаль һәм иҗади активлыгын арттыру максатында "Хезмәт династиясе», «Спорт-сәламәтлек нигезе», «Гаилә мавыгулары дөньясы», «Иң күп укучы гаилә», «Җылы йорт», «Яшь гаиләнең уңышлы старты», «Алтын гаилә» номинацияләре буенча үткәрелә. Жюри бәяләүләре нәтиҗәләре буенча җиңүчеләр дипломнар һәм кыйммәтле бүләкләр белән бүләкләнә. Гаризалар zainskudm@mail.ru электрон адресы буенча "Гаилә кыйммәтләрен чагылдырган фестиваль –хәзинә" тамгасы белән кабул ителә. Конкурс нигезләмәсе белән түбәндәге адрес буенча танышырга мөмкин: ДК «Энергетик» контактында: https://vk.com/id475643797 -,Instagram: dk_energetik_zai, белешмәләрне 7-52-84, 7-20-68 телефоны буенча алырга мөмкин.

30 март көнне Ставрополь краеның Железноводск шәһәрендә тауга йөгерү буенча 2002-2003 елгы егетләр һәм кызлар арасында Россия беренчелеге узды. «Барс» спорт мәктәбе укучысы Кирилл Герасимов 5400 м дистанциядә бронза медаль яулады (тренеры Лисов В. В.).

30 мартта Арча шәһәрендә авыл районнары арасында армрестлинг буенча Татарстан Республикасы Чемпионаты узды. Вятскин Алексей 80 кг авырлык категориясендә 3 урынны яулады.

Бүген таңда озак еллар Зәй районы имам-мөхтәсибе вазифасын башкарган Сәгыйть хәзрәт Камалов арабыздан китеп барды. 27 майда аңа 83 яшь тулган булыр иде.

29 март көнне "Энергетик" мәдәният сараенда шаяннар һәм тапкырлар клубы уены узды, анда шәһәрнең эшче яшьләр лигасы чыгыш ясады. Ярышта 7 команда катнашты. Урыннар түбәндәгечә бүленде:1 урынга - Зәй ГРЭСЫ һәм «Аккурайд Уилз Руссиа» ҖЧҖе, 2 урынга - Яшьләр эшләре идарәсе командасы, 3 урыннарга «Зәй шикәре» һәм «ТатЭК»ның җыелма командасы, шулай ук мәгариф идарәсе командалары чыкты. Уен тәмамланды, ә истәлекләр озакка сакланыр!

Зәй районы укытучысы Наталия Ильина Казанда узган «Туган тел» туган тел һәм әдәбият укытучыларының Бөтенроссия мастер-класс конкурсында җиңеп чыкты.