Зәйдә «Татарстанның музей язы - 2019» акциясе бара

3 апрельдә «Татарстанның музей язы - 2019» акциясе кысаларында туган якны өйрәнү музеенда «Театр – әкият иле» өй театры узды. Тамашачылар ролендә 1 нче мәктәпнең 1 “Б” сыйныфы укучылары булды. Программа башында балалар Петрушка курчагы белән таныштылар. Ул театрның кайчан һәм каян барлыкка килүе турында сөйләде. Бүген балалар театры-яшь тамашачылар өчен халык әкиятләре, борынгы риваятьләр һәм заманча тарихлар мотивлары буенча куелган театраль спектакль. Балалар рәхәтләнеп «Морозко» әкиятен карадылар, аннары үзләре актерлар булып, сыйныфташларына «Колобок» һәм «Курочка Ряба» әкиятләрен күрсәттеләр.