ЯҢАЛЫКЛАР

Бүген С. Рәфыйков исемендәге Үзәк китапханәнең татар әдәбияты бүлегендә “Сөмбелә” клубы әгъзалары өчен 8 март- Халыкара хатын- кызлар көне уңаеннан “Эчсәң чәй – җанда җәй” дип исемләнгән музыкаль күңел ачу чарасы узды.

Татарстанда Туган телләр һәм халыклар бердәмлеге елы, районыбызда Туган як елы кысаларында 4нче март көнне Р.Ш. Фәрдиев исемендәге татар гимназиясендә күренекле язучы, драматург якташыбыз Рабит Батулла белән очрашу булды. 5нче март көнне Рабит Батулла туган авылы Түбән Биш мәктәбендә һәм күрше Кадер мәктәбендә белем алучылар белән очрашты.

8 Март алдыннан Үзәк китапханәдә "Өмет" клубы  һәм Бөтенроссия сукырлар җәмгыятенең җирле оешмасы әгъзалары өчен «Гүзәл сез, җир хатын-кызлары!» дип исемләнгән бәйрәм кичәсе узды.

2021 ел Зәй муниципаль районында Туган як елы дип игълан ителде. Татарстанда ул Туган телләр һәм халыклар бердәмлеге елы буларак уза.

Китап уку кызык. Ә кычкырып уку – икеләтә файдалы! 2010 елдан башлап ел саен мартның беренче чәршәмбесендә «Бөтендөнья кычкырып китап уку» акциясе үткәрелә.

“Татарстан – яңа гасыр” иҗтимагый хәрәкәте “Без төрле, әмма без бердәм!” балалар иҗаты республика фестивале кысаларында Туган телләр һәм халыклар бердәмлеге елына багышлап үзенчәлекле бәйге игълан итә.

Татарстан Республикасы Авыл хуҗалыгы һәм азык-төлек министрлыгы он җитештерүчеләрдән азык-төлек бодае сатып алуга чыгымнар өлешен каплауга һәм икмәк пешерү сәнәгате предприятиеләреннән җитештерелгән һәм сатылган икмәк һәм икмәк-күмәч әйберләренә киткән чыгымнар өлешен каплауга субсидияләр бирү өчен гаризалар сайлап алуны игълан итә.

3 мартта «Энергетик» мәдәният сараенда «Созвездие-Йолдызлык-2021» эстрада сәнгатенең ачык республика телевизион яшьләр фестиваленең зона туры гала-концерты узды. Фестиваль «Вокал-соло», «Вокал ансамбльләр», «Хореография», «Конферанс» номинацияләре буенча уза.

3 март көнне Зәй шәһәренең халыкны эш белән тәэмин итү үзәгендә Экспертлар советының быел беренче утырышы узды. Эшмәкәрлек эшчәнлеге оештыру һәм алга таба финанс ярдәме алу өчен эшсез гражданнар Эксперт советы әгъзаларына үз бизнес-планнарын тәкъдим иттеләр. Комиссия дүрт гражданның бизнес-планын карады, өч проектны гына хуплады. Салым органнарында теркәлгәннән соң претендентлар 145100 сум күләмендә бер тапкыр бирелә торган финанс ярдәмен ала алачаклар.

Бүген Зәй туган якны өйрәнү музеенда Олимпия чемпионы Ф.П. Симашевның туган көненә багышланган «Чемпион мирасы» дип исемләнгән тематик очрашу узды.