ЯҢАЛЫКЛАР
Зәй районда чөгендер алу эше тулы куәттә алып барыла. Авыл хуҗалыгы һәм азык-төлек идарәсеннән алынган мәгълүматлар буенча, 26 августка район буенча татлы тамыр 1400 гектарда җыеп алынган.
Зәй “Шатлык” социаль хезмәтләр күрсәтү үзәгендә ТР хезмәт, мәшгульлек һәм халыкны социаль яклау министры урынбасары Клара Таҗетдинова социаль яклау бүлеге, “Шатлык” халыкка социаль хезмәтләр күрсәтү үзәге коллективлары белән очрашты.
24 августта авыл җирлекләре башлыкларының күчмә утырышы барышында Чыбыклы авылының балалар бакчасы да ихтибарны җәлеп итте. Бакча 1991 елда сафка баскан иде. Хәзерге вакытта анда 16 бала тәрбияләнә.
24 августта “Созвездие” балалар лагерында музей хезмәткәрләре “Исеңдә тот!” исемле чара үткәрделәр. Ул Курск астында булган бәрелешләргә багышланрган иде.
Инде 10 ел буена Зәй районында “Күңелле җәй” муниципаль программасы тормышка ашырыла. Аның максаты - студентларны вакытлыча эшкә урнаштыру, балаларның ялын оештыру һәм ишек алдында җәйге чорда ял итүчеләрнең ялын оештыру.
Зәйдә Татарстан Республикасы буенча баш федераль инспектор Ренат Тимерҗанов гражданнарны һәм юридик затларны төрле мәсьәләләр белән кабул итте. Аңа тугыз кеше мөрәҗәгать итте.
Зәй районында җирлек башлыклары айга ике мәртәбә урыннарга чыгып киңәшә. Тәҗрибә уртаклашу, җирлек эшчәнлегенә кагылышлы мәгълүмат алу максатыннан оештырылган шундый күчмә утырышларның чираттагысы бүген Чыбыклы авыл җирлегендә узды.
Хәзерге вакытта дөнья хәбәрләре хәрби хәрәкәтләрне хәтерләтә. Андый вакытта уйлап куясың, ничек үзеңне һәм якыннарыңны сакларга. Күп вакытта кеше югалып кала. 24 августта иске Зәй бистәсендә музей хезмәткәрләре “Үз дөньяңны террордан сакла” исемле акция үткәрделәр.
Зәйнең 7нче мәктәбендә “Мәгариф системасының нәтиҗәле эшчәнлеге – районның үсеш нигезе“ шигаре астында район-шәһәр мәгариф хезмәткәрләренең август киңәшмәсе үтте. Анда ТР Мәгариф министрлыгының мәгариф өлкәсендә күзәтчелек итү һәм контроль департаменты җитәкчесе урынбасары Айрат Мөхәммәтов, район башлыгы Разиф Кәримов катнашты.
23 августта Дмитровода авыл халкы өчен шәһәр мәдәният йорты үзешчәннәре көче белән әзерләнгән концерт булды.Анда мәдәният йортының иҗат коллективлары һәм аерым башкаручылар чыгыш ясады.