ЯҢАЛЫКЛАР

“Зәй” агрофирмасы игенчеләре районда беренчеләрдән булып көзге бодай суктыруны тәмамладылар. Быел ул 2878 гектар мәйданда игелде, барлыгы 13354 тонна ашлык суктырып алдылар, уртача уңыш гектарыннан 46,4 центнер тәшкил итте.

2 август көннеТатарстан Республикасы Хезмәт, халыкны эш белән тәэмин итү һәм социаль яклау министрлыгының Зәй муниципаль районындагы "Шатлык" халыкка комплекслы социаль хезмәт күрсәтү үзәге" социаль хезмәт күрсәтү дәүләт автоном учреждениесендә хезмәткәрләр белән янгын куркынычсызлыгы һәм террор куркынычсызлыгы кагыйдәләре буенча инструктаж уздырылды.

1-6 августта башкалабыз Казанда VIII Бөтендөнья татар яшьләре форумы уза. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле карала.

2 август - Һава-десанты гаскәрләре көне. Зәйдә бу чара ял паркында «Юнармия» балалар хәрәкәте активистларына һәм шәһәрнең хәрби-патриотик клуб әгъзаларына тренеровкалар үткәрүдән башланды һәм Азатлык китерүче солдат һәйкәле янында дәвам итте. Десантчыларны тантаналы төстә район башлыгы урынбасары В.Г. Акатьев котлады. Яшьләрне патриотик рухта тәрбияләүче активистларга бүләкләр тапшырылды. Соңыннан, митингта катнашучылар һәлак булган десантчыларны бер минут тынлык белән искә алдылар һәм алар истәлегенә һәйкәлгә чәчәк бәйләмнәре салдылар.

“Зәй шәһәре мәшгульлек үзәге” дәүләт казна учреждениесе белгечләре “Маркетинг визиты” чарасы Р.Ф. Бәдретдинов шәхси предприятиесендә (“Носорог” кафесы) булдылар.

Районыбыз кырларында урып- җыю эшләре тулы куәткә дәвам итә. Авыл хуҗалыгы һәм азык- төлек идарәсеннән алынган мәгълүматлар буенча, 2 нче авгутка барлыгы 11500 гектар мәйданның уңышы җыеп алынган, 47 150 тонна көзге бодай суктырылган, уртача уңыш гектарыннан 41 центнер тәшкил итә.

1 август - Беренче Бөтендөнья сугышында һәлак булучыларны искә алу көне. Бу сугышта безнең районнан да катнашучылар бар. Аларның исемнәрен ачыклауга музей хезмәткәрләре үз өлешләрен кертәләр.

Бүген Иске Зәй бистәсенең 1нче мәктәп биләмәсендә универсаль спорт мәйданчыгы ачылды. Биредә баскетбол һәм мини футбол буенча спорт мәйданчыклары бар иде инде.

Бүген шәһәр ипподромы территориясендә 1700 кв. метр мәйданлы картодром ачылды. Яңа объект юл эшләре муниципаль программасы буенча барлыкка килде.

Бүген Башкарма комитет җитәкчесе И.Ф.Хафизов тәртип саклау җәмәгать пунктларының 2018 ел 2 нче кварталы эшчәнлеге нәтиҗәләре буенча киңәшмә үткәрде. Шушы вакыт эчендә административ комиссия барлыгы ун ике утырыш үткәргән, аларда административ кагыйдә бозулар буенча өч йөз дә биш беркетмә каралган һәм админстратив кагыйдә бозучыларга өч йөз дә туксан җиде мең өч йөз сум күләмендә штраф салынган. Комиссиядә каралган өч йөз дә биш административ материалның ике йөз дә дүрте - физик, унысы вазыйфаи зат һәм берсе юридик затларга төзелгән.