Зәй яшь белгечләре VIII Бөтендөнья татар яшьләре форумында катнаша

1-6 августта башкалабыз Казанда VIII Бөтендөнья татар яшьләре форумы уза. Форумда халкыбызның телен, мәдәниятен саклау һәм үстерү, яшь буынның милләтебезнең үзенчәлеген саклауда тоткан роле карала. Әлеге чарада 30 чит илдән, 60 Россия төбәгеннән һәм Татарстан районнарыннан барлыгы 1000 делегат катнаша. Оештыручылар форумда катнашучы делегатлар алдына татар телен камил белү шартын куйдылар. Зәй районын ике яшь белгеч тәкъдим итә. Бигеш мәктәбе музыка укытучысы Зөлфия Камилова, башкарма комитетның яшьләр эшләре идарәсе белгече Рафил Иркашев форум эшендә катнашып, чит илләрдән җыелган милләттәшләребез белән аралашалар, тәҗрибә туплыйлар. Форумның беренче көнендә делегатлар өчен Иске -Татар бистәсе буенча экскурсия оештырылды. Форумнын икенче көне "Проектлар аллеясы"сы белән танышудан башланды.Күргәзмәдә төрле ил һәм Россия төбәкләреннән килгән делегатлар татар телен һәм мәдәниятын үстерү һәм танытуга юнәлдерелгән проектларын тәкъдим итәләр. Программада шулай ук эшлекле очрашулар (пленар утырыш, дискуссион мәйданчыклар, проект сессияләрен уздыру), төрледән-төрле мәдәни-мәгълүмати һәм өйрәнү сәяхәтләре, шулай ук Казанның татар тарихы белән бәйле урыннарына бару, Арчада шәһәр көнендә һәм “Печән базары” фестивалендә катнашу күз алдында тотыла.