Зәйдә тәртип саклау җәмәгать пунктларының эшчәнлегенә нәтиҗә ясалды

Бүген Башкарма комитет җитәкчесе И.Ф.Хафизов тәртип саклау җәмәгать пунктларының 2018 ел 2 нче кварталы эшчәнлеге нәтиҗәләре буенча киңәшмә үткәрде. Шушы вакыт эчендә административ комиссия барлыгы ун ике утырыш үткәргән, аларда административ кагыйдә бозулар буенча өч йөз дә биш беркетмә каралган һәм админстратив кагыйдә бозучыларга өч йөз дә туксан җиде мең өч йөз сум күләмендә штраф салынган. Комиссиядә каралган өч йөз дә биш административ материалның ике йөз дә дүрте - физик, унысы вазыйфаи зат һәм берсе юридик затларга төзелгән. Административ комиссия каравына тапшырылган материаллардан: тәртип саклау җәмәгать пунктлары хезмәткәрләреннән йөз дә илле алты беркетмә кергән һәм йөздә илле дүрт мең сум күләмендә штраф салынган. Башкарма комитетның баш белгече Т. Р. Кашаповтан административ комиссия эшенә йөз дә утыз тугыз беркетмә тапшырылган һәм алар буенча ике йөз дә егерме дүрт мең өч йөз сум күләмендә штрафлар салынган. Комиссия эше каравына Татарстан Республикасы экология һәм табигый байлыклар министрлыгының Кама аръягы территориаль идарәсеннән ун материал, шуларның берсе - юридик, алтысы - вазыйфаи, өчесе физик затлардан кергән. Аларга унтугыз мең сум күләмендә штраф салынган.