ЯҢАЛЫКЛАР
Зәй районында яшәүчеләр өчен күптән көтелгән шатлыклы вакыйга: хәзер алар 20 мәҗбүри федераль телеканалны цифрлы форматта карый ала. РТРС-1 10 каналлы пакетына (1 канал, Россия 1+Татарстан ДТРКсе,Матч ТВ, НТВ, Бишенче канал, ОТР, ТВЦ, Карусель, Россия 24, Россия Культура, шулай ук «Радио Россия + Татарстан ДТРКсе", "Маяк», Вести РМ" радиоканаллары) РТРС-2 икенче пакетының тагын 10 каналы өстәлде (Рен ТВ, СПАС, СТС, Домашний, ТВЗ, Пятница, Звезда, Мир, ТНТ, Муз ТВ).
14 нче ярминкә сезон башланганнан бирле шәһәр халкын азык-төлек продуктлары белән тулысынча тәэмин итеп килә. Биредә ит, сөт һәм сөт продуктлары, казылык әйберләре, май, сыр, йомырка, бал, балык, икмәк-күмәч әйберләре, яшелчәләр һәм башка продуктлар җитәрлек күләмдә. Район башлыгы җирле крестьян-фермер хуҗалыклары тәкъдим иткән продукциянең сыйфатын шәхси контрольдә тота. Авыл хуҗалыгы ярминкәләре халыкка район җитәкчелеге белән турыдан-туры очрашу өчен кулай урын да. Бирегә килгән зәйлеләр район башлыгы Р.Г. Кәримовка, халыкны сыйфатлы азык-төлек белән тәэмин итүне булдырганы, район һәм шәһәр юлларын һәм тротуарларны төзекләндерү, күп фатирлы йортларны, сәламәтлек саклау, мәгариф, спорт объектларын капиталь ремонтлау программалары өчен турыдан-туры рәхмәтләрен белдерәләр. Барлыгы 14 ярминкәгә 350 тоннадан артык яшелчә, 100 тоннага якын ит,12 тонна сөт һәм 10 тонна сөт продуктлары һәм 39 млн. сумнан артык башка товарлар сатылган.Узып баручы елда йомгаклау ярминкәсе 30 декабрьгә планлаштырыла.
20 декабрь көнне «Энергетик» мәдәният сараенда 2018 елда Зәй муниципаль районында Мәгариф елы ябылуга багышланган бәйрәм чарасы узды. Бәйрәм кунакларын, Татарстан Республикасы Мәгариф һәм фән министры урынбасары Әсадуллина Алсу Мөниб кызын, Зәй муниципаль районы башлыгы Кәримов Разиф Гали улын, "Кояшкай" балалар бакчасында тәрбияләнүчеләр, Россия укучылар хәрәкәте командасы, 7 нче мәктәпнең яшь армиячеләр командасы, Александр Шамов җитәкчелегендәге джаз оркестры каршы алды. Мәктәпкәчә белем бирү педагогларының муниципаль методик берләшмәләре җитәкчеләре, башлангыч сыйныфлар, математика, информатика, рус һәм татар теле, физик культура, тарих һәм җәмгыять белеме укытучылары, шулай ук кече Фәннәр академиясе директоры, Зәй политехника көллияте директоры урынбасары, педагогик коллективларның 2018 елгы эш нәтиҗәләре белән таныштырдылар. Бәйрәм концертында Зәй муниципаль районының иң яхшы балалар хореография коллективлары чыгыш ясады. Р.Ш.Фәрдиев исемендәге татар гимназиясе һәм 9 нчы мәктәп җитәкчеләренә, балалар өчен яңа мәктәп автобусларыннан ачкычлар тапшырылды. Зәй муниципаль районы башлыгы Кәримов Разиф Гали улы Мәгариф елына йомгак ясады, барлык педагогларны котлады, сәламәтлек, педагогик эшчәнлектә яңа уңышлар теләде. Районның иң яхшы педагоглары ТР Мәгариф һәм фән министрлыгының, район башлыгының Мактау грамоталары, Башкарма комитетның Рәхмәт хатлары, мәгариф идарәсенең Мактау грамоталары белән бүләкләнделәр. Тәрбия өлкәсе кадрларының һөнәри осталыгы республика конкурсының муниципаль этабы нәтиҗәләре буенча “Педагог-оештыручы», «Өстәмә белем бирү педагогы», «Сыйныф җитәкчесе” номинацияләрендә, Татарстан Республикасында «Россиянең Ел укытучысы», «Татар теле һәм әдәбияты буенча иң яхшы укытучы» Бөтенроссия конкурсының муниципаль этабы нәтиҗәләре буенча 22 педагог бүләкләнде. Бу бик матур бәйрәм булды, балалар белән бергә педагоглар да чыгыш ясады. Мәгариф елы тәмамлануга карамастан, Зәй муниципаль районы мәктәпләрендә, балалар бакчаларында мәгариф системасының төп юнәлешләре өстендә эш дәвам итә.
Бүген “Күчмә кадрлар бүлеге” чарасы кысаларында Зәй мәшгульлек үзәге базасында “Садко” ҖЧШ, «Орман Логистика» ҖЧШ, «Таттехмедфарм ЦРА №146” ДУП, Галиев Р. Р. шәхси предприятиесе, “Андыз” ҖЧШ вәкилләре белән очрашу узды. Очрашу барышында хезмәт закончылыклары аңлатылды. Үзәк директоры Екатерина Андреева мәшгульлек үзәге тарафыннан күрсәтелә торган дәүләт хезмәтләре, мәшгульлек хезмәтенә бирелергә тиешле мәгълүматны тапшыру тәртибен, хезмәт базарындагы хәлнең торышын, “Работа в России” порталы мөмкинлекләрен бәян итте. Шулай ук эш бирүчеләрнең бурычлары һәм хокуклары, пенсия яше алдындагы һәм иректән мәхрүм итү урыннарыннан кайткан гражданнарны эшкә урнаштыру мәсьәләләре каралды. Очрашуда катнашучылар үзләрен кызыксындырган барлык сорауларга да җавап ала алды.
Бүген Зәй ГРЭСында Энергетиклар көненә багышланган тантаналы җыелыш булды. Электр станциясе хезмәткәрләрен котларга район башлыгы Разиф Кәримов, «Татэнерго» АҖ генераль директоры Рәүзил Хаҗиев килде. Ел нәтиҗәләре буенча җитештерү күрсәткечләре турында, Зәй ГРЭСы директоры Сергей Токмачев чыгыш ясады. Чара бүләкләү тантанасы белән тәмамланды. Техник хезмәт күрсәтү һәм сервисны әзерләү һәм үткәрү бүлегенең әйдәп баручы инженеры Коклин Павел Михайлович Россия Федерациясе Энергетика министрлыгының Мактау грамотасы белән бүләкләнде. Техник хезмәт күрсәтү цехы җиһазларын ремонтлау буенча Мастер Кыявин Сергей Иванович, ягулык цехының газ хуҗалыгы смена башлыгы Сәхәбетдинов Мирзалиф Мөбәрәкҗан улы Татарстан Республикасы сәнәгать һәм сәүдә министрлыгының Рәхмәт хатлары белән бүләкләнделәр. Шулай ук 12 кешегә «Татэнерго» АҖ Мактау грамоталары, 11 кешегә Зәй муниципаль районы башлыгының Мактау грамоталары, 14 кешегә «Татэнерго»АҖ Рәхмәт хатлары тапшырылды. «Татэнерго» АҖ Хезмәт даны китабына Беденко Илья Дмитриевич - техник хезмәт күрсәтү цехының пар чыгару газ турбиналары җиһазларын ремонтлау буенча слесарь, Матрухов Владимир Борисович - 1нче номерлы котлотурбина цехы электростанцияләре җиһазларына хезмәт күрсәтү буенча слесарь, Шакиров Фиргать Мөбарәкҗан улы - технологик процесслар белән идарә итүнең автоматлаштырылган системалары цехында котлотурбина цехы электростанцияләре җиһазларын ремонтлау һәм аларга хезмәт күрсәтү буенча электрослесарь, «Татэнерго» АҖ мактау тактасына түбәндәгеләр кертелде: Пименов Олег Николаевич - техник хезмәт күрсәтү цехының кулдан эретеп ябыштыручысы, Сергеев Сергей Михайлович - технологик процесслар белән идарә итүнең автоматлаштырылган системалары цехы смена башлыгы, Хәлиуллин Марс Ханиф улы - электр цехының 1 төркеме мастеры, Цымбал Юрий Григорьевич - электр станциясе смена башлыгы. Зәй ГРЭСының «хезмәт даны» китабына кертелде: Ильина Елена Юрьевна - химия цехы башлыгы, Титов Павел Михайлович - техник хезмәт күрсәтү цехының 1 нче төркеме җиһазларын ремонтлау буенча мастер. Зәй ГРЭСЫ Мактау грамотасы белән 22 кеше, Зәй ГРЭСЫ Рәхмәт хаты белән23 кеше бүләкләнде. Зәй ГРЭСЫ мактау тактасына 26 кеше кертелде. Узып баручы елда станция тарафыннан 6,8 млрд. кВт сәгатьтән артык электр энергиясе эшләп чыгарылды, 11,8 млрд.сумлык тулай продукция җитештерелде.
Яңа ел бәйрәме чаралары программасы: 24.12.2018 Мирный бистәсе паркы, 17.00 сәгатьтә “ Тылсымлы маҗаралар " чыршысын ачу; 24.12.2018 Район мәдәният йорты мәйданчыгы, 18.00 сәгатьтә "Кыш бабай дусларын җыя” программасы; 25.12.2018 Р. Ш. Фәрдиев исемендәге ял паркы, 18.00 сәгатьтә "Зәйнең яңа ел утлары”- үзәк шәһәр чыршысын ачу тантанасы; 27.12.2018 " Яшьлек " боз сарае, 18.00 сәгатьтә "Йөрәкне игелекле эшләр җылыта”- 2018 елга нәтиҗә ясау тантанасы; 31.12.2018 Р. Ш. Фәрдиев исемендәге ял паркы, 19.00-21.00 сәгатьтә “Яңа ел- 2019 " бәйрәм программасы; 01.01.2018 Р. Ш. Фәрдиев исемендәге ял паркы, 01.00-03.00 Яңа ел дискотекасы программасы; 07.01.2018 Р. Ш. Фәрдиев исемендәге ял паркы,18.00-21.00 «Раштуа очрашулары-2019» бәйрәм программасы.