ЯҢАЛЫКЛАР

“Мәктәп укучысы мәшгульлек үзәгенә килә алмаса, димәк, мәшгульлек үзәге үзе киләчәк”, - “Мобиль офис”тагы беренче сәяхәтен профконсультант Эльвира Степанова шулай тасвирлый.

Бүген район башлыгы Р. Г. Кәримов авыл хуҗалыгы һәм азык-төлек идарәсе белгечләре, район бүлекчәләре һәм агрофирмалары җитәкчеләре белән берлектә авыл хуҗалыкларында булды.

25 декабрь көнне ялгыз яшәүче өлкәннәр өчен шәһәр мәдәният йорты хезмәткәрләре «Мирный» территориаль иҗтимагый үзидарәсе белән берлектә 10 кешегә «Яңа ел һәр йортка килә»дигән күчмә котлаулар оештырдылар.

24 декабрьдә Мирный бистәсе паркында, яңа ел чыршысын ачу тантанасы кысаларында, «Тылсымлы маҗаралар» дигән бәйрәм чарасы узды. Бәйрәмне ачуда Зәй шәһәре башлыгы урынбасары Елена Недошивина һәм «Мирный» территориаль иҗтимагый үзидарәсе рәисе Мария Гарапшина катнашты.

2018 елның 24 декабрендә Яңа ел һәм Раштуа бәйрәмнәре алдыннан, Зәй муниципаль районында террорчылыкка каршы комиссиянең һәм оператив төркемнең киңәйтелгән уртак утырышы уздырылды.

21 декабрь көнне Бугуруслан шәһәрендә СССРның спорт мастеры Ю. Гаврилов истәлегенә багышланган ирекле көрәш буенча беренчелек үтте. Ярышларда барлыгы 275 кеше катнашты. "Зәй балалар-яшүсмерләр спорт мәктәбе”ндә тәрбияләнүчеләр түбәндәге нәтиҗәләрне күрсәттеләр: 32 кг. авырлык үлчәмендә Ходжаев Равил 3 нче урын, 34 кг. авырлык үлчәмендә Архипов Артем 3 нче урынны алды.

21-23 декабрьдә "Ялта-Зәй" үзәгендә "Иң көчле чаңгычы - узышчылар ярышы" Татарстан Республикасы Чемпионатының 1 туры узды. Ярышлар өч яшь категориясе буенча үткәрелде.

Бүген 22 декабрьдә «Ялта-Зәй» спорт әзерлеге үзәгендә «Иң көчлеләр ярышы» Татарстан Республикасы Чемпионатының I туры старт алды. Ярышларны ачу тантанасында Зәй муниципаль районы башлыгы Разиф Гали улы Кәримов, ТР чаңгы узышлары һәм биатлон федерациясе президенты Илшат Шәех улы Фәрдиев, ТР чаңгы узышлары һәм биатлон федерациясе вице-президенты, Татарстан Республикасы җыелма командаларының баш тренеры Эдуард Шәйхнур улы Галиев катнашты.

21 декабрь көнне 1нче урта мәктәпнең хоккей мәйданчыгында, Зәй муниципаль районының гомуми белем бирү авыл мәктәпләре командалары арасында, Кыш Бабай призына хоккей буенча турнир узды.

Бүген район башлыгы Разиф Кәримов Икътисади советның чираттагы утырышын үткәрде. Совет әгъзалары каравына «Зәй Су каналы» ҖЧҖнең 2018 елның 10 ае эшчәнлеге нәтиҗәләре һәм 2019 елга перспектив планнар турындагы мәсьәлә чыгарылды. Доклад белән «Зәй Су каналы» ҖЧҖ директоры С. Г. Федоров чыгыш ясады. "Зәй Су каналы» ҖЧҖ 2015 елның 1 июлендә Зәй шәһәре Башкарма комитеты белән төзелгән концессион килешү нигезендә, су белән тәэмин итү һәм ташландык суларны агызу буенча эшчәнлек алып бара. Предприятие 196,522 км озынлыктагы суүткәргеч челтәрләргә хезмәт күрсәтә. Агымдагы елның 10 аенда предприятие акчасына 18 авария төзекләндерелгән, 45 суүткәргеч кое капиталь ремонтланган, 3 янгын гидранты алмаштырылган һәм ремонтланган, су алу җайланмалары һәм су насосы станцияләре биналарына өлешчә ремонт ясалган. Су кертү буенча 35 канализация коесы капиталь ремонтланган, КНС-4 насосы алмаштырылган, Ленин урамы, 1в һәм төзүчеләр урамы, 6 һәм 9 адреслары буенча канализация чыгарылышлары алмаштырылган. Агымдагы елның ремонт чорында җитештерү программасында каралган акчалар хисабына барлыгы 1 км. 732 метр озынлыктагы суүткәргеч алыштыру эшләре башкарылган. 444 метр озынлыктагы Агросәнәгать паркына суүткәргеч сузылган. Зәй-2 микрорайонында урнашкан пляжда 220 метр озынлыкта салкын су белән тәэмин итү торбалары салынган һ.б.лар. Предприятие энергия белән тәэмин итү программасы нигезендә энергия куллануны киметү буенча системалы эш алып бара. Салымнар һәм мәҗбүри иминият кертемнәре буенча бурычлар юк. Утырыш барышында предприятие директоры С.Г.Федоров, 2019 елда башкарылачак капиталь ремонт планнары турында да хәбәр итте. Икътисади совет әгъзалары үзара фикер алыштылар. Утырышка район башлыгы Р. Г. Кәримов йомгак ясады.