2019 елда эшләмәүче пенсионерларның иминият пенсияләре арта

2019 елда, эшләмәүче пенсионерларның иминият пенсияләре 1 гыйнвардан уртача 1000 сумга артачак. Пенсияләрне арттыру ел саен индексацияләү механизмы ярдәмендә узачак. Зәй муниципаль районында әлеге индексация 13 меңгә якын эшләмәүче пенсионерга кагылачак. 2019 елда индексациядән соң пенсия коэффициенты бәясе 87,24 сум тәшкил итәчәк, ә билгеләнгән түләү 5 334,19 сум булачак. Игътибар итегез, пенсия күләме һәр пенсия алучыга аерым артачак. Әйтик, 2018 елда гражданин 15000 сум күләмендә пенсия алган булса, аны индексацияләү суммасы якынча 1000 сум тәшкил итәчәк, әгәр гражданин 10000 сум алган булса, аны якынча 700 сум күләмендә арттыру көтә. Шуны да искәртик: эшләүче пенсионерларга пенсия индексациясен яңарту һәм аны тулысынча эштән азат ителгәннән соң, тулы күләмдә түләү, «югалган» индексацияләрне исәпкә алып, киләсе айдан, эш яки башка эшчәнлек туктатылганнан соң, бер айдан соң килеп җитә.