ЯҢАЛЫКЛАР

Зәй районы авылларында халык җыеннары һәм җыелышлары дәвам итә. Бүген Иске Маврин һәм Урсай авыл җирлекләрендә район җитәкчелеге белән чираттагы очрашу узды. Мондый очрашуларның максаты-узган елда районның һәм авыл җирлекләренең социаль-икътисади үсеше нәтиҗәләре турында фикер алышу, проблемалы мәсьәләләрне хәл итү һәм агымдагы елга төп бурычларны билгеләү. Авыл җирлекләре башлыкларының 2018 елда башкарылган эшләр турындагы хисаплары, авыл җирлегендә булган бөтен эшчәнлек өлкәсенә кагылды. Муниципаль район башлыгы урынбасары Валерий Акатьев 2018 елгы районның социаль-икътисади үсеше нәтиҗәләре белән таныштырып, агымдагы елга авыл җирлекләре территорияләрен төзекләндерү планнары билгеләнүен һәм алар эзлекле рәвештә хәл ителәчәк, дип билгеләп үтте. Ул шулай ук  авылның спорт һәм мәдәни тормышында яшьләрнең активлыгын арттыруга игътибарны юнәлтте, авыл хуҗалыгы тармагында кече һәм урта бизнесны үстерүнең мөһимлеген ассызыклады. Гражданнар җыеннарына муниципаль район башлыгы урынбасары В. Г. Акатьев йомгак ясады.

Зәй шәһәренең халык мәшгульлеге үзәге белгечләре районның мәдәният учреждениеләре хезмәткәрләре белән берлектә берничә чара оештырды. Үзәк шәһәр китапханәсендә мәшгульлек үзәгенең әйдәп баручы инспекторы Эльвира Степанова 6 нчы номерлы мәктәпнең 7 нче сыйныф укучылары өчен һөнәри юнәлеш буенча консультация уздырды, ә Зәй туган якны өйрәнү музеенда 1 нче номерлы мәктәбенең 8-9 нчы сыйныф укучылары белән очрашты. Очрашулар Татарстанда эшче һөнәрләр елы кысаларында, укучылар арасында инженер һәм эшче профессияләрне популярлаштыру максатыннан оештырылды. Профконсультант балаларның нинди һөнәргә өстенлек бирүләрен, кызыксынуларын, киләчәктә аларга туры килердәй профессияләрне ачыклау өчен тест уздырды. Моннан тыш, балалар хезмәт базарында ихтыяҗ зур булган һөнәрләр турында мәгълүмат алды. Тулаем чараларда биш дистәдән артык бала катнашты.

«Татарстан Республикасында (Татарстан) гигиена һәм эпидемиология үзәге» федераль бюджет сәламәтлек саклау учреждениесенең Зәй районындагы филиалы, 2019 елның 23 гыйнварыннан 2019 елның 4 февраленә кадәр сөт продуктларының сыйфаты һәм иминлеге мәсьәләләре буенча кулланучылар өчен «Кайнар линия» оештырылды. Кулланучылар хокукларын яклау өлкәсендә килеп туган мәсьәләләр буенча сез эш көннәрендә 8.00 дән 12.00 гә кадәр; 13.00 дән 17.00 гә кадәр 8(85558) 7-22-75, 7-22-77 телефоннары буенча консультация ала аласыз.

Яңа Спас һәм Александр Бистәсе авыл җирлекләрендә яшәүче җирле халык, район башлыгы урынбасары Валерий Акатьев һәм районның төрле хезмәт вәкилләре белән очрашты. Җыен башланыр алдыннан авыл халкына белгечләргә үзләрен кызыксындырган сорауларын бирү һәм квалификацияле җаваплар алу мөмкинлеге дә булды. Валерий Акатьев районда 2018 елда башкарылган эшләр турында сөйләде һәм халыкны агымдагы елга районның перспектив планнары белән таныштырды. Яңа Спас һәм Александр Бистәсе авыл җирлекләре башлыклары Анна Быля һәм Людмила Варганова узган елга йомгак ясадылар һәм 2019 елга планнар билгеләделәр. Җыенга җыелган халык белән торак-коммуналь хуҗалык, кече хуҗалыкларны үстерү, йорт хайваннары һәм кош-корт авыруларын профилактикалау һәм башка мөһим мәсьәләләр буенча фикер алыштылар. Александр Бистәсе авыл җирлеге башлыгы Людмила Варганова юбилярларга, шулай ук авыл активистларына Рәхмәт хатлары һәм бүләкләр тапшырды.

Бүген Аксар һәм Югары һәм Шепкә авыл җирлекләрендә Башкарма комитеты җитәкчесе Илнар Хафизов катнашында гражданнарның халык җыеннары узды. Башкарма комитеты җитәкчесе Илнар Хафизов халыкны 2018 елда Зәй муниципаль районының социаль-икътисади үсеш нәтиҗәләре һәм 2019 елга куелган бурычлары белән таныштырды. 2018 елда авыл җирлекләренең эш йомгаклары һәм агымдагы елга планнары турында Аксар һәм Югары Щепкә авыл җирлекләре башлыклары Юрий Гыйльманов һәм Айрат Ишматов хәбәр итте. Шулай ук җирлекләрдәге оператив хәлгә, хуҗалык итүнең кече формаларын үстерүгә, йорт хайваннары һәм кош-корт авыруларына каршы профилактика үткәрүгә, газ җиһазларын эксплуатацияләгәндә куркынычсызлык кагыйдәләрен үтәүгә кагылышлы булган мөһим мәсьәләләр тыңланды. Район Башкарма комитеты җитәкчесе Илнар Хафизов халык җыеннарына йомгак ясады. Ел нәтиҗәләре буенча Аксар авыл җирлегенең иң актив кешеләренә авыл җирлеге башлыгының Рәхмәт хатлары тапшырылды.

Бүген муниципаль район башлыгы Р. Г. Кәримов катнашында ел йомгаклары буенча чираттагы җыеннар Баграж һәм Сармаш-Баш авыл җирлекләрендә узды. Районның социаль-икътисади үсеш нәтиҗәләре һәм 2019 елга планнар белән халыкны муниципаль район башлыгы Р. Г. Кәримов таныштырды. Үз чиратында, җирлек башлыклары халык алдында, узган елгы эшчәнлек нәтиҗәләре турында хисап тотты һәм агымдагы елга перспектив юнәлешләр белән таныштырды. Чыгышларда гражданнарның үзара салым акчаларын куллануга, авыл халкының хезмәт активлыгын арттыруга аерым игътибар бирелде.Утырышта авыл халкының актив эшчәнлеге билгеләп үтелде һәм аларга авыл җирлеге башлыгының Рәхмәт хатлары тапшырылды. Район башлыгы Р. Г. Кәримов халык җыеннарына йомгак ясады.

Бүген хакимиятнең зур залында район башлыгы Р. Г. Кәримов, район Башкарма комитеты җитәкчесе И. Ф. Хафизов катнашында юл хәрәкәте иминлеген тәэмин итү буенча комиссия утырышы булды. Анда 2018 елда Зәй муниципаль районындагы юллардагы хәлләр һәм аварияләр, «2018 елга Зәй муниципаль районында юл хәрәкәте иминлеген арттыру» муниципаль максатчан программасын үтәү һәм «2019 елга юл хәрәкәте иминлеген арттыру» максатчан программасын гамәлгә ашыру планнары, 2018 елда башкарылган эшләр һәм 2019 елга «Юл хәрәкәте иминлеге» ДБУ Зәй филиалының эш планы турында, 2019 елда кышкы чорда юлларны карап тоту буенча эшләрне оештыру, Зәй һәм Зәй муниципаль районында мәктәп һәм мәктәпкәчә белем бирү учреждениеләрендә юл хәрәкәте иминлеген профилактикалау, 2019 елга юл хәрәкәте иминлеге комиссиясенең эш планын раслау турында мәсьәләләр каралды. Россия Эчке эшләр министрлыгының Зәй районы буенча бүлеге җирле үзидарә органнарының һәм ЮХИДИ бүлегенең үзара хезмәттәшлеге чаралар комплексын, шул исәптән юл-транспорт һәлакәтләре санын киметүче профилактик характердагы чараларны гамәлгә ашырырга мөмкинлек бирәчәк. Утырышка юл хәрәкәте иминлеген тәэмин итү буенча комиссия рәисе И. Ф. Хафизов йомгак ясады.

29 гыйнвар көнне С. Рәфыйков исемендәге Үзәк китапханәдә район Башкарма комитеты җитәкчесе И. Ф. Хафизов катнашында «Зәй Су каналы»ҖЧҖ хезмәт коллективы җыелышы булып узды. Җыелышта шулай ук Башкарма комитет җитәкчесенең инфраструктура үсеше буенча урынбасары Н.А. Нифатов, Зәй шәһәре Башкарма комитеты җитәкчесе С. В. Максимов та катнашты. Зәй муниципаль районының 2018 елда социаль-икътисади үсеш нәтиҗәләре буенча район Башкарма комитеты җитәкчесе И. Ф. Хафизов чыгыш ясады. "Зәй Су каналы» ҖЧҖнең 2018 елдагы эшчәнлеге нәтиҗәләре һәм 2019 елга планнары турында «Зәй Су каналы» ҖЧҖ директоры С. Г. Федоров сөйләде. Җыелышта, озак еллар намуслы хезмәтләре һәм предприятие үсешенә керткән өлешләре өчен, су белән тәэмин итү участогының 6 разрядлы авария-торгызу эшләре көйләүчесе Аксаков Владислав Николаевич һәм план-икътисад бүлеге башлыгы Мәрдәншина Гөлназ Әбелхасан кызы, район Башкарма комитеты җитәкчесе И. Ф. Хафизовның Рәхмәт хатлары белән бүләкләнделәр . "Зәй Су каналы" ҖЧҖ Зәй шәһәре территориясендә салкын су белән тәэмин итү һәм юынты көнкүреш суларын чыгару буенча төп оешма булып тора. Узган елда су белән тәэмин итү 1 млн.516 мең куб. м тәшкил иткән һәм күрсәткеч 3% ка арткан. Зәй водоканалы объектларында барлыгы 126 кеше эшли. 2019 елга һәм киләсе елга коллективның төп бурычы-халыкның һәм шәһәрнең сәнәгать предприятиеләренең тиешле сыйфатта эчә торган су белән берөзлексез тәэмин итү.

Бүген район башлыгы урынбасары В. Г. Акатьев һәм район Башкарма комитеты җитәкчесе И. Ф. Хафизов катнашында очрашулар Дурт-мунчада һәм Чубукле авыл җирлекләрендә узды, анда авыл халкына узган елда районның социаль - икътисади үсеше нәтиҗәләре һәм 2019 елга бурычлар турында мәгълүмат җиткерелде. Авыл җирлекләре башлыклары үз эшләренә йомгак ясадылар. Җыенда башкарылган эшләр буенча Россия Эчке эшләр министрлыгының Зәй районы буенча бүлеге, районның авыл хуҗалыгы һәм азык-төлек идарәсе, ветеринария берләшмәсе, Зәй РУЭСы һәм Зәй РЭГСы вәкилләре дә хисап тотты. Халык җыеннары-район җитәкчелеге һәм халык арасында ачыктан-ачык сөйләшү өчен менә дигән мөмкинлек. Нәкъ менә аларда актуаль проблемалар күтәрелә. Сорауларның бер өлеше урыннарда хәл ителә, ә җентекләп өйрәнүне таләп итүчеләре аерым бер хезмәтләр контроленә алына.

29 гыйнварда Зәй муниципаль районы башлыгы Р. Г. Кәримов, зооветеринария белгечләре, бүлекчә җитәкчеләре катнашында авыл хуҗалыгы формированиеләрендә чираттагы тикшерү уздырылды. Анда катнашучылар терлекләрне кышлатуның барышы, терлекчелек тармагында технологик процессларның үтәлеше белән якыннан таныштылар. Урыннарда, узган атнага йомгак ясалды һәм алдагы чорга бурычлар куелды. Рейд график буенча «Нива»ҖЧҖеннән башланды. Җитәкчеләр авыл хуҗалыгы машиналарын һәм тракторларны ремонтлау барышы белән таныштылар, механик остаханәләрне карадылар. Шулай ук «Нива " сөт комплексында да булдылар. Аннан соң «Игенче» бүлекчәсенең «Дурт-Мунча» сөт-товарчылык фермасында, «Восток» АФы «Тукай» бүлекчәсе «Куш-Елга» сөт-товарчылык комплексын карадылар. Тикшерү «Ялкын» бүлекчәсенең «Бура-Киртә» һәм «Әхмәт», «Зәй» АФы «Нур» бүлекчәсенең «Аксар» һәм «Югары Шепкә» товар-сөт товарчылык фермаларында дәвам итте. Соңыннан чарада катнашучылар «Зәй шикәре» АФ ы «Родина» бүлекчәсенең «Чыбыклы» һәм “Сәвәләй” сөт комплексында булдылар. Эшне оештыру өчен барлык төр азык җитәрлек күләмдә әзерләнгән, аерым алганда, техника һәм эшче персоналлар да җитәрлек. Район башлыгы Р.Г. Кәримов хуҗалыкларда терлек азыгының продуктлылыгын арттыру өчен барлык мөмкинлекләр дә бар. Сөт савуны арттыру мәсьәләсе терлекчелек тармагында төп бурыч булып тора,-  дип билгеләп үтте.