ЯҢАЛЫКЛАР

2019 елның 29 гыйнварында хакимиятнең киңәшмәләр бүлмәсендә, Россия Федерациясе Федераль Собраниесе Дәүләт Думасы депутаты Айрат Хәйруллин гражданнарны шәхсән кабул итте. Анда җирле бүлек сәркатибе, Зәй муниципаль районы башлыгы Разиф Кәримов, Зәй муниципаль районы башлыгы урынбасары Валерий Акатьев катнашты. Кабул итү барышында гражданнар инвалидка матди ярдәм күрсәтү, салымнар амнистиясе буенча мөрәҗәгать иттеләр, Кармалка микрорайоны территориясендәге урман фонды җирләрен, Зәй шәһәре чикләренә күчерү сораулары буенча мөрәҗәгать иттеләр. Тулаем алганда, кабул итү уңай атмосфера да узды. Кабул итү вакытында бирелгән барлык сораулар, тәкъдимнәр һәм үтенечләр контрольгә алынды һәм аларның һәркайсы буенча тиешле чаралар һәм карарлар кабул ителәчәк.

Бүген Зәй почтамтының актлар залында муниципаль район башлыгы урынбасары В. Г. Акатьев катнашында «Татарстан почтасы» федераль дәүләт унитар предприятиесе филиалы - Зәй почтамты хезмәт коллективы җыелышы узды. Зәй муниципаль районының 2018 елда социаль-икътисадый үсеш нәтиҗәләре һәм 2019 елга бурычлары белән Зәй муниципаль районы башлыгы урынбасары В. Г. Акатьев таныштырды. Зәй почтамтының 2018 елгы хуҗалык-икътисадый эшчәнлеге нәтиҗәләре һәм 2019 елга бурычлары турында Зәй почтамтының структур бүлекчәсе башлыгы П. В. Тимаськов сөйләде. Җыелышта шулай ук коллективның профсоюз комитетының эш нәтиҗәләре турында да сөйләшү булды. Шулай ук «Татарстан почтасы» федераль дәүләт унитар предприятиесе филиалы - Зәй почтамтының 2018 елгы эш йомгаклары һәм 2019 елга эш планнары турында директор урынбасары Н.Г. Албутова чыгыш ясады. Очрашу вакытында почта элемтәсе өлкәсендә озак еллар нәтиҗәле хезмәте өчен элемтә операторы Арсланова Л. Р., коммерцияле участокның кладовщигы Иванов Р. Н., Зәй хат ташучысы Байрашева О. П., контроль һәм исәп төркеме җитәкчесе Чернышева Е. В.лар муниципаль район башлыгының Мактау грамоталары белән бүләкләнделәр. Сарман почтасы эшкәртү һәм ташу цехы башлыгы Фәрхетдинова Ф. М. һәм Яңа Спасс почта бүлеге башлыгы Танчук Н. В. Зәй почтамты җитәкчесе исеменнән Рәхмәт хаты алдылар. Зәй почтамты Зәй һәм Сарман районнарының барлык торак пунктларына хезмәт күрсәтә. Предприятиедә барлыгы 276 хезмәткәр эшли. Предприятиенең төп бурычы - «Россия почтасы»тарафыннан халыкка күрсәтелә торган хезмәтләрнең бөтен спектрын сыйфатлы күрсәтү. Ә алар исә 80нән артык. Почта бүлекләре аша пенсияләр һәм пособиеләр, шулай ук басма материаллар һәм язма корреспонденция китерелә. Басма корреспонденция газеталар чыккан көнне матбугаттан китерелә. Почта бүлекчәләрендә коммуналь хезмәтләрнең барлык төрләрен, банк кредитын түләп була, страховка рәсмиләштерергә, лотерея, тимер юл билетларын, шулай ук халык куллану товарларын да сатып алырга мөмкин.

29 гыйнвар көнне Зәй муниципаль районы Башкарма комитеты җитәкчесенең инфраструктура үсеше буенча урынбасары Н.А. Нифатов катнашында "Сәламәтлек комбинаты" муниципаль унитар предприятиесе хезмәткәрләренең җыелышы узды. Анда "Сәламәтлек комбинаты" МУП директоры Р.Р. Сабирова чыгыш ясады. Ул 2018 елда башкарылган эшләр турында хисап тотты һәм 2019 елга куелган планнар белән таныштырды. Аннары район Башкарма комитеты җитәкчесенең инфраструктура үсеше буенча урынбасары Н.А.Нифатов чыгышы булды. Ул исә үз чиратында комбинат хезмәткәрләрен 2018 елда районның социаль-икътисади үсеше нәтиҗәләре һәм 2019 елга куелган бурычлары белән таныштырды һәм очрашуга йомгак ясады.

28 гыйнварда Зәй муниципаль районында Идел буе федераль округының Сәламәтлек десанты үз эшен башлап җибәрде.7 көн дәвамында студент-медиклар районның авыл җирлекләрендә эшлиләр, алар тарафыннан халыкка адреслы медицина ярдәме күрсәтеләчәк, гигиеник белем һәм тәрбия биреләчәк, табибка кадәр карау уздырылачак, ә мәктәпләрдә һәм балалар бакчаларында сәламәтлек дәресләре үткәреләчәк. Сәламәтлек десанты авыл җирлекләрендә яшәүчеләргә адреслы социаль ярдәм күрсәтәчәк. Акциядә Идел буе федераль округының 7 төбәгеннән: Самара өлкәсе, Саратов өлкәсе, Марий Эл Республикасы, Чувашия Республикасы, Ульяновск өлкәсе, Удмуртия һәм Татарстан Республикасыннан «Россия студентлар отрядлары» бөтенроссия яшьләр иҗтимагый оешмасының студентлар медицина отрядлары,  ординаторлар һәм сугышчылары катнашты.

Бүген хакимиятнең кече залында район Башкарма комитеты җитәкчесе И. Ф. Хафизов рәислегендә хезмәтне саклау буенча Координацион совет утырышы узды. Көн тәртибенә: 2018 елда Татарстан Республикасында Дәүләт хезмәт инспекциясенең Әлмәт шәһәрендәге территориаль бүлеге эшчәнлеге һәм 2019 елга бурычлары турында, 2018 елда хезмәтне саклау буенча Координация советы эшенә йомгак ясау һәм 2019 елга координация советының эш планын раслау, «Зәй муниципаль районында 2018 елда социаль-хезмәт мөнәсәбәтләрен үстерү турында», «Индивидуаль яклау чаралары иминлеге турында» 019/2011 союзы таможня берлегенең техник регламенты турында мәсьәләләр кертелгән иде. Утырышта шулай ук Зәй шәһәр прокуроры Р. Р. Кәримов, Татарстан Республикасында Дәүләт хезмәт инспекциясенең баш дәүләт хезмәт инспекторы – Әлмәт шәһәрендә бүлек җитәкчесе Ф.Р. Хәернасов, башкарма комитет җитәкчесенең инфраструктура үсеш буенча урынбасары - Координация советы рәисе Н.А. Нифатов, «Зәй шәһәре халыкны эш белән тәэмин итү үзәге» директоры вазыйфаларын башкаручы О. В. Лаптева һәм Роспотребнадзорның ТР буенча идарәсе Әлмәт, Зәй, Лениногорск, Сарман районнарында территориаль бүлеге башлыгы урынбасары Р. М. Насыйбуллинның чыгышлары тыңланды. Хезмәт хакы түләү срокларын һәм хезмәткәрләрнең хезмәт эшчәнлеге белән бәйле башка түләүләрне бозу, эш бирүчеләр ягыннан хезмәт шартнамәләрен рәсмиләштерүдән баш тарту һәм хезмәт килешүе төземәү, производство җәрәхәтләнүләре һ.б. килешүләргә кагылышлы проблемалар кискенлеге буенча актуаль мәсьәләләр каралды.

28 нче гыйнварда «Зәй шикәре»ААҖндә район башлыгы Р. Г. Кәримов катнашында хезмәт коллективы киңәшмәсе узды, анда 2018 ел эшенә йомгак ясалды һәм 2019 елга бурычлар билгеләнде.Киңәшмәнең көн тәртибе буенча район башлыгы Р. Г. Кәримов предприятие хезмәткәрләрен Зәй районының икътисади үсеше, 2019 елда гамәлгә ашырылачак яңа планнар һәм проектлар белән таныштырды. «Агрокөч» АҖ генераль директорының «Зәй шикәре» ААҖ эшчәнлеге мәсьәләләре буенча урынбасары А. А.Трошин узган елда башкарылган эшләр, агымдагы елга яңа максатлар һәм бурычлар турында сөйләде. Бүгенге көндә Зәй шикәр заводы Россиядә иң куәтле җитештерү мәйданчыкларының берсе булып тора: предприятиедә эшкәртү куәте тәүлегенә 8 000 тоннага җитә, эшкәртү күрсәткече 1200 тоннадан артып китә. Әлеге күрсәткечләр буенча предприятие Россия Федерациясенең иң яхшы биш заводы эченә керә. Бүгенге көндә предприятиедә 691 кеше эшли. Предприятиенең 2019 елга үсеш перспективасына түбәндәге бурычлар куелды: киптерү бүлеген модернизацияләү (шикәр комы киптерү станциясе җитештерүчәнлеген 25% ка арттыру), Batner жом киптерү җайланмасын модернизацияләү (400т/тәүлек), химик чистартылган су резервуарын монтажлау, төп җиһазларны сатып алу, монтажлау һәм башкалар. Бүген районда “Зәй элеваторы” ҖЧҖ һәм “Теплосервис” ҖЧҖ хезмәт коллективлары белән дә очрашулар узды.

“Укытучы” сүзе- иң изге сүз ул. Һәр кеше бу сүзнең тирән мәгънәсен аңлый, төшенә. Укытучы бөтен көчен биреп укчыларын матур итеп үз фикерләрен җиткерергә, яхшылыкны балалар күңеленә сеңдерергә, тормышны аңларга, аны яратырга өйрәтә, аларның уңышына чын күңелдән шатлана һәм алар белән горурлана. Бүгенге мәкаләбез Зәй шәһәре беренче мәктәп татар теле һәм әдәбияты укытучысы Мөхәмәдиева Сәрия Муллаян кызы турында. Ул Зәй районы Кәдек авылында дөньяга килә. Урта мәктәпне тәмамлагач, Казан дәүләт университетының филология факультетына укырга керә. Аны яхшы билгеләр белән 1989 нчы елда тәмамлый. Менә шул көннән бүгенгә кадәр татар теле һәм әдәбияты укытучысы булып эшли. Шушы 29 ел эчендә биш сыйныф укучыларын тәрбияләп, олы тормыш юлына озаткан тәрбияче дә ул. Мәктәп ул тормыштагы булган барлык үзгәрешләрне тоеп, янып яши торган урын. Нинди генә вакытлар булса да, үз һөнәренә тугры калган педагог. Һәрвакыт укучылар арасында булганга, аның күңеле күтәренке һәм яшь була. Сәрия Муллаяновна укучыларның белемен, укыту сыйфатын күтәрү өстендә эшләп кенә калмый, ә интеллектуаль үсешен кайгыртып, укучылар белән төрле бәйгеләрдә, конференцияләрдә катнашып, республика күләмендә призлы урыннар ала. 2017-2018 нче уку елында татар әдәбиятыннан республика олимпиадасында Сәрия Муллаяновнаның 9 нчы сыйныф укучысы призерга лаек булды. Үзе дә профессиональ педагогик осталыгын үстерүдә бик уңышлы чыгышлар ясый. Быелгы уку елында “Татар теле укытучысы” профессиональ конкурста катнашып, икенче урын алуга иреште һәм диплом белән бүләкләнде. Күпьеллык тырышлыгы нәтиҗәсендә, 2016 нчы елда республика күләмендә уздырылган "Укытучы-мастер "грантын алу өчен конкурста җиңүче булды. 27 нче гыйнвар көнне Сәрия Муллаяновнага 55 яшь тулды. Шул уңайдан, “Укытучы” дигән зур исемгә лаек булган коллегабызны олуг юбилее белән чын күңелдән котлыйбыз. Сәрия Муллаяновна! Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыгызның һәм оныкларыгызның күңел җылысын тоеп, игелекләрен күреп, бәхетле озын гомер кичерүегезне телибез. Укучыларыгызның рәхмәтләренә төренеп, аларның ярдәмен тоеп яшәргә һәм алга таба да исән- сау эшләргә насыйп булсын. Атачак таңнарыгыз – аяз, туасы көннәрегез – кояшлы, төннәрегез – тыныч булсын. Иҗади уңышлар сезгә!

"Энергетик" мәдәният йортында "Тату гаилә" балалар бакчасы коллективы "Театр дөньясында" шәһәр театр фестивале кысаларында чыгыш ясады. Программаның гомуми композицион төзелеше «Алтын ачкыч» әкияте буенча төзелгән иде. Театрның төрле төрләре тәкъдим ителде. Коллектив үзенең иҗади потенциалын, артистизм һәм актерлык осталыгын күрсәтте, тамашачылар да зур канәгатьлек алдылар. Көчле алкышлар моның дәлиле булып торды. Әлеге чара театр сәнгатен популярлаштыруга һәм халыкны иҗатка һәм мәдәнияткә җәлеп итүгә ярдәм итә, фестивальдә катнашучыларның иҗади потенциалын ача.

26 гыйнварда Азнакай шәһәрендә, танылган көрәшче һәм судья Фәрит Камил улы Корбанов истәлегенә 60 яшь тулу уңаеннан, егетләр арасында көрәш буенча II Республика турниры узды. Ярышларда 18 район һәм шәһәрдән 300 гә якын спортчы катнашты. Тренер-укытучы А. Р. Минһаҗев җитәкчелегендә «Зәй» балалар-яшүсмерләр спорт мәктәбендә тәрбияләнүчеләрдән, 75 кг. нан артык авырлык категориясендә Сәхәбиев Альберт һәм 32 кг. үлчәү авырлыгында Ибраһимов Җәлил алтын медаль яуладылар.

25-27 гыйнвар көннәрендә Лениногорск шәһәрендә 2004-2005 елгы яшүсмерләр командалары арасында "Алтын алка" клубы яшь хоккейчыларының Бөтенроссия ярышларының зона этабы булып узды. Ярыш нәтиҗәләре буенча «Яшьлек» командасы 3 урынны яулады.