ЯҢАЛЫКЛАР

26 сентябрь көнне Зәй политехник көллиятендә Зәй муниципаль районы башлыгы Р. Г. Кәримов рәислегендә физик культура, спорт һәм туризм буенча Совет утырышы узды. Утырышта түбәндәге мәсьәләләр каралды: 2017 елда Совет карарларының үтәлеше, 2018 елның 3 кварталына физик культура һәм спорт идарәсенең эш йомгаклары һәм 4 кварталга бурычлары, 2018-2019 елда "Ялта-Зәй базасында чаңгы ярышларына әзерлек һәм аны үткәрү, Зәй муниципаль районында билбау көрәше буенча Россия чемпионаты үткәрү, мәгариф учреждениеләренең балалар-яшүсмерләр спорт мәктәпләре белән нәтиҗәле хезмәттәшлеге һәм 2018 ел сезонында балаларның җәйге ялын оештыру нәтиҗәләре турында мәсьәләләр каралды. Совет утырышында гомуми белем бирү мәктәпләре, балалар-яшүсмерләр спорт мәктәпләре директорлары, физик культура укытучылары һәм тренер-укытучылар катнашты. Совет утырышы нәтиҗәләре буенча тиешле карарлар кабул ителәчәк.

25 сентябрь көнне район Башкарма комитеты җитәкчесе Илнар Хафизов ТМШ җитәкчеләре һәм җылылык белән тәэмин итүче оешмалар вәкилләре белән киңәшмә үткәрде. Көн тәртибендәге иң мөһим мәсьәлә- җылыту сезонын башлау булды.

25 сентябрьдә муниципаль бюджет киноучреждениесендә иҗат сезоны ачылды. Кинотеатр фойесында кунаклар өчен күңелле программа әзерләнгән иде. Программа төрле яшьтәгеләр өчен, төрле кызыксыну һәм мавыгуларны исәпкә алып төзелде. Чара барышында кинотеатр буенча экскурсия дә оештырылды. Балалар фильмнарның ничек күрсәтелүен зур кызыксыну белән тыңладылар. Соңыннан алар "Мультфильм героен тап" конкурс программасында катнаштылар. Россия һәм Совет мультфильмнарын ничек яхшы белүләрен тагын бер кат күрсәттеләр. Чарада шулай ук балалар рәсемнәре күргәзмәсе оештырылган иде. Өстәл футболы, аэрохоккей, SonyPlaystation кебек уеннар кызлар һәм малайларның күңеленә хуш килде.Иҗат сезонын ачу комедия һәм кискен сюжет линияләре төшерелгән фильмнар күрсәтү белән тәмамланды. Кино дөньясына рәхим итегез!

Бүген район башлыгы Р.Г. Кәримов агрофирма җитәкчеләре, авыл хуҗалыгы һәм азык-төлек идарәсе белгечләре белән берлектә хуҗалыкларга чыгып, сөт җитештерүнең торышы, туфрак эшкәртү, силос өчен кукуруз җыю һәм шикәр чөгендере казу барышы белән танышты. Бүгенге көндә район буенча тәүлегенә 80 тонна сөт савыла, бер сыердан уртача савым 14,9 кг тәшкил итә. Шикәр чөгендере 4700 гектарда алынган. Бу - барлык мәйданның 51 проценты дигән сүз.193 мең тонна шикәр чөгендере җыеп алынып, уртача уңыш гектарыннан 411 центнер тәшкил итә. Район башлыгы терлекчеләр алдына - күрсәткечләрен яхшырту, механизаторлар алдына - урып – җыю темпларын арттыру бурычын куйды.

2018 елның 25 сентябрен Пенсия фонды Бердәм пенсия грамоталылыгы көне дип игълан итте. Бөтен республика буенча урта махсус уку йортлары укучылары һәм студентлары өчен пенсия белән тәэмин итү нигезләре буенча дәресләр узачак. Россия Пенсия фондының Зәй районы һәм Зәй шәһәре идарәсе хезмәткәрләре дә Бердәм пенсия грамоталылыгы көнендә катнаштылар һәм 7нче мәктәптә булдылар. Очрашу вакытында хезмәткәрләр 10 сыйныф укучыларына пенсия хокукларының ничек формалашуы һәм нәрсәгә бәйле булуы, СНИЛС яшел картасы ни өчен кирәклеге, булачак пенсия турында яшьтән кайгыртырга кирәклеге турында аңлаттылар, аларга «киләчәк пенсия турында барысы да» дигән китаплар тараттылар, балалар исә актив рәвештә сораулар бирделәр. Бердәм пенсия белеме көне укучы яшьләр арасында мәгълүмати-аңлату кампаниясенә старт бирәчәк, ул бу ел ахырына кадәр дәвам итәчәк һәм безнең шәһәр һәм районның барлык мәктәпләрен колачлаячак.

Апач авылында яшәүче РСФСР ның атказанган укытучысы, Халыклар Дуслыгы ордены кавалеры Хәнифә апа Миңнегуловага 25 сентябрьдә 75яшь тулды. Бар гомерен балаларга белем бирүгә багышлаган Хәнифә апаны район башлыгы Р.Г. Кәримов исеменнән Зәй районы Советы аппараты җитәкчесе Л.Г.Ананьева котлады. Юбилярны тәбрикләргә мәгариф идарәсе башлыгы урынбасары.М.К. Вәлиәхмәтова, Бохарай авылы җирлеге башлыгы Р.И.Нуриев, туганнары, якыннары күрше-тирәләре дә килгән иде. Район мәдәният идарәсе артистлары башкарган яшьлек еллары җырлары юбилярның күңеленә аеруча хуш килде. Апач авылының иң гүзәл җирендә урнашкан бу төп йорттан кеше беркайчан да өзелми. Авылга кайтучылар хәл белергә керә, укучылары аны котлап чыгалар, туганнары бергә җыела. Өстәл тулы сые, якты йөзе, акыллы киңәшләре, эчкерсезлеге белән үзенә тартып тора ул. Элек дәресләрендә аңлаткан сабакларны мөгаллимә бүген шигырьләренә сала, шулар аша тәрбия бирә, күңел дөньябызны баета.

2018 елның 2 октябрендә төбәк иҗтимагый кабул итү бүлмәсенә түләүсез юридик ярдәм күрсәтү проектын гамәлгә ашыру кысаларында "Россия юристлары ассоциациясе" Гомумроссия иҗтимагый оешмасы белән берлектә Зәй шәһәре, Ленин урамы, 2 нче йорт,1 нче кат ("Энергия"стадионы) гражданнарны түбәндәге адрес буенча кабул итәчәк: Пенсия фонды белгече Сковородникова Лилия Фәрит кызы 8:00-09:30; Суд приставы Будрин Игорь Викторович 09:30 -11:00; Нотариус Горшунова Нурания Нургазиз кызы 11:00-12:30; «Татарстан Республикасының БТИ» АҖ Зәй бүлекчәсе җитәкчесе Павлова Елена Николаевна 12:30 – 14:00; Адвокат Низамов Иршат Сабирҗан улы 14:00-15:30. кадәр кабул итәчәкләр. Белешмәләр өчен телефон: Коклина Наталья Александровна (85558)7-30-94

22 сентябрь көнне Алабуга шәһәренең "Үзәк" стадионында "Алабуга "–Алабуга шәһәре "Барс " Зәй командалары арасында футбол буенча календарь уены узды.Очрашу «Барс»командасы файдасына 0:1 исәбе белән тәмамланды. Голны Красин Станислав кертте. Команданың тренеры: Халиков Илшат Рәфкать улы.

Мәктәп спортын үстерү, балаларны, яшьләрне һәм өлкән кешеләрне физик культура һәм спорт белән шөгыльләнүгә җәлеп итү - сәламәтлекне саклау өлкәсендә өстенлекле юнәлешләрнең берсе булып кала. Бүген Зәй шәһәренең 1 нче мәктәбендә оештырылган «Укытучылар Сабантуе» спорт бәйрәме нәкъ шул максатларны күздә тота да.

21нче сентябрь көнне Зәй шәһәренең 6нчы мәктәбендә республика куләмендәге “Иң яхшы китапханә – 2018” бәйгесенең муниципаль этабы узды. Бәйгедә район һәм шәһәрдә эшләүче 22 мәктәпнең 16сы катнашты.