Зәй пенсия фонды идарәсе хезмәткәрләре Бердәм пенсия грамоталылыгы көнендә катнаштылар

2018 елның 25 сентябрен Пенсия фонды Бердәм пенсия грамоталылыгы көне дип игълан итте. Бөтен республика буенча урта махсус уку йортлары укучылары һәм студентлары өчен пенсия белән тәэмин итү нигезләре буенча дәресләр узачак. Россия Пенсия фондының Зәй районы һәм Зәй шәһәре идарәсе хезмәткәрләре дә Бердәм пенсия грамоталылыгы көнендә катнаштылар һәм 7нче мәктәптә булдылар. Очрашу вакытында хезмәткәрләр 10 сыйныф укучыларына пенсия хокукларының ничек формалашуы һәм нәрсәгә бәйле булуы, СНИЛС яшел картасы ни өчен кирәклеге, булачак пенсия турында яшьтән кайгыртырга кирәклеге турында аңлаттылар, аларга «киләчәк пенсия турында барысы да» дигән китаплар тараттылар, балалар исә актив рәвештә сораулар бирделәр. Бердәм пенсия белеме көне укучы яшьләр арасында мәгълүмати-аңлату кампаниясенә старт бирәчәк, ул бу ел ахырына кадәр дәвам итәчәк һәм безнең шәһәр һәм районның барлык мәктәпләрен колачлаячак.