ЯҢАЛЫКЛАР

Бүген район башлыгы Разиф Кәримов капиталь ремонт һәм төзелеш объектларын карап чыкты. Тикшерү барышында Разиф Кәримов Агросәнәгать паркында, «Яшьләр үзәге» муниципаль бюджет учреждениесендә, Иске Зәйдәге «Мәктәп тавы» пляжында, шәһәр мәдәният йортында, С. Рәфыйков исемендәге Үзәк китапханәдә булды.

26 сентябрьдә “Бердәм Россия” сәяси партиясенең Зәй җирле бүлеге җәмәгать кабул итү пунктында ТР Дәүләт Советы депутаты Илшат Әминов гражданнарны шәхси сораулары буенча кабул итә.

Бүген район кырларында «Ропа-Тигр» маркалы 12 комбайн һәм «Ропа-Маус» маркалы 3 чөгендер төягеч эшли. Авыл хуҗалыгы һәм азык – төлек идарәсеннән алынган мәгълүматларга караганда, 21 сентябрьгә шикәр чөгендере 3900 гектар мәйданда казылган, 160 мең тонна татлы тамыр җыелган, уртача уңыш гектарыннан 411 центнер тәшкил итә.

Районда "Иҗат юлы"фестивале дәвам итә. Бүген Үтәшкин авылында чираттагы фестиваль үтте. Авыл халкы алдында "Энергетик"мәдәният сараеның иҗат коллективы чыгыш ясады. Кече авылларда яшәүчеләр өчен мондый очрашулар бик кирәк, биредә алар бер-берсе белән аралашалар, килеп туган гомуми проблемалар буенча фикер алышалар, үзешчән сәнгатьтә катнашучылар чыгышын яратып карыйлар.

Бүген район башлыгы Разиф Кәримов агымдагы елның язында төзелгән яңа предприятие - «МеталлСтальконструкции» ҖЧҖдә булды. Очрашу барышында ул җитәкчелек һәм эшче - хезмәткәрләргә үз киңәшләрен бирде, нәтиҗәле эшчәнлек теләде, җитештерелүче продукцияләре көндәшлеккә сәләтле булсын өчен сыйфат мәсәләсен игтибар үзәгендә тотарга тәкъдим итте.

Акция Бөтендөнья автомобильдән баш тарту көне уңаеннан оештырыла. Аны үткәрүнең төп максаты – актив, сәламәт яшәү рәвешен пропагандалау, велосипедны экологик һәм көндәлек транспорт төре буларак популярлаштыру.

Зәй шәһәре мәшгульлек үзәге тарафыннан пенсия алды яшендәге гражданнарның хезмәт хокукларын тәэмин итү мәсьәләләре буенча эш бирүчеләр һәм кадрлар хезмәте белгечләре белән очрашулар циклы уздырылды.

Зәй районында быел шикәр чөгендере 9167 гектарда үстерелде. 19 сентябрьгә 3500 гектардан татлы тамыр казып алынган, бу барлык мәйданның 38 процентын тәшкил итә, уртача уңыш гектарыннан 411 центнер, 143850  тонна уңыш җыеп алынган. Чөгендер җыю буенча «Зәй» агрофирмасы лидер булып тора, аларның уңышы гектардан 500 центнер чамасы тәшкил итә. «Восток» һәм «Зәй шикәре» агрофирмалары да гектардан 400 центнердан артык уңыш җыеп алалар. "Нива» ҖЧҖ механизаторлары чөгендер казуны төгәлләделәр инде. 800 гектардан артык мәйданнан алар 24 мең тонна татлы тамыр җыеп алганнар, уртача уңыш 300 центнердан артык.

Сәламәт яшәү рәвешен пропагандалау, балалар һәм яшьләрнең иҗади активлыгын үстерү, инициативаны, иҗатны стимуллаштыру, мәдәният учреждениеләре эшчәнлегендә яңа технологияләр, эш формаларын һәм алымнарын кертү, авыл халкының ялын оештыру максатыннан стационар мәдәни - ял оешмалары булмаган торак пунктларда «Иҗат юлы» район фестивале башланды.

22 сентябрьдән Зәй шәһәр халкы көтеп алган көзге ярминкәләр кабат үз эшен башлый. Һәр шимбә саен "Энергетик" мәдәният сарае каршындагы мәйданда авыл хуҗалыгы продукциясе сату оештырылачак. Ярминкәдә сатылачак азык- төлекнең ассортименты бик зур. Анда шәхси затларга үзләре җитештергән товарны сату мөмкинлеге дә тудырыла. Зәйлеләрне көзге ярминкәгә чакырабыз.