ЯҢАЛЫКЛАР

Агымдагы елның 28 ноябрендә көндезге сәгать 10да “Зәй шәһәре мәшгульлек үзәге” дәүләт казна учреждениесендә “Эш бирүче көне” үткәреләчәк. Чарада “Венские вафли” ҖЧШ вәкилләре катнашачак. Эшсез һәм эш эзләүче гражданнарга 5 вакансиядә 40 эш урыны тәкъдим ителәчәк. “Венские вафли” ҖЧШ вәкилләре гражданнарга булган вакансияләр, хезмәт шартлары һәм хезмәт хакы дәрәҗәсе турында мәгълүмат бирәчәк. Эш эзләүчеләргә анкеталар тутырып, әңгәмә узу һәм тәкъдим ителгән вакансияләр буенча кирәкле мәгълүматны алу мөмкинлеге тудырылачак. Чара Зәй шәһәре, Нефтьчеләр проспекты, 37б йорты адресы буенча уза, тулырак мәгълүмат алу өчен телефон: 8(85558) 7-15-43.

Россия Хөкүмәте гражданнар һәм юридик затларның су биологик ресурсларына, аларны законсыз чыгару (тоту) нәтиҗәсендә китергән зыян суммасын исәпләү өчен яңа кагыйдәләрне раслады. 2018 елның 3 ноябреннән булган тиешле карар, 9 ноябрьдән рәсми хокукый мәгълүмат порталында (http://publication.pravo.gov.ru) урнаштырылган. Документ рәсми басылып чыккан көненнән 10 көн узгач үз көченә керә. Такс суммасын арттыруның төп максаты-браконьерлыкны кисәтү һәм биологик төрлелекне саклау. Әйтик, судакның такс бәясе 13 тапкыр арткан һәм бер нөсхә өчен 3305 сум тәшкил итә. Тыелган уылдык чәчү чорында, законсыз рәвештә судак чыгарган өчен, браконьерга бер нөсхә өчен дәүләткә зыянны 6610 сум күләмендә түләргә туры киләчәк. Татарстан Республикасы буенча су биологик ресурсларын дәүләт контроле, күзәтчелеге һәм саклау бүлеге балык тоту өлкәсендә гамәлдәге законнарны бозган өчен административ җаваплылык та каралган, дип кисәтә.

"Зәй муниципаль районы Башкарма комитетының мәгариф идарәсе" планы нигезендә 2018 елның 20 ноябрендә «Энергетик» мәдәният йортының конференц-залында Зәй муниципаль районы мәгариф оешмалары җитәкчеләре өчен «Белем бирүнең сыйфатын күтәрү – белем бирү учреждениесенең төп бурычы. Анализ һәм үсеш перспективалары» темасы буенча методик семинар узды.

Бүген "Энергетик" мәдәният йортында район Башкарма комитеты җитәкчесе Илнар Хафизов "Наше время – Безнең заман" эшче яшьләр иҗаты республика телевизион фестивалендә катнашучылар белән очрашты.

2018 елның 20 ноябрендә хакимиятнең кече залында шәһәр Советының яшьләр сәясәте буенча даими комиссиясе утырышы узды. Депутатлар түбәндәге темалар буенча докладлар тыңладылар: 1. Зәй шәһәре предприятиеләрендә һәм оешмаларында яшь белгечләрне эшкә урнаштыру турында 2. Татарстан Республикасының Зәй яшьләренең "Чиста булачак» экологик хәрәкәте эше турында 3. 2018 елда Зәй шәһәрендә "волонтерлык хәрәкәтен" үстерү һәм 2019 елга бурычлар турында 4. Яшьләр сәясәте буенча даими комиссиянең 2018 елдагы эш нәтиҗәләре һәм 2019 елга эш планы турында. Мәгълүмат белән «Зәй шәһәре халыкны эш белән тәэмин итү үзәге» директоры урынбасары Хафизова Л. И., Зәй муниципаль районы Иҗтимагый яшьләр палатасы рәисе Аладышкин Р.С. , Столбова Н.А.- «Яшьләр үзәге» МБУ директоры, Хәйруллин И.Г.-яшьләр сәясәте буенча даими комиссия рәисе, 14нче номерлы Проспект округы буенча Зәй шәһәре Советы депутаты.

Зәй мәшгульлек үзәге сәламәтлеге буенча мөмкинлекләре чикләнгән гражданнарга, инвалид баласы булган һәм күп балалы ата-аналар өчен эш урыннары булдыру буенча эшне дәвам итә.

20 ноябрьдә Башкарма комитет җитәкчесе И. Ф. Хафизов рәислегендә «Татарстан Республикасының Баш инвестицион-төзелеш идарәсе» ГКУ Көньяк-Көнчыгыш территориаль бүлеге кураторы Динар Рәфыйков катнашында КС-2 формасы буенча отчет тапшыру һәм башкарма документация тапшыру буенча киңәшмә узды. Киңәшмә эшендә Зәй муниципаль районында капиталь ремонт һәм объектларны төзү эшләрен башкаручы подрядчы оешмалар вәкилләре катнашты. Киңәшмә нәтиҗәләре буенча район җитәкчелеге тарафыннан биремнәр билгеләнде. Отчетларны тапшыру эше график буенча алып барыла.

19 ноябрьдә “Зәй шәһәре мәшгульлек үзәге” дәүләт казна учреждениесендә эшсез гражданнарның шәхси эшмәкәр сыйфатында үзмәшгульлеген оештыруда финанс ярдәме алуга бизнес-планнарын бәяләү буенча эксперт советы утырышы узды.

Зәй шикәр заводына бүгенге көнгә 1000370 тонна шикәр чөгендере китерелде. Татлы тамырны заводка ташуга 200 йөк машинасы җәлеп ителгән. Алар көн саен кагат кырына 6 меңәр тонна чимал ташый. 648 мең 418 тонна чөгендер эшкәртелеп, аннан 100120 тонна шикәр комы, 19708 тонна меласса, 29080 тонна гранулаштырылган чөгендер түбе әзерләнгән.

Бүген район Башкарма комитеты җитәкчесе Илнар Хафизов Зәй муниципаль районы территориясендә этил спирты һәм алкогольле продукциянең законсыз әйләнешен ачыклау һәм булдырмау буенча ведомствоара комиссия утырышын үткәрде.