Зәйдә эшсез гражданнарның бизнес-планнарын карау буенча эксперт советы утырышы узды

19 ноябрьдә “Зәй шәһәре мәшгульлек үзәге” дәүләт казна учреждениесендә эшсез гражданнарның шәхси эшмәкәр сыйфатында үзмәшгульлеген оештыруда финанс ярдәме алуга бизнес-планнарын бәяләү буенча эксперт советы утырышы узды. Утырышта түбәндәге юнәлешләр буенча өч бизнес-план каралды: тантаналарны уздыру һәм музыкаль хезмәт күрсәтү, ваклап сату, интернет-сәүдә. Эксперт советы әгъзалары тәкъдим ителгән проектларның муниципаль район икътисады өчен актуальлеген билгеләде, бизнес-идеяләр алар тарафыннан яклау тапты. Салым органнарында теркәлү узганнан соң, претендентлар финанс ярдәме ала алачак.