Зәйдә «Наше время – Безнең заман” эшче яшьләр иҗаты телевизион фестивалендә катнашучылар белән очрашу узды

Бүген "Энергетик" мәдәният йортында район Башкарма комитеты җитәкчесе Илнар Хафизов "Наше время – Безнең заман" эшче яшьләр иҗаты республика телевизион фестивалендә катнашучылар белән очрашты. Зәй муниципаль районы командасы икенче ел рәттән әлеге фестивальдә катнашып, «Хореография» номинациясендә 1 нче урынга, «Музыка» номинациясендә 1 нче урынга (ансамбльләр), «Визитка - презентация» номинациясендә 2 нче урынга, «Дан минуты» номинациясендә 3 нче урынга һәм барлык конкурс нәтиҗәләре буенча 2 нче урынга лаек булды. Илнар Хафизов үз чыгышлары белән Зәй муниципаль районы данын яклаган һәркемгә рәхмәт белдерде һәм командага яңа җиңүләр теләде. Барлык 22 катнашучыга да район Башкарма комитеты җитәкчесенең түбәндәге эчтәлектәге Рәхмәт хатлары тапшырылды: «Эшче яшьләр иҗатының "Наше время - Безнең заман" VI ачык республика телевизион фестивале суперфиналында җиңү өчен чын күңелдән рәхмәт белдерәм. Фидакарь һәм һөнәри эш, уртак тырышлык нәтиҗәсендә без искиткеч нәтиҗәләргә ирештек. Зәй муниципаль районы командасы бик югары оешканлык белән, техник һәм иҗади дәрәҗәдә чыгыш ясады. Сезгә һөнәри үсеш, куелган максатларга ирешүегезне һәм иҗади җиңүләр телибез! Сезнең эшегездә уңышлар, иминлек һәм тотрыклылык юлдаш булсын». Команданы уңышлы чыгыш ясавы белән Башкарма комитет җитәкчесенең социаль мәсьәләләр буенча урынбасары Александр Чапков, мәгариф идарәсе башлыгы Сергей Кузнецов та котлады.