ЯҢАЛЫКЛАР

Бүген видеоконференция режимында, республика киңәшмәсе кысаларында Татарстан Республикасы Президенты Рөстәм Миңнеханов катнашында "Экояз -2019» конкурсы нәтиҗәләре буенча бүләкләү тантанасы узды. Президент Рөстәм Миңнеханов конкурста җиңүчеләргә кече архитектура формасы – балалар уен мәйданчыгы алуга сертификатлар, шулай ук кубок һәм дипломнар тапшырды. Җиңүчеләр арасында Зәй муниципаль районы да бар. Лаеклы бүләкне Татарстан Президенты кулыннан район башлыгы Разиф Кәримов алды. “Үзәге шәһәр статусында булган иң яхшы муниципаль район» номинациясендә Әлмәт районы – беренче, Түбән Кама районы – икенче, Зәй районы – өченче призлы урынны алды. «Үзәге шәһәр тибындагы поселок, авыл статусында булган иң яхшы муниципаль район» категориясендә Биектау районы – беренче, Саба районы – икенче, Алексеевск районы – өченче урынга лаек булды.«Иң яхшы шәһәр округы» номинациясендә Казан беренче, Чаллы – икенче урынга чыкты.

Бүген Зәйдә "Терлек азыгы әзерләү чорында район ветеринария лабораторияләренең эше" темасына киңәйтелгән республика семинар-киңәшмәсе узды. Семинар эшендә Зәй муниципаль районы башлыгы Разиф Гали улы Кәримов, Татарстан Республикасы Авыл хуҗалыгы һәм азык - төлек министры урынбасары Нәҗип Нәкыйп улы Хаҗипов, Татарстан Республикасы Министрлар Кабинетының Баш ветеринария идарәсе башлыгы-Татарстан Республикасы Баш дәүләт ветеринария инспекторы Алмаз Гаптрәүф улы Хисаметдинов катнашты. Семинарда катнашучыларны район башлыгы сәламләде һәм район икътисады һәм аның үсеш өстенлекләре белән таныштырды. Республиканың ветеринария хезмәтләре белгечләре терлек азыгын һәм терлекчелек биналарын кышкы чорга әзерләү, терлек азыгының сыйфатын лаборатор тикшерү мәсьәләләре буенча фикер алыштылар. Семинар барышында шулай ук район ветеринария лабораторияләре эшенә анализ ясалды. Практик өлеш Поручик авылы басуында узды. Әлеге чарада иң яхшы хезмәткәрләргә намуслы хезмәтләре өчен бүләкләр тапшырылды.

5июнь көнне сәгать 10да Зәй шәһәре халык мәшгульлеге үзәгендә вакансияләр ярминкәсе узачак. Чарада “КАМАЗ” гаммәви акционерлык җәмгыятенең металл кою,автомобиль,пресс-рам заводлары,“Зәй кирпеч заводы” ҖЧҖ, “Аккурайд Уилз Руссиа” ҖЧҖ, “Орман Логистика” ҖЧҖ, “Болгарпиво” ААҖ, “Зәй-икмәк” ҖЧҖ, “Россия тимер юллары” ААҖ катнашачак. Эш бирүчеләр вакансияләр тәкъдим итәчәк, хезмәт шартлары һәм хезмәт хакы дәрәҗәсе турында мәгълүмат бирәчәк. Эш эзләүчеләр әңгәмә уза һәм эшкә урнашу өчен анкеталар тутыра алачак. Ярминкә Зәй шәһәре, Нефтьчеләр проспекты, 37б йорты адресы буенча узачак. Төгәлрәк мәгълүматны8(85558)7-15-43 телефоны аша алырга мөмкин.

Бүген, 30 май көнне Яр Чаллы шәһәренең «Төзүче " стадионында 2006 елгы «Б» дивизионының яшүсмерләр командалары арасында, футбол буенча Татарстан Республикасы беренчелегенең календарь уены узды, анда Зәй шәһәренең «Барс» командасы һәм Яр Чаллы шәһәренең «Компонент-Төзүче» командасы очрашты. Очрашу Зәй муниципаль районы командасы җиңүе белән 3:0 исәбе белән тәмамланды. (Команданың тренеры Бикмеев Ринат Рәисович).

Бүген Зәй муниципаль районы башлыгы Разиф Галиевич Кәримов, авыл хуҗалыгы һәм азык-төлек министрлыгы, авыл хуҗалыгы һәм азык-төлек идарәсе белгечләре, авыл хуҗалыгы үзәге һәм "Агрокөч" АҖ белгечләре составындагы комиссия, бер үк вакытта азык әзерләү техникасының әзерлеген кабул итә башлады. Чәчүлекләрнең һәм азык әзерләү техникасының торышы бал системасы буенча бәяләнәчәк. Районда терлек азыгы әзерләү буенча 4 отряд бар. Барлык техника да югары дәрәҗәдә әзерләнгән.  Чәчүлекләрне тукландыру һәм үсемлекләрне саклау буенча барлык агротехник чаралар уздырылды. Уртача үсемлекләр саны 1 м2-450-600 данә. Вакытында явылган яңгырлар һәм җылы һава торышы бөртекле һәм азык культураларыннан югары уңыш алырга ярдәм итә.

Бүген хакимиятнең зур залында район Башкарма комитеты җитәкчесе И. Ф. Хафизов район МКУ җитәкчеләре катнашында территорияләрне төзекләндерү буенча киңәшмә үткәрде. Көн тәртибенә 4 мәсьәлә кертелгән иде: ведомство карамагындагы мәгариф оешмалары, шәһәр мәдәният учреждениеләре, спорт һәм яшьләр объектлары территорияләрен төзекләндерү. Мәгълүмат белән мәгариф идарәсе җитәкчесе вазыйфаларын башкаручы Н.А. Алчина, мәдәният идарәсе башлыгы С. Ю. Ревина, физик культура, спорт һәм туризм идарәсе башлыгы вазыйфаларын башкаручы В. А. Смирнов, район яшьләр эшләре идарәсе башлыгы Л. Г. Федотова чыгыш ясады. Һәр учреждениегә якын-тирә территорияләрне төзекләндерү буенча бурычлар куелды.

29 нчы майда Башкарма комитеты җитәкчесе И.Ф.Хафизов җитәкчелегендә, шулай ук «Теплосервис» ҖЧҖ, Зәй ГРЭСы «Татэнерго» АҖ, Башкарма комитетының мәгариф, яшьләр эшләре, физик культура, спорт һәм туризм һәм мәдәният идарәсе, шәхси милекчеләр ширкәте вәкилләре катнашында 2019/2020 елгы ягу сезонына әзерлек буенча киңәшмә узды. Киңәшмәдә 2019/2020 ел җылылык сезонына ресурслар белән тәэмин итүче предприятиеләрне, социаль-мәдәни билгеләнештәге объектларны җылылык сезонына әзерләү, хезмәт күрсәтүче оешманың ягу сезонына әзерлеге буенча алып барыла торган эшләре турында мәсьәләләр каралды.

Сармашбаш авылында муниципаль район башлыгы Р. Г. Кәримов, район Советы һәм Башкарма комитетының җаваплы хезмәткәрләре, авыл җирлекләре башлыклары, авыл хуҗалыгы идарәсе белгечләре, шәхси ярдәмче хуҗалыклар, КФХ лар катнашында традицион күчмә семинар узды. Семинарның максаты- үзара тәҗрибә уртаклашу һәм проблемалы мәсьәләләр буенча фикер алышу иде. Анда катнашучылар Кәдек авылындагы экологик программа буенча төзекләндерелгән чишмәне, Сармашбаш авылында грант акчасына төзекләндерелгән "Сабантуй" уздыру урынын, федераль максатчан программа буенча төзелгән йортны, Р. З. Гыйниятуллин һәм Р. В. Халиковларның сөтчелек юнәлешендә эшләүче мини-фермаларын карадылар, шулай ук А. Ф. Кашапов теплица хуҗалыгында булдылар. Семинарның пленар өлеше авыл мәдәният йортында дәвам итте. Халык алдында башкарылган эшләр турында җирлек башлыгы Р.М. Фәсхетдинов хисап тотты. Семинарда катнашучыларга 2019 елның 1 кварталында авыл җирлекләрендәге аерым күрсәткечләр, авыл халкының эшлекле активлыгын арттыру һәм хуҗалык итүнең кече формаларын үстерү чаралары, 2019 елда авыл җирлекләрендә үзара салым эшләренең барышы, санитар-экологик икеайлык нәтиҗәләре, һөнәри керем салымы (үзмәшгульлек), авыл җирлекләре арасында муниципаль милек рәсмиләштерү турында мәгълүмат җиткерелде. Семинарга йомгакны район башлыгы Р. Г. Кәримов ясады.

28 май көнне Зәй шәһәрендә "Зәй муниципаль районы мәгариф учреждениеләрендә санитар-гигиена һәм эпидемиягә каршы чараларын үтәү һәм туклануны оештыруга йомгак ясау",- темасына семинар - киңәшмә узды. Анда  мәктәп яны лагерьларында балалар һәм яшүсмерләрнең җәйге ялына әзерлек, җәйге сәламәтләндерү учреждениеләрендә санитар-гигиена чараларын үтәү һәм эпидемиягә каршы чараларны үтәү, пешекчеләр һәм кухня хезмәткәрләре өчен тест контролен үткәрү, мәктәп яны лагерьларына азык-төлек продуктлары кертү, 2018-2019 уку елында  мәктәп туклануы эшен оештыру нәтиҗәләре турында фикер алыштылар. «Иң яхшы мәктәп ашханәсе» конкурсы нәтиҗәләре буенча мәгариф учреждениеләре арасында беренче урынны- 6нчы мәктәп, икенче урынны 7нче мәктәп ашханәсе алды. Киңәшмә Татарстан Республикасы (Татарстан) буенча Роспотребнадзор идарәсенең Әлмәт, Зәй, Лениногорск Сарман районнарында территориаль бүлеге башлыгы урынбасары Нәсибуллин Ринат Миңнулла улы ярдәмендә үткәрелде, анда шулай ук Яр Чаллы шәһәре «Мәктәп туклану» ҖЧҖ генераль директоры Гусева Валентина Порфирьевна, шәһәре мәгариф идарәсе башлыгы вазыйфаларын башкаручы Алчина Наталья Александровна катнашты. Киңәшмәдә катнашучылар мәктәп яны лагерьларында туклану эшен оештырганда санитария-эпидемиология таләпләрен үтәү буенча күрсәтмәләр алдылар.

Зәй шәһәре халык мәшгульлеге үзәгендә мөрәҗәгатьләрнең 42% электрон формада кабул ителгән. 2019 елның 5 аенда мәшгульлек хезмәтенә Татарстан Республикасының дәүләт һәм муниципаль хезмәтләре порталы аша 118 гариза юлланган. Мөрәҗәгатьләрнең күбесе хезмәт базарындагы хәл буенча мәгълүмат алуга туры килә. Шулай ук зәйлеләр эш эзләүдә ярдәм итүгә, вакытлыча эш оештыруга, һөнәри белем алуга гаризаларны электрон формада юллый. “Гаилә сәбәпләре буенча мәшгульлек үзәгенә килүне кичектереп килдем. Белгечләргә шалтыраткан идем, алар миңа гаризаны интернет аша җибәрергә мөмкинлек барлыгы хакында әйтте. Үзәккә килү мәҗбүри булмаган икән”, - дип дәүләт хезмәтләре порталының өстенлекләрен бәяли гражданин А. Кирәкле хезмәтне алу өчен uslugi.tatarstan.ru порталындагы исемлектән “Хезмәт һәм мәшгульлек” юнәлешен табарга, кирәкле сервисны һәм яшәгән җирлектәге мәшгульлек үзәген сайларга кирәк. Шулай ук мобиль кушымтадан файдаланырга мөмкин.