ЯҢАЛЫКЛАР

Хөрмәтле райондашлар! Социаль яклау бүлеге һәм Республика матди ярдәм (компенсация түләүләре) үзәге бүлеге тарафыннан гражданнарны шәхси кабул итү 2020 елның 30 мартыннан 2020 елның 5 апреленә кадәр туктатылды.

Татарстан Республикасы Авыл хуҗалыгы һәм азык-төлек министрлыгының оператив белешмәләренә караганда, узган ял көннәрендә республиканың барлык районнары язгы кыр эшләренә чыктылар, болар – көзге культураларны һәм күпьеллык үләннәрне тукландыру эшләре. Ә Биектау, Чүпрәле һәм Зеленодольск районнары күпьеллык үләннәрне һәм көзге культураларны тырмалауга керештеләр.

Зәй муниципаль районы башкарма комитеты ГХАТ бүлеге,Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында, «2020 елның 25 мартындагы 218 номерлы карарына үзгәрешләр кертү турында» 2020 елның 27 мартындагы 223 номерлы карары нигезендә, Татарстан Республикасы ЗАГС органнары бары тик махсус шартлар булганда гына, туган, үлгән һәм никах теркәүне гамәлгә ашыралар, дип хәбәр итә.

Хөрмәтле гражданнар! Татарстанда Махсус санитар-эпидемиологик режим гамәлдә. Татарстан Республикасы территориясендә яңа коронавирус йогышы таралуны кисәтү һәм халыкның тормышын һәм сәламәтлеген саклауны тәэмин итү максатларында, Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында» 19.03.2020 ел, №208 карарын үтәү йөзеннән (Татарстан Республикасы Министрлар Кабинетының 25.03.2020 ел, №218, 27.03.2020 ел, №223 карарлары белән кертелгән үзгәрешләр белән) 30 марттан 5 апрельгә кадәр шәһәр пассажир транспорты эше туктатылачак, шулай ук авыл җирлекләренә йөрүче рейслар гамәлдән чыгарылды.

Татарстан Республикасы территориясендә яңа коронавирус йогышының алга таба таралуын кисәтү максатларында Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында» карары кабул ителде.

Хөрмәтле Зәй муниципаль районы халкы! Яңа коронавирус йогышы таралу ихтималын булдырмау максатыннан 30 марттан 3 апрельгә кадәр район Советы һәм Башкарма комитетының җаваплы хезмәткәрләре тарафыннан гражданнарны шәхси кабул итүне вакытлыча язма рәвештә башкарырга дигән карар кабул ителде.

2020 елның 30 мартыннан 3 апреленә кадәр Зәй муниципаль районының 30 мәктәпкәчә белем бирү учреждениесе штат режимында эшләячәк.

Яшьләр эшләре буенча идарә волонтерлары эш көннәрендә 8:00 сәгатьтән 17:00 сәгатькә кадәр  7-07-66 телефоны аша һәм  ял көннәрсез 8:00 сәгатьтән 18:00 сәгатькә кадәр 2-82-19 телефоны аша мөрәҗәгать итүче ялгыз яшәүче өлкән яшьтәге гражданнарга ярдәм итәчәкләр.

30 марттан 3 апрельгә кадәр Татарстанда күп функцияле үзәкләр элек кабул ителгән мөрәҗәгатьләр буенча, әзер документлар бирү буенча гына эшләячәк.

Россия Федерациясе Президенты Указы нигезендә, хезмәткәрләрнең хезмәт хакы саклап калынган хәлдә, 2020 елның 30 мартыннан 3 апреленә кадәр ял көннәре дип игълан ителә. Илдә коронавирус инфекциясенең киң таралуын булдырмас өчен, халыкка бу атнаны өйдә торырга киңәш ителә.