Социаль ярдәм чараларын 2020 нче елның 1 октябренә кадәр (6 айга) озайту турында

Хөрмәтле райондашлар! Социаль яклау бүлеге һәм Республика матди ярдәм (компенсация түләүләре) үзәге бүлеге тарафыннан гражданнарны шәхси кабул итү 2020 елның 30 мартыннан 2020 елның 5 апреленә кадәр туктатылды. Россия Федерациясе Президенты В.В. Путин йөкләмәсе нигезендә, коронавирус инфекциясе таралу куркынычын киметү максатында 2020 елның 1 октябренә (6 айга) социаль ярдәм чараларын: транспортта йөрү өчен айлык акчалата түләү, хезмәт ветераннарына социаль ярдәм чараларын, 16 яшькә кадәрге балаларга пособие, балалар бакчасы өчен ата-ана түләвенең бер өлешенә өстәмә компенсация; даими рәвештә кеше каравына мохтаҗ 18 яшькә кадәрге инвалид балаларга өстәмә айлык акчалата түләү; хроник бөер эшчәнлеге җитешсезлеге һәм онкология авыруларыннан интегүче затларга дәвалану урынына бару чыгымнарын компенсацияләү; беренче бала тууга (уллыкка алуга) бәйле айлык түләүләр; торак урыны һәм коммуналь хезмәт күрсәтүләр өчен түләүгә субсидияләрне автоматик рәвештә озайту турында Карар кабул ителде. Татарстан Республикасы дәүләт һәм муниципаль хезмәтләр Порталы аша (http://uslugi.tatarstan.ru) күп балалы гаиләләр өчен каралган социаль ярдәм чараларын; бала туганда бер тапкыр бирелә торган пособие; инвалидларга торак-коммуналь хезмәтләр өчен түләүгә субсидияләр-ташламалар; торак урыны һәм коммуналь хезмәт күрсәтүләр өчен түләүгә субсидияләр; 16 яшькә кадәрге балага айлык пособие; инвалидларга торак-коммуналь хезмәт күрсәтүләр өчен түләүгә субсидияләр-ташламалар; балалар бакчаларында баланы караган өчен ата-ана түләвенең бер өлешен компенсацияләү; юл йөрү өчен айлык акчалата түләүгә гариза бирергә мөмкин. Социаль ярдәм чараларын күрсәтү мәсьәләләре буенча консультацияне сез түбәндәге телефоннар буенча: 8(85558)7-10-46, 3-57-19, 7-09-76,; zai.20@tatar.ru, Usz.Zainsk@tatar.ru электрон почта адреслары аша ала аласыз. Үзегезне һәм якыннарыгызны саклагыз.