Шәһәр һәм районда вакытлыча пассажирлар йөртүне чикләү турында

Хөрмәтле гражданнар! Татарстанда Махсус санитар-эпидемиологик режим гамәлдә. Татарстан Республикасы территориясендә яңа коронавирус йогышы таралуны кисәтү һәм халыкның тормышын һәм сәламәтлеген саклауны тәэмин итү максатларында, Татарстан Республикасы Министрлар Кабинетының «Татарстан Республикасында яңа коронавирус инфекциясе таралуны булдырмау чаралары турында» 19.03.2020 ел, №208 карарын үтәү йөзеннән (Татарстан Республикасы Министрлар Кабинетының 25.03.2020 ел, №218, 27.03.2020 ел, №223 карарлары белән кертелгән үзгәрешләр белән) 30 марттан 5 апрельгә кадәр шәһәр пассажир транспорты эше туктатылачак, шулай ук авыл җирлекләренә йөрүче рейслар гамәлдән чыгарылды. Автовокзал бинасы вакытлыча ябылачак. Зәйлеләргә гражданнарның күпләп җыелу урыннарына барудан тыелып торырга, сәфәрләрен чикләргә киңәш итәбез. Бүген мондый мөмкинлеккә ия булган һәркемгә өйдә калырга кирәк. Бу вирус таралуны тоткарларга һәм үзен һәм тирә-юньдәгеләрне сакларга ярдәм итәчәк. Өйдәге моңа кадәр кичектерелеп килгән эшләрне эшләргә, күп яңалыклар белергә, тынычлыкта калырга һәм якыннарыгыз белән булырга мөмкин. Кирәк булмаганда өйдән чыгып йөрмәгез.