ЯҢАЛЫКЛАР

“Бөек Җиңү”нең 71 еллыгын билгеләп үтү алдыннан, районыбызның югары сыйныф укучыларына “Космос” та кино - дәрес күрсәтелде. Чарага ветераннар Советы рәисе М.С.Хуҗин, Бөек Ватан сугышы ветераны А.И.Моисеева да чакырылган иде.

15 апрельдә КФУның Лев Толстой исемендәге Филология һәм мәдәниятара багланышлар институтында бөек шагыйребез Г.Тукайның 130 еллыгы уңаеннан урта мәктәпләрнең чыгарылыш сыйныф укучылары өчен «Син Тукайны беләсеңме?» дип исемләнгән төбәкара олипиаданың II туры булып узды.

Г. Тукайның 130 еллыгына багышланган чаралар тәмамланып килә Мәгариф идарәсе районыбыз мәктәпләрендә һәм балалар бакчаларында Г.Тукайның туган көненә багышланган чаралар оештыруын апрель аеның соңгы көннәренә хәтле алып барачак.

Бүген Зәй муниципаль районы башлыгы Р.Г.Кәримов Казан Кремлендә үтәчәк Татарстан Республикасының тарихи һәм мәдәни һәйкәлләрен яңадан торгызу Республика Фондының Попечительләр Советы утырышында катнаша.

Шушы көннәрдә мәгариф бүлеге, балалар иҗат йорты белән берлектә 2 нче мәктәп кысаларында, республика наркотикларга каршы көрәш проектында катнашучылар слеты оештырылды. Чарада барлыгы 19 гомүми урта белем бирү оешмаларыннан 80 бала катнашты.

Бүген Зәй халыкка социаль хезмәт күрсәтү үзәгенә йөрүчеләр Зәй туган якны өйрәнү музеена сәяхәт ясадылар. Мәктәп тавы- борынгы мәдәният ядкаре. 1652 елда бу тауның башында Зәй крепосте төзелгән булган.

Бүген хакимиятенең зур залында Зәй муниципаль районы башлыгы Р.Г.Кәримов рәислегендә Зәй муниципаль районының террорчылыкка каршы комиссиясе утырышы узды. Утырышның көн тәртибенә кертелгән сораулар буенча эчке эшләр бүлеге башлыгы В.Р.Усачева, Зәй муниципаль районыны янгын күзәтчелеге башлыгы И.А. Шәяхмәтов, Башкарма комитет җитәкчесе урынбасары, мәгариф бүлеге башлыгы Г.М.Галимова, Александр Бистәсе һәм Дүрт- Мунча авыл җирлеге башлыкларының чыгышлары тыңланды.

Бүген Зәй районында терлекчелек буенча 2016 елның беренче кварталы нәтиҗәләре һәм терлекләрне җәйге лагерьларга оешкан төстә күчерү буенча республика төбәкара семинар-киңәшмә узды. Семинар-киңәшмәдә катнашучылар “Зәй” агрофирмасының “Әхмәт сөтчелек комплексында булдылар. Анда Минзәлә, Мөслим, Сарман, Азнакай, Зәй, Тукай районнарыннан комплекс башлыклары, зоотехниклар, зооветбелгечләр килгән иде. Киңәшмә эшен Татарстан Республикасы Министрлар Кабинетының Баш ветеринария идарәсе башлыгы Алмаз Хисаметдинов алып барды.

Район башлыгы Р.Г.Кәримов Зәй -2 дә яшәүче сугыш ветераннары Лукьянов Максим Данилович һәм Емелин Василий Петровичларны Бөек Җиңүнең 71 еллыгы белән котлады һәм Татарстан Президенты, район башлыгы, Татарстан Республикасы Дәүләт Советы депутаты Ф.Ф.Комаров исеменнән бүләкләр тапшырды.

Бүген район башлыгы Р.Г.Кәримов Зәй кондитер фабрикасында булды. Эшлекле очрашуда Башкарма комитет җитәкчесенең икътисад мәсьәләләре буенча урынбасары П.А.Байрашев , Зәй кондитер фабрикасы директоры Д.А.Кукушкин катнашты.