ЯҢАЛЫКЛАР

Ай саен Зәй шәһәре башлыгы урынбасары Е.В.Недошивина Территориаль иҗтимагый үзидарә рәисләре белән төрле сораулар буенча киңәшмә үткәрә. Шундый утырышларның берсе 15 нче майда хакимияттә үтте.

15 майда Аксар авылында яшәүче хезмәт ветераны Хәлиев Бәгъдәнур Хәлиевич үзенең 90 яшьлек юбилеен билгеләп үтте. Ул туган колхозында механизатор булып эшләгән, тормыш иптәше белән бергә 3 кыз бала тәрбияләп үстергәннәр. Бүген аның янәшәсендә 7 оныгы да бар.

15 май – ХАЛЫКАРА ГАИЛӘ КӨНЕ!!! Гаилә гомер - гомергә яшәешнең башлангычы булды. Ул – кешенең төп терәге, җәмгыятьнең рухи сәламәтлеге чыганагы.

Бүген хакимиятнең утырышлар залында Зәй муниципаль районы башлыгы Р.Г. Кәримов рәислегендә балигъ булмаган гражданнарны җәйге чорда эш белән тәэмин итүне оештыруга кагылышлы мәсьәләләр буенча киңәшмә узды.

12 нче май көнне Азнакай шәһәрендә Татарстан Республикасы прокуратура хезмәткәрләренең VII Спартакиадасы финал ярышлары узды.

Кичә Зәй “Космос” кинотеатрында Туфан Миңнуллинның “Мулла” пьесасы буенча нәфис фильм күрсәтелде. Ул Татарстанның Әтнә районы Күәм авылында төшерелә.

Шушы көннәрдә Зәй муниципаль районының “Шатлык” комплекслы халыкка социаль ярдәм күрсәтү үзәгенең гаилә һәм балалар белән эшләү бүлеге белгечләре үзәктә исәптә торучы һәм социаль хезмәтләр алучы балалар белән берлектә районыбызның Туган якны өйрәнү музеена сәяхәт ясадылар.

Зәйдә уку елы тәмамланыр алдыннан бер укучыга Ринат Фәрдиев исемендәге премия бирү каралган. Районда уку елының иң яхшы укучысына бу махсус премияне бирү 2010 елда гамәлгә кергән иде. Конкурс комиссиясе карары белән быел премиягә 6нчы мәктәпнең 11нче сыйныф укучысы Кирилл Нифатов лаек дип табылды. Аңа аппарат киңәшмәсе вакытында район башлыгы Р.Г.Кәримов тантаналы төстә сертификат тапшырды.

14 майда хакимиятнең зур залында район башлыгы Р.Г. Кәримов катнашуында үткән аппарат киңәшмәсендә “Сәләтле укытучы-сәләтле укучы” дип аталган район башлыгы Грантлары тапшырылды. Тантаналы чарага мәгариф өлкәсендә эшләүче педагоглар, шәһәр һәм район мәктәпләре укучылары һәм аларның ата-аналары чакырылган иде.

Бүген хакимиятнең зур залында район башлыгы Р.Г.Кәримов аппарат киңәшмәсе үткәрде. Район башлыгы киңәшмәне педагоглар һәм мәктәп укучыларына “Талантлы укытучы-талантлы укучы ”- дип аталган район башлыгы Грантларын тапшырудан башлады.