ЯҢАЛЫКЛАР

“PROFF-навигатор” һөнәри ориентлашу проекты кысаларында Зәй мәшгульлек үзәге профконсультанты Дарья Филиповская тарафыннан 3нче мәктәпнең мәктәп яны лагерена йөрүче 3-4нче сыйныф укучылары өчен һөнәри ориентлашу буенча чара уздырылды.

19 июньдә Түбән Камада видеоконференция режимында гражданнарны ТР экология һәм табигый ресурслар министры Александр Валерьевич Шадриков кабул итү үткәрәчәк. Кабул итү барышында экология һәм табигатьне саклау, табигый ресурслардан файдалануга кагылышлы мәсьәләләр каралачак. Кабул итү Красный Ключ бистәсе, Яр буе урамы, 7нче йорт адресы буенча уза. Алдан язылып кую 8 (8555) 45-66-56 номеры аша 15 июньгә кадәр мөмкин булачак.

Бүген Ринат Фәрдиев исемендәге ял паркында “Алга, Россия!” дип исемләнгән зур бәйрәм чарасы узды. Зәйлеләрне һәм шәһәребез кунакларын Россия көне белән район башлыгы Разиф Кәримов тәбрикләде:

Бүген, бөтен халык Россия көнен билгеләп үткәндә, ил азатлыгы өчен көрәштә катнашкан сугыш ветераннары аерым игътибар үзәгендә булды. Зәйдә яшәүче 5 ветеранга “Фидакарь хезмәте өчен” медальләре тапшырылды.

Хөрмәтле зәйлеләр һәм шәһәр-районыбыз кунаклары! Дәүләтебезнең төп бәйрәме - Россия көне уңаеннан ихлас котлауларны кабул итегез! Әлеге дәүләт бәйрәме илебезнең көчен һәм бердәмлеген гәүдәләндерә. Россия Федерациясе Президенты тарафыннан россиялеләрнең тормыш дәрәҗәсен яхшыртуга, илнең халыкара абруен ныгытуга юнәлдерелгән стратегик курс илебез халкы тарафыннан киң яклау тапты.

Шыкмай авылында яшәүче Мәврүрә Әглиевна Вәлиуллина бүген үзенең 90 яшьлек юбилеен билгеләп үтә. Мәврүрә әби районыбызның Апач авылында туган, Шыкмай егетенә кияүгә чыгып, гомере буе колхозда хезмәт куйган.

Россия көне уңаеннан, Зәй үзәк китапханәсе хезмәткәрләре Ялчыгол скверында 4нче мәктәпнең “Гагаринчы” мәктәп яны лагеренда ял итүче малай-кызларга “Мин яратам сине, Россия!” дип исемләнгән патриотик сәгать уздырдылар.

“Ачык Татарстан” порталында Татарстан Республикасында “Хезмәт ветераны” исемен бирү шартлары һәм тәртибе” турындагы Татарстан Республикасы Законының 1нче маддәсенә үзгәрешләр һәм төзәтмәләр кертү турында” закон проекты җәмәгатьчелек белән фикер алышуга куелган. Бу хакта Татарстан Дәүләт Советының матбугат хезмәте хәбәр итә. Закон проекты нигезендә “Хезмәт ветераны” исемен , “СССРның Мактаулы доноры» яки “Россиянең Мактаулы доноры” күкрәк билгесе белән бүләкләнгән затларга бирү хокукы тәкъдим ителә.

Зәй районында республика программасы буенча төзекләндерелә, төзелә торган мөһим социаль объектлар район җитәкчелегенең ныклы контролендә тора. Әлеге объектларны күз уңында тоту, аларга еш рейдлар ясау, эш сыйфатын бәяләү, эшне вакытында башкаруга китерә. 8 июньдә район башлыгы Р.Г. Кәримов, Башкарма комитет җитәкчесе И.Ф. Хафизов, Башкарма комитетның төзелеш һәм төзекләндерү буенча җаваплы җитәкчеләре, подрядчы оешма вәкилләре 8 объектта булдылар. Алар Карман авылында сафка басучы күпфункцияле мәдәни үзәк, 1 нче мәктәпнең спорт мәйданчыгы, “Алтынчәч” балалар бакчасы, район үзәк дәваханәсенең 2 нче поликлиникасында барган төзү һәм төзекләндерү эшләре барышы белән таныштылар. Рейд барышында хезмәтне саклау һәм техника куркынычсызлыгы буенча кимчелекләр табылмады. Барлык эшләр график буенча алып барыла.

12 июнь – Россия көне уңаеннан Зәйнең туган як тарихын өйрәнү музеенда әлеге бәйрәм, аның килеп чыгу тарихы, аның мөһимлеге темасына үзенчәлекле чара узды. Музейның фәнни хезмәткәрләре “Балалар шәһәре” дип исемләнгән мәктәп яны лагерена йөрүче балалар өчен “Россиягә ышаныч һәм мәхәббәт белән” исеме астында әдәби уен оештырдылар. Балалар 10 мавыктыргыч станция аша үтте: “Россия флагы һәм гербы”, “Россия гимны”, “Минем Ватаным - Россия”, “Рус халык мәкальләре”, “Рус халык табышмаклары”, “Рус халык әкиятләре”, “Рус халык уеннары”, “ Рус халык җырлары”, “Армия” , “Россияне таныткан шәхесләр”. Әлеге темалар буенча балалар викторина сорауларына җавап бирделәр, уеннар уйнадылар, Россия флагын, гербын ясадылар.