ЯҢАЛЫКЛАР

Хөрмәтле мөселманнар! Сезне чын йөрәктән, мөселманнарның иң олы мәгънәгә ия дини бәйрәмнәренең берсе булган Ураза гаете белән тәбрик итәм. Бу бәйрәм изге Рамазан ае белән саубуллашу, һәр мөселманның таң атканнан кояш баеганчыга кадәр ураза тотып рухи ныклыгын сынау ае бәйрәме дә. Игелекле эшләр кылу, мохтаҗларга ярдәм итү бу бәйрәмдә иң өстен куелучы гамәлләр.

Апрель-май айларында җәмәгатьчелек арасында экологияне саклауга һәм әйләнә-тирә мохиткә сакчыл караш булдыруга юнәлтелгән “ЭкоЯз” бәйгесе игълан ителгән иде. Бүген “ЭкоЯз” Зәй муниципаль бәйгесенең нәтиҗәләре билгеле булды.

Рамазан ае тәмамланып килә. Иртәгә 15 июньдә – Ураза гаете. Гает көнне иртәнге намазга азан 1 сәгать 21 минутта әйтелә. Коръән укулар 5 сәгать 30 минутта оештырыла, аннан сәгать 6да вәгазьләр, тәбрикләүләр була, сәгать 7дә гает намазы укылачак. Быел да, гадәт буенча, “Ялчыгол” мәчетендә гаеттән соң чәй эчү оештырыла, пылаудан авыз итү мөмкинлеге дә булачак. Ураза гаетенә көтеп калабыз.

Татар халкының борынгыдан килгән, язгы чәчүне тәмамлагач үткәрелә торган милли бәйрәме - Сабан туе якынлаша. Район һәм авылларда бу бәйрәмгә ныклап әзерләнәләр. Иске Зәй бистәсендә һәм районыбыз авылларында Сабантуйлар 16 июньдә үтә. Бу көннәрдә киң болыннар һәм су буйларында җыр-моң агылачак, мәйданнар шау-гөр килеп торачак, ул бит әле туган-тумачалар белән күрешү, хәлләр белешү көне дә булып тора. Зәйдә Сабантуй 23 июньдә була.

Ураза гаете көнне Зәйдә балалар да игътибар үзәгендә булачак: үзәк мәчет биләмәсендә хакимият булышлыгы белән сәгать 9да балалар өчен «Хәйрия» дигән бәйрәм үткәрелә. Чарада алар өчен төрле кызыклы уеннар, бәйгеләр оештырылачак. Мондый «Хәйрия» бәйрәме районыбызда өченче ел рәттән уздырыла.

“PROFF-навигатор” һөнәри ориентлашу проекты кысаларында Зәй мәшгульлек үзәге профконсультанты Дарья Филиповская тарафыннан 3нче мәктәпнең мәктәп яны лагерена йөрүче 3-4нче сыйныф укучылары өчен һөнәри ориентлашу буенча чара уздырылды.

19 июньдә Түбән Камада видеоконференция режимында гражданнарны ТР экология һәм табигый ресурслар министры Александр Валерьевич Шадриков кабул итү үткәрәчәк. Кабул итү барышында экология һәм табигатьне саклау, табигый ресурслардан файдалануга кагылышлы мәсьәләләр каралачак. Кабул итү Красный Ключ бистәсе, Яр буе урамы, 7нче йорт адресы буенча уза. Алдан язылып кую 8 (8555) 45-66-56 номеры аша 15 июньгә кадәр мөмкин булачак.

Бүген Ринат Фәрдиев исемендәге ял паркында “Алга, Россия!” дип исемләнгән зур бәйрәм чарасы узды. Зәйлеләрне һәм шәһәребез кунакларын Россия көне белән район башлыгы Разиф Кәримов тәбрикләде:

Бүген, бөтен халык Россия көнен билгеләп үткәндә, ил азатлыгы өчен көрәштә катнашкан сугыш ветераннары аерым игътибар үзәгендә булды. Зәйдә яшәүче 5 ветеранга “Фидакарь хезмәте өчен” медальләре тапшырылды.

Хөрмәтле зәйлеләр һәм шәһәр-районыбыз кунаклары! Дәүләтебезнең төп бәйрәме - Россия көне уңаеннан ихлас котлауларны кабул итегез! Әлеге дәүләт бәйрәме илебезнең көчен һәм бердәмлеген гәүдәләндерә. Россия Федерациясе Президенты тарафыннан россиялеләрнең тормыш дәрәҗәсен яхшыртуга, илнең халыкара абруен ныгытуга юнәлдерелгән стратегик курс илебез халкы тарафыннан киң яклау тапты.