Районыбызда Сабантуйлар үтә

Татар халкының борынгыдан килгән, язгы чәчүне тәмамлагач үткәрелә торган милли бәйрәме - Сабан туе якынлаша. Район һәм авылларда бу бәйрәмгә ныклап әзерләнәләр. Иске Зәй бистәсендә һәм районыбыз авылларында Сабантуйлар 16 июньдә үтә. Бу көннәрдә киң болыннар һәм су буйларында җыр-моң агылачак, мәйданнар шау-гөр килеп торачак, ул бит әле туган-тумачалар белән күрешү, хәлләр белешү көне дә булып тора. Зәйдә Сабантуй 23 июньдә була.