ЯҢАЛЫКЛАР

28 сентябрь көнне Зәй районы мәдәният йорты каршындагы мәйданда өлкән яшьтәге гражданнарга ярдәм күрсәтү йөзеннән традицион мәктәп авыл хуҗалыгы ярминкәсе узды. Киштәләрдә тәкъдим ителгән яшелчә һәм җиләк-җимешләрне педагоглар, тәрбиячеләр, мәктәп һәм балалар бакчаларында тәрбияләнүчеләр үстерделәр. Шәһәр халкы түбән бәяләрдән кишер, кәбестә бәрәңге һәм мәктәп укучылары һәм студентларның үз куллары белән әзерләнгән көнкүреш әйберләрен дә сатып ала алды. Бердәм хезмәт һәм яхшы уңышның кереме дә әйбәт булды.

Районыбызда төрле тармакларда эшчәнлек алып баручы 1500 шәхси предприятие исәпләнә. Алар районның социаль – икътисади үсешенә саллы гына өлеш кертәләр. Эшчәнлек алып барганда төрле сораулар да туып тора. Бүген район эшмәкәрләрен борчыган сорауларга республиканың бизнес-омбудсмены Тимур Нагуманов һәм ТР буенча баш федераль инспектор Ренат Тимерҗанов җавап бирделәр.

Бүген Зәй шәһәрендә урнашкан Көчәнеш астында эшләү үзәгенә Кытай Халык Республикасының энергетика предприятиеләре җитәкчеләре килделәр. 21 кешедән торган делегацияне Кытай электр предприятиеләре берлеге генераль сәркатибе- Идарә рәисе Юй Чундэ әфәнде җитәкләде. Бу кытайлыларның җавап визиты. Татарстан Республикасы Челтәр компаниясе, Көчәнеш астында эшләү үзәге җитәкчеләре һәм белгечләреннән торган делегация агымдагы елның апрель аенда Кытайда булып кайтты. Эшлекле сәфәр вакытында делегация әгъзалары Кытайның челтәр оешмалары һәм уку үзәкләрендә булдылар. Кытай Халык Республикасының энергетика предприятиеләре җитәкчеләре Көчәнеш астында эшләү үзәгендә теоретик һәм практик белем бирү барышын карадылар. Персонал белән таныштылар. Район башлыгы Разиф Гали улы Кәримов аларга шәһәрнең тарихы турында сөйләде, Зәйдә эшләп килүче җитештерү тармаклары белән таныштырды. Кытай вәкилләре бездә 2 көн булачак, икенче көнне Татарстан Республикасы Челтәр компаниясе һәм Кытай Халык Республикасының энергетика предприятиеләре берлеге арасында меморандум имзалау планлаштырыла.

Бүген “Теремкәй” балалар бакчасында Тәрбиячеләр һәм барлык мәктәпкәчә белем бирү хезмәткәрләренең һөнәри бәйрәмен билгеләп уздылар. Районда бүгенге көндә 23 балалар бакчасы бар, аларның 18е- шәһәрдә, 5се- авыл җирлекләрендә эшли. Район буенча барлыгы 2749 сабый мәктәпкә кадәр балалар бакчасына йөри, алар белән тәрбия эшләрен 760 хезмәткәр алып бара. Мәктәпкәчә белем бирү хезмәткәрләрен һөнәри бәйрәмнәре белән Зәй муниципаль районы Башкарма комитетының мәгариф идарәсе җитәкчесе Сергей Кузнецов тәбрикләде, барысына да сәламәтлек һәм иҗади уңышлар теләде. Балалар бакчасында тәрбияләнүчеләр бәйрәм кунакларына иң яхшы концерт номерларын бүләк иттеләр. 39 хезмәткәр мәгариф идарәсе грамотасы белән бүләкләнде.

25 сентябрь көнне "Космос" Яшьләр үзәгендә мәдәният идарәсе белгечләре тарафыннан күп балалы, тулы булмаган, аз керемле һәм конфликтлы гаиләләрдә тәрбияләнүче балалар өчен "Иҗат сезонын ачу" ведомствоара чарасы оештырылды. Әлеге чарада Зәй муниципаль районы "Шатлык" халыкка комплекслы социаль хезмәт күрсәтү үзәгендә социаль хезмәтләр кабул итүче 30 бала катнашты. Кунакларны мультипликация герое - Миньон ишек төбенә чыгып ук каршы алды. Бергә фотога төшү мөмкинчелеге дә тудырылган иде. Балаларга бу бик ошады. Катнашучылар юлларда балалар җәрәхәтләнүләрен кисәтү, юл хәрәкәте кагыйдәләре турындагы белемнәрне арттыруга юнәлдерелгән мультипликацион фильм карадылар. Чара фикер алышу, әңгәмә кору һәм викторина белән тәмамланды. Шулай ук, теләкләре булганнарга аквагримм оештырылган иде. Балаларда әлеге чара уңай тәэсирләр генә калдырды.

26 сентябрь көнне район башлыгы Р.Г.Кәримов, район Башкарма комитеты җитәкчесенең икътисади үсеш буенча урынбасары П. А. Байрашев белән берлектә “Техно” заводы ҖЧҖ һәм “ТатЭК” ҖЧҖ предприятиеләрендә булды.“Техно" заводы ҖЧҖ дә алар җитештерү һәм склад биналарын карадылар, хезмәтне яхшы оештыру, җитештерү программасы үтәлешен билгеләделәр,«ТатЭК» ҖЧҖ дә район башлыгы Р.Г.Кәримов үзенең игътибарын яңа контрактлар төзүгә юнәлтте.

«PROFF-навигатор» һөнәри ориентлашу проекты кысаларында Зәй мәшгульлек үзәге профконсультанты Дарья Филиповская “Күкчәчәк” балалар бакчасында “Һөнәрләр шәһәрчегенә сәяхәт” дип аталган чара үткәрде. Үзәк белгече балаларга һөнәрләр турында аңлатма бирде. Чара барышында балалар “Кем күбрәк һөнәрләрне атый?”, “Табышмакларга җавапны күбрәк әйт”, “Кем әти-әнисенең һөнәре турында яхшырак сөйли?” уеннарында катнаштылар, һөнәрләр һәм мәшгульлек үзәге хезмәте эшчәнлеге турында мультсериал карадылар.Соңыннан балаларга истәлекле сувенирлар тапшырылды.

Зәйдә Татарстан Дәүләт Советы депутаты Илшат Әминов гражданнарны шәхси сораулары буенча кабул итте. Кабул итүдә шулай ук Зәй муниципаль районы башлыгы урынбасары В.Г. Акатьев катнашты. Депутат белән очрашуга килүчеләр Түбән Биш авыл мәдәният йорты бинасын капиталь ремонтлау буенча республика программасына кертү, Зәй-Әлмәт трассасыннан алып Кара Елга авылына кадәр юлны ремонтлау, чишмәне төзекләндерү дә ярдәм күрсәтү турында сораулар белән мөрәҗәгать иттеләр. Барлык мөрәҗәгатьләр  контрольгә алынды.

Зәй шәһәренең халык мәшгульлеге үзәге пенсия яшенә килеп җитүчеләр һәм пенсия яшендәгеләр өчен махсуслаштырылган ярминкә уздыра. Чара Халыкара өлкәннәр көненә багышланган. Районның берничә предприятие һәм оешмасы ярминкәдә катнашырга теләк белдерде инде. Оператив кизү торучы, тегүче, хезмәт куркынычсызлыгы буенча инженер, слесарь, металл конструкцияләрне җыю буенча слесарь, ашыгыч ярдәм фельдшеры, тар белгечлекле табиблар, пешекче, аш бүлмәсе хезмәткәре, бүлмә җыештыручы, урам себерүче, машина йөртүче, терәк-бушату техникасы машинисты, төягеч-бушаткыч механизмлар операторы, икмәк пешерүче һ.б.вакансияләр ачык. Эш бирүчеләр һәм эш эзләүчеләр ярминкәдә катнашуга чакырыла. Чара 2 октябрь көнне 10.00 сәгатьтә Зәй шәһәренең Нефтьчеләр проспекты 37б адресы буенча урнашкан Халык мәшгульлеге үзәге бинасында узачак. Белешмәләр өчен телефон: 8 (85558) 7-15-43, 8 (85558) 7-29-44.

50 ел элек 1968 елны “Тату гаилә” балалар бакчасы төзелә һәм бинада тулы тормыш белән балалар тавышы яңгырый башлый. Бу дәвер эченә талантлы педагоглар 20000 ләп баланы тәрбияләп чыгара. Бүген балалар бакчасы килгән кунакларны каршылавына бик шат булды. Зәй районы Башкарма комитет җитәкчесе И.Ф. Хафизов, иганәчеләр: Зәй ГРЭСы, "Зәй- Су каналы", “Транзит” сәүдә йорты һәм педагогик хезмәт ветераннары балалар бакчасы хезмәткәрләрен һәм анда тәрбияләнүчеләрне юбилей белән котладылар.