Зәйдә өлкән яшьтәге кешеләр өчен вакансияләр ярминкәсе узачак

Зәй шәһәренең халык мәшгульлеге үзәге пенсия яшенә килеп җитүчеләр һәм пенсия яшендәгеләр өчен махсуслаштырылган ярминкә уздыра. Чара Халыкара өлкәннәр көненә багышланган. Районның берничә предприятие һәм оешмасы ярминкәдә катнашырга теләк белдерде инде. Оператив кизү торучы, тегүче, хезмәт куркынычсызлыгы буенча инженер, слесарь, металл конструкцияләрне җыю буенча слесарь, ашыгыч ярдәм фельдшеры, тар белгечлекле табиблар, пешекче, аш бүлмәсе хезмәткәре, бүлмә җыештыручы, урам себерүче, машина йөртүче, терәк-бушату техникасы машинисты, төягеч-бушаткыч механизмлар операторы, икмәк пешерүче һ.б.вакансияләр ачык. Эш бирүчеләр һәм эш эзләүчеләр ярминкәдә катнашуга чакырыла. Чара 2 октябрь көнне 10.00 сәгатьтә Зәй шәһәренең Нефтьчеләр проспекты 37б адресы буенча урнашкан Халык мәшгульлеге үзәге бинасында узачак. Белешмәләр өчен телефон: 8 (85558) 7-15-43, 8 (85558) 7-29-44.