ЯҢАЛЫКЛАР

2 ноябрь көнне Зәй шәһәрендә беренче тапкыр һөнәр сайлау буенча форум узачак. Чара үзенә мәктәп һәм көллияттә белем алучы дистәләгән укучыны җыяр дип көтелә.

25 октябрь көнне спорт-сәламәтләндерү комплексында шәһәр гомуми белем бирү мәктәпләренең профилактик исәптә торучы 2-8 сыйныф укучылары арасында хокук бозуларны кисәтү атнасы кысаларында спорт фестивале үткәрелде.

Зәйдә күптән көтелгән вакыйга – авыл хуҗалыгы хезмәткәрләре слеты узды, аның кысаларында бөртекле культураларны һәм шикәр чөгендерен җыю вакытында уңышларга ирешкән алдынгыларны хөрмәтләделәр. Слетта алдынгыларны район башлыгы Разиф Кәримов, башкарма комитет җитәкчесе Илнар Хафизов, Татарстан авыл хуҗалыгы һәм азык-төлек министрының беренче урынбасары Николай Титов котлады. Николай Леонидович Зәй районы аграрийларын башка муниципалитетларга үрнәк итеп куйды. - "Зәй районы-Татарстанда икмәк, шикәр һәм сөт җитештерү буенча алдынгы муниципалитетларның берсе.Зәйлеләрнең берничә ел дәвамында куелган планны күпкә арттырып үтәүләре хакында билгеләп үтте.  Барысы да район башлыгы һәм район аграрийларының уртак хезмәт нәтиҗәсе- дип ассызыклады ул  үзенең чыгышында. Бүгенге бәйрәм чарасында авыл хуҗалыгы хезмәткәрләре төрле бүләкләргә ия булдылар. Алар арасында : «Татарстан Республикасының атказанган авыл хуҗалыгы механизаторы» исемнәре, Рәхмәт хатлары һәм республика һәм район дәрәҗәсендәге Мактау грамоталары ияләре дә бар иде. Җитәкчеләр һәм хезмәткәрләргә  акчалата премияләр тапшырылды.Татарстан Республикасы Зәй муниципаль районы җирле үзидарә үсешенә зур өлеш керткәне өчен, район башлыгы Разиф Кәримов Татарстан Республикасы Президентының Рәхмәт хаты белән бүләкләнде. Иң күп ашлык суктырган комбайнчыларга йөз мең сумлык акчалата премия тапшырылды. Бу премиягә «Зәй» агрофирмасыннан  Андрей Митрофанов, Айрат Сафин, Рамил Сибгатуллин, «Зәй шикәре» агрофирмасыннан Валерий Бутяев һәм «Восток» агрофирмасыннан Дамир Шәйгәрданов ия булды. Бәйрәм дәвамында  авыл хуҗалыгы хезмәткәрләрен  «Сәйлән» бию ансамбле, «Улыбка» хореография коллективы, «Каприз» хореография ансамбле, «Татарстан» бию ансамбле, «Агыйдел» җыр һәм бию ансамбле, Татарстан Республикасының халык артисты Вил Усманов үзләренең матур чыгышлары белән куандырды.

 Бүген Башкарма комитет җитәкчесе И. Ф. Хафизов хокук тәртибен саклау җәмәгать пункты хезмәткәрләре белән 2018 елның 9 аенда башкарылган эшләр буенча киңәшмә үткәрде. Киңәшмәдә катнашучылар билгеләнмәгән урыннарда килештерелмәгән реклама урнаштыру, Зәй шәһәре һәм  районында чисталык һәм тәртипне саклау, районның мәгариф учреждениеләре буенча профилактик әңгәмәләр үткәрү мәсьәләләре буенча фикер алыштылар. Чара барышында район Башкарма комитеты җитәкчесе И. Ф. Хафизов алдагы эш планы буенча тиешле күрсәтмә һәм киңәшләрен бирде.

«Административ комиссиянең иң яхшы җаваплы секретаре» номинациясендә, Зәй муниципаль районы Башкарма комитетының административ комиссиясе җаваплы секретаре Кашапов Тәлгать Рәфәгәт улы 1 дәрәҗә диплом белән бүләкләнде.

“Балалар һәм яшүсмерләр арасында хокук бозуларны кисәтү һәм сәламәт яшәү рәвешен пропагандалау” атналыгы кысаларынды Үзәк балалар китапханәсе хезмткәрләре Коррекция мәктәбе балалары белән “Без сәламәтлекне сайлыйбыз” дип исемләнгән конкурс – уен уткәрделәр. Бишенче һәм икенче сыйныф балалары спорт һәм сәламәтлек турында китаплар белән таныштылар, дөрес туклану буенча кызыклы сорауларга җаваплар эзләделәр, “Көңгерә” һәм “Тиз әйтәбез”, “Ярый – ярамый” уеннарын бик теләп, яратып уйнадылар. Бер сүз белән әйткәндә бу очрашуда балалар кирәкле мәгълүмат та алдылар, рәхәтләнеп уйнап ял да иттеләр.

24 октябрь көнне Зәй политехник көллияте стадионында беренче курс студентлары арасында хокук бозуларны профилактикалау атналыгы кысаларында ГТО фестивале узды. Фестивальдә беренче курс студентларының 7 төркеме катнашты, катнашучылар саны 133 кеше тәшкил итте. Студентлар югары перекладинада күтәрелү, идәннән сыгылу, 100 м дистанциягә йөгерү, аркада ятып билне бөгү, алга бөгелү, урыннан сикерү кебек нормативларны тапшырдылар.

Хәзерге вакытта интернет мәсьәләсенең балалар арасында гына түгел, олылар арасында да актуаль һәм катлаулы булуы һәркемгә мәгълүм. Компьютер, смартфоннар, мәгълүмати технологияләр һәм башка медиа ресурслар белән тулы хәзерге дөньяда бу чын проблемага әйләнде. Әлбәттә, Интернет үзе зыян китерми, киресенчә, күп файда китерергә мөмкин. Интернет ярдәмендә без кирәкле мәгълүмат табабыз, файдалы кушымталардан файдаланабыз, фильмнар карыйбыз һәм яраткан музыкабызны тыңлыйбыз. Интернетның тагын бик күп уңай якларын санап булыр иде, әмма күпләр кызыклы һәм файдалы әйберләрдән тыш, интернетта реклама, фейки кебек «әйберләр» белән дә очрашырга, ә социаль челтәрләрдә хәтта эзәрлекләүләр дә булырга мөмкин икәнле турында оныталар. Бухәлләрдән ничек сакланырга соң? Нәкъ менә шул максаттан чыгып, балигъ булмаганнар арасында хокук бозуларны кисәтү атналыгы кысаларында, 4 нче урта мәктәп социаль участогында яшүсмерләр белән уен һәм интернет-бәйлелекне кисәтүгә юнәлдерелгән тренинг үткәрелде. Дәрес барышында социаль челтәрнең, реклама, шулай ук компьютер уеннарының зыяны һәм файдасы турында сүз барды. Моннан тыш, балалар үзләре рәсемнәр ярдәмендә мондый бәйлелекне ничек күзаллауларын тасвирладылар, әлеге проблеманы хәл итү юлларын тәкъдим иттеләр, шулай ук сценарий уйнап, аның нәтиҗәсен үзләре үк фаразладылар. Төп максаттан тыш, дәрес шулай ук бердәм булып эшли белүгә юнәлтелгән иде. Тренинг нәтиҗәсендә яшүсмерләр дөрес нәтиҗә ясадылар: Интернет файдалы, ләкин компьютердан акыл белән файдалана белергә кирәк.

Бүген район башлыгы Разиф Кәримов капиталь ремонт объектларын карап чыкты. Тикшерү барышында Разиф Кәримов үзәк район хастаханәсенең хирургия корпусының операция блогында, С. Рафыйков исемендәге Үзәк китапханәдә, ресурс үзәгендә, Зәй агросәнәгать паркында һәм Зәй-2 дә пляжда булды. Район башлыгы белән берлектә әлеге чарада район Башкарма комитеты җитәкчесе Илнар Хафизов, район Башкарма комитеты җитәкчесенең инфраструктура үсеше буенча урынбасары Николай Нифатов, подрядчы оешма җитәкчеләре һәм җаваплы хезмәтләр вәкилләре катнашты. Ремонт эшләре бара торган барлык объектларда булганда, район башлыгы төзүчеләрнең һәм подрядчыларның эшләрен башкару сыйфатына, үз өстенә алган йөкләмәләрне вакытында үтәү зарурлыгына аерым игътибар итте. Тикшерү нәтиҗәләре буенча Разиф Кәримов җаваплы хезмәткәрләргә тиешле күрсәтмәләрне бирде.

23 октябрь көнне музей хезмәткәрләре Кадер мәктәбе укучылары өчен интерактив экскурсия һәм «Упкынга илтүче юл" дип исемләнгән түгәрәк өстәл үткәрделәр.