ЯҢАЛЫКЛАР

28 октябрь көнне Алабуга шәһәрендә нәфис гимнастика буенча Россия шәһәрләренең ачык турниры узды. Зәйнең "Яшьлек” балалар һәм яшүсмерләр спорт мәктәбендә тәрбияләнүчеләр арасында, Хөснетдинова Румия 2 урын (5 катнашучы арасында), Москова София 2 урын (5 катнашучы арасында), Сәләхова Ангелина 3 урын (5 катнашучы арасында), Афонина Наталья 3 урын (5 катнашучы арасында), Рогожникова Полина 3 урыннарны (4 катнашучы арасында)алдылар. 2012-2013 елгы төркем күнегүләрендә «Яшьлек» командасы 3 урынны яулады (6 катнашучы арасында.)

26-27 октябрьдә Түбән Новгород өлкәсенең Дзержинск шәһәрендә фигуралы шуу буенча ачык беренчелек үтте, «Яшьлек» балалар һәм яшүсмерләр спорт мәктәбендә тәрбияләнүче Степанов Арсений 7 катнашучы арасында 2 нче урынга лаек булды. Тренеры Нугаева Д. В.

25-27 октябрь көннәрендә Казан шәһәренең «Ак Барс» көрәш сараенда билбау көрәше буенча XVI дөнья чемпионаты узды. Ярышлар 18 яшьтән кечерәк булмаган ир-атлар һәм хатын-кызлар арасында ирекле һәм классик стильдә узды. Ярышларда дөньяның 42 иленнән 200 дән артык спортчы катнашты. Россия җыелма командасы составында, Татарстан Республикасы данын элек ил чемпионатында 1 һәм 2 урыннарны яулаган 16 көрәшче яклады. Дөнья чемпионаты нәтиҗәләре буенча, Татарстан Республикасының барлык вәкилләре турнирның җиңүчеләре һәм призерлары булдылар. Татарстан Республикасы җыелма командасы составына кергән Зәй көрәшчеләренең нәтиҗәләре: Кәлимуллин Ренас (82 кг)- чемпион, Садыйков Линар (75 кг) һәм Салихова Регина (76 кг) көмеш медаль ияләре, Хәмитов Илдар (100 кг) һәм Бусова Екатерина (76 кг) бронза призерлары булдылар. Спортчыларны ярышларга тренерлар - Рәкыйп Нәҗип улы Фәйзуллин һәм Равил Фаил улы Салихов әзерләде.

«Энергетик» мәдәният йортында Туган якны өйрәнү музее фондларыннан «Комсомол минем яшьлегем» дип исемләнгән күргәзмә оештырылды. Анда комсомоллар сурәтләре һәм документлары, коммунизмга нигез салучыларның бюстлары, истәлекле билге, байраклар, Зәй ГРЭСы һәм автоагрегат заводы төзелешенең архив фотолары тәкъдим ителде.

Комсомолның 100 ел тулу уңаеннан, «Шатлык» халыкка социаль хезмәт күрсәтү үзәгендә «Комсомолның яше генә түгел язмышым да комсомол» дигән бәйрәм кичәсе узды. Чарада катнашучыларны гадәти булмаган программа һәм туган якны өйрәнү музее фондларыннан торган кечкенә күргәзмә каршы алды. Бу көнне чарада комсомолның тарихын, илнең танылган төзелешләрен, лозунгларны, җырларны искә төшерделәр. Викторина үткәрелде, аның барышында өч актив комсомол билгеләнде, алар комсомолның 100 еллыгына истәлекле билгеләр белән бүләкләнде.

Бүген дөньяның 25 илендә, Россиянең 40 тан артык төбәгендә һәм Татарстанның барлык районнарында теләүчеләр татар теленнән белемнәрен тикшереп карыйлар. Акциянең максаты- татар телендә хатасыз язарга өйрәнү, әдәби татар телен кулланучылар санын арттыру, татар әдәбияты әсәрләренә киң җәмәгатьчелекнең игътибарын юнәлтү.

Бүген район Икътисади советының чираттагы утырышында «Зәй керамзит» ҖЧҖнең 2018 елның 9 аена эш нәтиҗәләре, 2018 елга көтелгән эшчәнлек нәтиҗәләре, 2019 елга перспектив планнары каралды.

Быел дөньяда иң күп санлы яшьләр оешмасына 100 ел тулган булыр иде. Узган җомгада " Энергетик» мәдәният сараенда узган тантаналы чара шушы истәлекле вакыйгага багышланды.

Зәй мәшгульлек үзәгендә 35 эшсез граждан һәм сәламәтлеге буенча мөмкинлеге чикле мәшгуль булмаган бер кеше түбәндәге һөнәрләр буенча укуга кереште: “Логистика менеджменты”, “Газ бүлү станциясе оператор”, «ЭВМ операторы», «Кондитер».

Бүген Зәй шәһәренең спорт-сәламәтләндерү комплексында Россия спорт мастеры Константин Волков истәлегенә ирекле көрәш буенча республика турнирын ачу тантанасы узды.