ЯҢАЛЫКЛАР

7-9 декабрь көннәрендә Казан шәһәренең "Идел" яшьләр үзәге базасында студент отрядларының стратегик сессиясе узды, анда Зәй шәһәренең студент отрядлары штабы командиры Рыбацкий Виктор һәм " Легенда 17" педагогик отряды кандидаты Рязанова Евгения катнашты. Өч көн дәвамында зәйлеләр фикердәшләр командасы составында бердәмлеккә биремнәр үтәделәр, үзләренең иҗади һәм интеллектуаль сәләтләрен ачтылар, барлык стратегик сессия дәвамында эшләгән проект планнарын булдырдылар. Ә аларга бу эштә студент отрядларының төбәк бүлекләре спикерлары һәм үзәк штаб хезмәткәрләре ярдәм итте. Татарстан Республикасы студент отрядларының стратегик сессиясе үз эченә белем бирү блогын да алды. Төрле мәйданчыкларда юнәлешләр тематикасы буенча лекцияләр узды: “Студент отрядларында нәтиҗәле команда”; “Дөрес рәсмиләштерелгән гариза- уңышның нигезе”, " Чыгымнар сметасы. Эффектлы һәм гади”, «Презентация, яңа тенденцияләр», «Чараны оештыру. Отрядтан Бөтенроссия дәрәҗәсенә кадәр», «Социаль әһәмиятле проектларны тормышка ашыруның уңышлы тәҗрибәсе". Шулай ук анда катнашучылар  «Яшүсмерләрнең хезмәт отрядлары», «Канат астында», «Студентларның атлетика отрядлары» һ.б. исемнәр астында үз проектларын якладылар. Өч көн эчендә балалар бик күп яңа белемнәр, танышулар һәм уңай эмоцияләр алдылар. Сессияне тантаналы ябу вакытында иң яхшы отряд һәм иң актив сугышчылар билгеләп үтелде.

7 декабрь көнне "Энергетик» мәдәният йорты сәхнәсендә" Кояшкай» балалар бакчасы коллективы «Театр дөньясында» шәһәр фестивале кысаларында, «Карнавал төне» кинофильмы мотивлары буенча концерт программасын тәкъдим итте. Анда тамашачылар балачактан яраткан әкият геройларын һәм төрле музыка коралларын, татар телендә «Каената» дип аталган театр тамашасын, "Әйдә өйләнешәбез» тапшыруының пародиясен, киләчәк «Геометрия симфониясе» модасын, балалар бакчасы һөнәрләре биюен, М. Зощенко әсәрләре буенча театраль тамаша карадылар. Концерт программасы хор башкаруында “Йортыгызга иминлек” җыры белән тәмамланды.

Бүген район башлыгы Разиф Кәримов авыл хуҗалыгы идарәсе белгечләре, районның бүлекчәләр һәм агрофирмалары җитәкчеләре белән чираттагы традицион атналык тикшерү уздырды. 11 объект кертелгән маршрут «Нива " ҖЧҖ сөт комплексыннан башланды. Бүгенге көндә сөт савып алу буенча иң зур күрсәткеч шушы хуҗалыкта, ул бер сыердан  тәүлегенә 19,6 кг. тәшкил итә. Район буенча уртача күрсәткеч 14,3 кг., тәүлегенә 77, 1 тонна сөт җитештерелә. Икенче урында "Зәй» агрофирмасы" Ялкын» бүлекчәсенең Бура - Киртә авылы сөт- товарчылык фермасы тора. "Зәй» агрофирмасы" Ялкын» бүлекчәсенең Әхмәт сөт комплексында уртача тәүлеклек савым 16,7 кг. Бүген терлекчелек һәм сөт - товар комплексларында район башлыгы Разиф Кәримов терлекләрне кышлату барышын, терлекчеләрнең эш шартларын карады, савым көтүен карап тоту һәм ашату технологиясенең үтәлеше белән кызыксынды, яшь терлекләрнең сакланышы, артым алу күрсәткечләре белән танышты.

Яңа ел алды көннәре-иҗат өчен кулай вакыт. Төрле материаллардан үз кулларың белән ясалган уенчыклар кабатланмас һәм үзенчәлекле күренә. 11 декабрь көнне туган якны өйрәнү музее хезмәткәрләре 1 нче, 4 нче "б» сыйныф укучылары өчен « Яңа ел уенчыклары могҗизасы »дигән мастер-класс үткәрделәр. Укучылар кар бөртекләре, кәнфит, кыңгырау ясадылар һәм башка бик күп эшләр башкардылар. Чарадан соң балалар музей ишегалдындагы чыршыны бизәп тә куйдылар.

11 декабрьдә Зәй шәһәре прокуроры Кәримов Р. Р. “Зәй үзәк район хастаханәсе” дәүләт автоном сәламәтлек саклау учреждениесе хезмәткәрләре алдында, Халыкара коррупциягә каршы көрәш көненә багышланган лекция белән чыгыш ясады. Шәһәр прокуроры үзенең чыгышында тыңлаучыларга Россия Федерациясе Җинаять кодексында каралган, коррупцион җинаятьләр өчен җаваплылык, коррупциягә каршы тору өлкәсендә прокурор күзәтчелеген гамәлгә ашыру буенча, Зәй шәһәр прокуратурасының эше турында мәгълүмат җиткерде, шулай ук медицина оешмаларының вазыйфаи затлары тарафыннан кылынган коррупцион җинаятьләр турында суд практикасыннан мисаллар китерде.

12 декабрьдә Россия Федерациясе Конституциясе көненә багышланган чираттагы Бөтенроссия халыкка түләүсез юридик ярдәм күрсәтү көне уздырыла. Бу көнне суд приставлары, адвокат, нотариуслардан тыш, пенсия фонды һәм техник инвентаризация бюросы белгечләре дә консультация бирәчәк. Кабул итү түбәндәге адрес буенча үткәреләчәк: Зәй шәһәре, Ленин урамы, 2А йорт ("Бердәм РОССИЯ"партиясенең җирле бүлекчәсе башкарма комитеты. Белешмәләр өчен тел.: 8(85558) 7-30-94.

Бүген Зәй шәһәренең сәламәтлекләре чикле балалар өчен 9 нчы номерлы мәктәбендә “Минем хыялдагы һөнәр” дип аталган рәсемнәр конкурсына нәтиҗәләр ясалды. Аны халык мәшгульлеге үзәге «PROFF-навигатор» проектын гамәлгә ашыру кысаларында оештырган иде.

Ветераннарны аларның тормышындагы әһәмиятле даталары белән котлау районда күркәм традициягә әверелде. Бүген тыл һәм хезмәт ветераны Елизавета Ивановна Медведевага 95 яшь тулды. Аны гомер бәйрәме белән район башлыгы Разиф Кәримов та котлады. "95 яшьлек юбилеегыз уңаеннан иң җылы һәм ихлас котлауларны кабул итегез! Сезгә – искиткеч кешегә – күпьеллык намуслы хезмәтегез өчен рәхмәт һәм хөрмәт сүзләрен җиткерәсем килә. Сезнең тормыш юлы-үз халкыңа фидакарь хезмәт итү, кешеләргә файда китерү, Ватан хакына игелекле эшләр кылу үрнәге. Сезгә чын күңелдән ныклы сәламәтлек, иминлек, якыннарыгызның игътибарын һәм ярдәмен тоеп яшәвегезне, иртәгесе көнгә ышаныч һәм озын гомер телим!"- диде Разиф Кәримов.

2004 елдан башлап, 9 нчы декабрьдә дөньяда БМО Генераль Ассамблеясе тарафыннан игълан ителгән Халыкара коррупциягә каршы көрәш көне билгеләп үтелә. Традиция буенча бу көнне дөньяның күп кенә илләрендә мөһим сәяси очрашулар һәм акцияләр үткәрелә, халыкара коррупциягә каршы көрәш көненә багышланган демонстрацияләр, конференцияләр, семинарлар һәм башка чаралар үткәрелә. 2018 елның 23 ноябреннән 21 декабренә кадәр Зәй муниципаль районы башлыгы боерыгы белән расланган план нигезендә районда мәгариф оешмаларында, көллияттә, мәдәният, спорт учреждениеләрендә, яшьләр эшләре идарәсендә, оешмаларда һәм предприятиеләрдә җәмәгатьчелек вәкилләре, депутатлар, хокук саклау органнары һәм җирле үзидарә органнары вазыйфаи затлары катнашында күп төрле чаралар үтә.

6-9 декабрь көннәрендә Биектау районында билбау көрәше буенча дөнья беренчелеге үтте. Анда Зәй спортчылары тренер-укытучы Салихов Р. Ф. җитәкчелегендә түбәндәге нәтиҗәләрне күрсәттеләр: Романова Ольга 2 урын, Сәхәбиев Альберт шулай ук 2 урын алды.