ЯҢАЛЫКЛАР

2019 ел Зәйдә «Мәдәният елы» дип игълан ителде. Мәдәният-кеше тормышының төрле өлкәләрендә бик күп әһәмияткә ия төшенчәләр: аралашу культурасы, үз-үзеңне тоту культурасы, мәдәният культурасы һ.б.ларны үз эченә ала. Конкурста яше нинди булуга карамастан, теләгән һәркем катнаша ала. 2018 елның 20 декабренә кадәр сез символларның эскиз һәм текстын dkenergetik2011@mail.ru. электрон почтасына юллый аласыз. Конкурста җиңүчене шәхси бүләк көтә. Җиңүчеләрне бүләкләү 2018 елның 27 декабрендә «Яшьлек " боз сараенда ел нәтиҗәләренә багышланган бәйрәм чарасында булачак. Барлык сораулар буенча «Энергетик» мәдәният йортына 2-85-15, 2-86-40 телефоннары аша мөрәҗәгать итәргә мөмкин.

2018 елның 12 декабрендә " Энергетик» мәдәният йортында Зәй муниципаль районында «Талантлар фабрикасы» II фестиваль - конкурсының гала-концерты узды. Шәһәр һәм районның 408 иң талантлы баласы әлеге конкурста катнашты. Жюри хөкеменә 120 иҗади номер тәкъдим ителде. Музыка җитәкчеләре, тәрбиячеләр һәм балалар бергәләп «Вокал-соло», «Вокаль ансамбль», «Хореография сәнгате», «Конферансье», «Театр иҗаты», «Нәфис сүз»номинацияләрендә чыгыш ясадылар. «Каенкай» балалар бакчасы коллективы Гран-прига ия булды. Һәр номинациядә җиңүчеләргә 1,2,3 дәрәҗәдәге дипломнар һәм кыйммәтле бүләкләр тапшырылды. Зәй муниципаль районы Башкарма комитеты җитәкчесе Илнар Фәнил улы Хафизов барысын да шушы күркәм бәйрәм белән котлады, талантлы балаларга иҗади уңышлар теләде.

11 декабрь көнне Зәй шәһәренең 2 нче урта мәктәбендә Россия Федерациясе Конституциясе кабул ителүгә 25 ел тулу уңаеннан, «Россия Федерациясе Конституциясе дәресе»темасына лекция үткәрелде. 11 сыйныф укучылары алдында Зәй шәһәре прокуроры ярдәмчесе А. Ө. Әбдуллина чыгыш ясады. Ул РФ Конституциясен кабул итү тарихы, аның структурасы турында сөйләде, шулай ук ТР Зәй шәһәр прокуратурасында Конституциянең нигезләмәләре һәм нормалары кулланыла торган практикасыннан мисаллар китерде. Прокурор ярдәмчесе А. Ө. Әбдуллина өлкән сыйныф укучыларын, илнең Төп Законы таләпләрен бозу очраклары килеп чыкканда, җаваплылыкка тарту мөмкинлеге булуы турында тагын бер кат кисәтте, укучыларны кызыксындырган барлык сорауларга җаваплар бирде.

Ел саен декабрь башы традицион рәвештә инвалидлар декадасы буларак билгеләп үтелә. Нәкъ менә шул вакытта үзәк белгечләре мохтаҗ кешеләргә тагын да күбрәк игътибар бирергә тырыша. 12 нче деабрьдә Зәй шәһәренең “Шатлык» үзәгендә инвалидлар декадасы кысаларында тантаналы чара узды. Анда 30 дан артык социаль хезмәт алучылар, шул исәптән физик мөмкинлекләре чикле булган кешеләр катнашты. Алар арасында безнең шәһәр һәм район халкы гына түгел, Татарстанның барлык районнарыннан  килүчеләр дә бар иде. Чарада катнашучыларны Зәй муниципаль районы башлыгы Р.Г. Кәримов сәламләде, аларны кызыксындырган сорауларга җавап бирде һәм үзәккә бүләк сертификаты тапшырды. Җавап итеп, һәрдаим ярдәм итеп торганнары өчен, шәһәр хакимияте һәм социаль яклау адресына бик күп рәхмәт сүзләре әйтелде. Социаль хезмәт алучылар өчен көтелмәгән бүләк- Чистай шәһәреннән шигырьләр җыентыгы булды. Түбән Кама кунаклары музыкаль бүләк белән сөендерде. Чарада шулай ук  Башкарма комитет җитәкчесенең социаль мәсьәләләр буенча урынбасары А.В.Чапков Татарстан Республикасы Хезмәт, халыкны эш белән тәэмин итү һәм социаль яклау министрлыгының Зәй муниципаль районындагы социаль яклау бүлеге башлыгы Э.Г. Хуҗина, "Шатлык” халыкка социаль хезмәт күрсәтү үзәге директоры Л.Д.Симонова да булдылар. Бәйрәм чарасы физик мөмкинлекләре чикләнгән кешеләрнең күңеленә өмет һәм иртәгесе көнгә ышаныч өстәр дип ышанасы килә, чөнки, кагыйдә буларак нәкъ алар менә шундый ярдәмгә моһтаҗ.

Тантаналы чара бүген районның Гражданлык актларын теркәү бүлеге идарәсендә узды.12 нче декабрь- Россия Федерациясе Конституциясе көнендә, Зәй районы Башкарма комитеты җитәкчесе Илнар Хафизов 12 яшь зәйлегә паспортлар тапшырды. Ул яшьләрне төп документка җаваплы карарга, аны сакларга һәм илнең лаеклы гражданнары булырга чакырды. Паспорт алучы балалар һәм аларның әти-әниләре өчен «Вдохновение»вокаль студиясе артистлары чыгыш ясады.

Бүген Башкарма комитет җитәкчесе И. Ф. Хафизов рәислегендә 2018 елның 11 ае нәтиҗәләре буенча «ТКХ һәм технологик контроль үзәге» муниципаль унитар предприятиесе һәм «Сәламәтлек комбинаты» муниципаль унитар предприятиесенең финанс-хуҗалык эшчәнлеген карап тикшерү буенча баланс комиссиясе утырышы узды. Муниципаль унитар предприятие җитәкчеләренең, баланс комиссиясе әгъзаларының отчетлары тыңланды, аларның күрсәткечләре җентекләп каралды һәм финанс - хуҗалык эшчәнлеген яхшырту буенча тәкъдимнәр бирелде.

Бүген хакимияттә 2019 елга Татарстан Республикасы Президенты каршындагы Дәүләт торак фондына түләүләр мәсьәләсе буенча киңәшмә узды. Кереш сүз белән район башлыгы Разиф Кәримов чыгыш ясады. Башкарма комитет җитәкчесе урынбасары Павел Байрашев, Дәүләт торак фонды программасы, Зәй муниципаль районында Дәүләт торак фонды вәкиле Роберт Садртдинов, социаль ипотека программасы һәм аның өстенлекләре турында сөйләде. Бу-килешүне төзү һәм исәпкә басу өчен иң аз документлар пакеты : 7% күләмендә еллык процент ставкасы, 28,5 елга кадәр өлешләп түләү мөмкинлеге, 200 мең сум күләмендә дәүләт ярдәме (алга таба һәр бала өчен) һәм башкалар. Зәй муниципаль районында 2018 елның 11 декабрендә социаль ипотека буенча 16 гаилә исәптә тора. Программаны гамәлгә ашыру мизгеленнән башлап, 542 гаилә яңа төзекләндерелгән фатирлар алды.

Бүген район башлыгы Разиф Кәримов капиталь ремонт һәм төзелеш объектларын карап чыкты. Тикшерү барышында Разиф Кәримов «Алтынчәч» балалар бакчасында, район үзәк хастаханәсенең хирургия корпусының операция блогында, С. Рафиков исемендәге Үзәк китапханәдә, ЮХИДИ бинасында һәм Агросәнәгать паркында булды. Район башлыгы белән бергә объектларны карауда  аның урынбасары Валерий Акатьев, район Башкарма комитеты җитәкчесе Илнар Хафизов, җаваплы хезмәт вәкилләре дә катнашты. Объектларны карап чыгу нәтиҗәсендә кисәтүләр ачыкланмады, барлык эшләр дә график буенча алып барыла. Район башлыгы төзүчеләр һәм подрядчыларның эшне башкару сыйфатына аерым игътибар бирде. Тикшерү нәтиҗәләре буенча Разиф Кәримов җаваплы затларга тиешле күрсәтмәләр бирде.

11 декабрь көнне "Энергетик" мәдәният йорты сәхнәсендә " Театр дөньясында "шәһәр театраль фестивале кысаларында, «Салават күпере» балалар бакчасы иҗат коллективы үзенең концерт программасын тәкъдим итте. Зәй шәһәре тамашачысы "Голливуд йолдызлары" белән очрашты: Мэрилин Монро, Луи Армстронг, Лайза Минелли һәм Чарли Чаплин. "Театральләштерелгән тамаша" номинациясе Б.Васильев әсәрләре мотивлары буенча тәкъдим ителде. Безнең тәрбияләнүчеләрнең әти - әниләре дә читтә калмады: "Мода театры" номинациясендә алар авангард модасын тәкъдим иттеләр.

Бүген шәһәр суды бинасында юристлар көненә багышланган бәйрәм чарасы узды. Хезмәткәрләрне бәйрәм белән район башлыгы Разиф Кәримов һәм суд рәисе Рөстәм Хәкимов котлады. Алар юрист һөнәренең әһәмиятен тагын бер кат билгеләп үттеләр, юридик корпуска хезмәт бурычларының гадел башкарылуын, районда законлылык һәм хокук тәртибен алга таба ныгытуга ярдәм итүләрен теләделәр. Суд системасы үсешенә зур өлеш кертүе, Россия Федерациясендә гадел хөкемне камилләштерүе һәм аңа һәрьяклап ярдәм итүе өчен, беренче дәрәҗә "Тырышлыклары өчен" аерым хөрмәтләү билгесе белән Татарстан Республикасы Зәй шәһәр суды судьясы ярдәмчесе Стрелкова Светлана Анатольевна бүләкләнде. Суд системасында озак еллар намуслы хезмәте өчен, Алдошина Людмила Михайловна – Татарстан Республикасы Зәй шәһәр судының суд утырышы сәркатибе, Ибраһимова Ландыш Мансур кызы – Татарстан Республикасы Зәй шәһәр суды сәркатибе, Никишина Альбина Рәдиф кызы - Татарстан Республикасы Зәй  районы суды буенча, җәмәгать судьялары аппараты консультанты Зәй муниципаль районы башлыгының Мактау грамотасы белән бүләкләнделәр.