ЯҢАЛЫКЛАР

1 октябрьдән II Халыкара “Җәлил укулары” әдәби бәйгесенә старт бирелде. Чара Бөтендөнья татар конгрессы, Татарстан Республикасы Мәдәният, Мәгариф һәм фән министрлыклары белән берлектә оештырыла.

11 ноябрьдә мини-футбол турниры белән, Зәй муниципаль районында социаль – тискәре күренешләрне, хокук бозуларны кисәтү, наркотикларсыз, сәламәт яшәү рәвешен формалаштыру, яшүсмерләр арасында хокукый белемнәрне пропагандалау атнасы старт алды.

11 ноябрьдә хәрби комиссариатта район Башкарма комитеты җитәкчесе И.Ф. Хафизов, Зәй хастаханәсе, мәгариф идарәсе, халыкны эш белән тәэмин итү үзәге, Россия Эчке эшләр министрлыгының Зәй районы буенча бүлеге, ветераннар советы вәкилләре катнашында чираттагы чакырылыш комиссиясе утырышы булды.

Бүген Зәйдә өстәмә белем бирү сораулары буенча киңәшмә узды, аның эшендә район Башкарма комитеты җитәкчесенең социаль мәсьәләләр буенча урынбасары А.В. Чапков, муниципаль казна учреждениеләре башлыклары, спорт мәктәпләре тренерлары, ведомство карамагындагы учреждениеләр җитәкчеләре катнашты.

08 ноябрь көнне Зәй шәһәре халык мәшгульлеге үзәге белгечләре «Җитештерү процессларында инглиз теле», «Сыйфатны бәяләү менеджменты системасында инглиз теле» һөнәрләре буенча укыту процессын тикшерү максатыннан, «Аккурайд Уилз Россия» җаваплылыгы чикләнгән җәмгыятендә булды.

2019 елның 8 ноябрендә С. Рәфыйков исемендәге үзәк китапханәдә 2 нче урта мәктәпнең 7А сыйныфы укучылары өчен рәссам Илдар Касыйм улы Зариповның тууына 80 ел тулу уңаеннан «Барлык чорлар рәссамы» дип исемләнгән сәнгать сәгате үткәрелде.

9 ноябрь көнне Азнакай шәһәрендә Россия һәм Татарстан Республикасының Мактаулы ТКХ хезмәткәре Солтанов Инсаф Сәет улы истәлегенә багышланган яшүсмерләр арасында көрәш буенча VII Республика турниры узды, анда тренер Мингазов А.Р. спорт мәктәбендә тәрбияләнүчеләр түбәндәге нәтиҗәләрне күрсәттеләр: 36 кг авырлык категориясендә – Ибраһимов Шамил 3 нче урынны, 50 кг авырлык категориясендә - Нуриәхмәтов Илшат 3 нче урынны алды.

2019 елның 5-7 ноябрендә Мамадыш шәһәрендә ирекле көрәш буенча егетләр һәм кызлар арасында Балякин Ю.А. һәм Муллахмәтов Р. Р. истәлегенә багышланган ачык республика турниры узды, анда Кәлимуллин Кәрим 2 нче урынны алды.(тренер Кәлимуллин Л.М.)

Бүген «Зәй» Агросәнәгать паркы территориясендә чираттагы атналык авыл хуҗалыгы ярминкәсе узды. Зәйлеләр арзан бәядән ит, сөт, сыр, май, йомырка, яшелчә, бал, шикәр, он, ярма һәм районның фермер хуҗалыкларыннан китерелгән башка продукцияне сатып ала алдылар.

8 ноябрьдә Зәй делегациясе район башлыгы вазифаларын башкаручы В.Г. Акатьев җитәкчелегендәге «Бердәм Россия» Бөтенроссия сәяси партиясенең Татарстан төбәк бүлеге конференциясе эшендә катнашты.