ЯҢАЛЫКЛАР

2 сентябрьдә Төзүчеләр урамындагы 8 нче йортта яшәүчеләр ишегалды бәйрәмен билгеләп үттеләр.

2022 елның 1 сентябрендә Зәй шәһәренең 6 нчы мәктәбе базасында «Үсеш ноктасы» табигый - фәнни һәм технологик юнәлештәге мәгариф үзәген тантаналы ачу булды. Ул «Мәгариф» милли проектының «Заманча мәктәп» федераль проекты кысаларында булдырылды.

Мәктәп директоры Исрафилова Василә Кәрим кызы «Үсеш ноктасы» үзәгенең гомуммәдәни кыйммәтләрне үстерү, цифрлы грамоталылык, проект эшчәнлеге, балаларның, педагогларның, ата-аналар җәмәгатьчелегенең иҗади социаль үзаңы өчен мөһим булуын һәм укучыларда заманча компетенцияләр һәм күнекмәләр булдыруны тәэмин итәргә тиешлеген билгеләп үтте. Үзәк эшчәнлегенең төп максаты - белем бирү сыйфатын күтәрү өчен шартларны камилләштерү, белем бирү предметларын һәм өстәмә белем бирү программаларын үзләштерүдә укучыларның мөмкинлекләрен киңәйтү. Әлеге проектны тормышка ашыру мәктәп укучыларының гамәли белемнәрен һәм  сәләтләрен  үстерергә ярдәм итәчәк. 

Үзәкнең заманча җиһазлары укучыларга яңа компьютер технологияләрен һәм цифрлы лаборатория җиһазларын кулланып «Физика», «Химия», «Биология» фәннәрен өйрәнергә мөмкинлек бирәчәк. Дәрестән тыш вакытта «Үсеш ноктасы» үзәгенең ишекләре педагоглар һәм укучылар өчен дә, ата-аналар җәмәгатьчелеге өчен дә ачык булачак.

1 сентябрьдә Зәй муниципаль районы мәктәпләрендә, шулай ук Зәй политехник көллиятенең беренче курс студентлары өчен Белем көненә багышланган бәйрәм линейкалары узды.

Хөрмәтле зәйлеләр һәм шәһәр-районыбыз кунаклары! Сезне чын күңелдән Татарстан Республикасы һәм Шәһәребез көне белән котлыйм! Республика көнен без быел Идел буе Болгарында ислам динен кабул итүгә 1100 ел тулуга багышланган истәлекле чаралардан соң билгеләп үтәбез. Август ае башында Бөтендөнья татар конгрессы оешуга 30 ел тулуга багышланган VIII съезд Россиянең 77 төбәгеннән һәм якын, ерак чит илләрдән 1500 делегатны җыйды. Юбилей даталарына шундый бай ел республика өчен Зәй шәһәре төзелүнең 370 еллыгы белән дә тарихка кереп кала.

Бүген район башлыгы Р.Г. Кәримов Казанда Татарстан Республикасы көненә багышланган бәйрәм чараларында катнаша.

2022 елның 3 сентябреннән «Энергетик» мәдәният сараеның үзәк мәйданында атналык авыл хуҗалыгы ярминкәләре эшли башлый.

25 августта Яшьләр (яшүсмерләр) клубында “Мәктәпкә җыенырга ярдәм ит” акциясе кысаларында чара узды. Акциядә сәламәтлеге мөмкинлекләре чикләнгән 20 бала һәм аларның әти-әниләре катнашты.

Бүген район Башкарма комитеты җитәкчесе Эмиль Эдуард улы Галиев «ЭКОяз-2022» конкурсында җиңүчеләрне бүләкләү тантанасын үткәрде. Чара башында ул барлык катнашучыларга әйләнә-тирәлеккә игътибарлы карашлары өчен рәхмәт белдерде.

Бүген «Энергетик» мәдәният сарае каршында «Мәктәпкә җыенырга ярдәм ит» хәйрия акциясе узды. Күп балалы, аз керемле гаиләләрдәге балаларга мәктәп букчалары тапшырылды. Гадәттәгечә чарага шәһәр һәм район предприятиеләре, оешмалары һәм учреждениеләре җитәкчеләре һәм хезмәткәрләре дә кушылды.

Бүген «Энергетик» мәдәният сараенда Зәй муниципаль районы мәгариф системасы хезмәткәрләренең еллык август конференциясе булып узды. Конференция эшендә Татарстан Республикасы Зәй муниципаль районы Башлыгы Разиф Галиевич Кәримов, Башкарма комитеты җитәкчесе Эмиль Эдуардович Галиев, мәгариф идарәсе башлыгы Эрнст Рәисович Сәфәргалиев, «Татарстан Республикасы Мәгарифне үстерү институты» өстәмә һөнәри белем бирү учреждениесе ректоры Людмила Николаевна Ногманова, Казан федераль университетының Алабуга институты директоры Елена Ефимовна Мерзон, «Яр Чаллы дәүләт педагогика университеты» өстәмә һөнәри белем бирү институты директоры Лариса Рамил кызы Шакирова, Совет һәм Башкарма комитет хезмәткәрләре, авыл җирлекләре башлыклары, оешма, учреждение җитәкчеләре, мәгариф оешмалары җитәкчеләре, педагоглар катнашты.