Зәйдә мәгариф хезмәткәрләренең август конференциясе узды

Бүген «Энергетик» мәдәният сараенда Зәй муниципаль районы мәгариф системасы хезмәткәрләренең еллык август конференциясе булып узды. Конференция эшендә Татарстан Республикасы Зәй муниципаль районы Башлыгы Разиф Галиевич Кәримов, Башкарма комитеты җитәкчесе Эмиль Эдуардович Галиев, мәгариф идарәсе башлыгы Эрнст Рәисович Сәфәргалиев, «Татарстан Республикасы Мәгарифне үстерү институты» өстәмә һөнәри белем бирү учреждениесе ректоры Людмила Николаевна Ногманова, Казан федераль университетының Алабуга институты директоры Елена Ефимовна Мерзон, «Яр Чаллы дәүләт педагогика университеты» өстәмә һөнәри белем бирү институты директоры Лариса Рамил кызы Шакирова, Совет һәм Башкарма комитет хезмәткәрләре, авыл җирлекләре башлыклары, оешма, учреждение җитәкчеләре, мәгариф оешмалары җитәкчеләре, педагоглар катнашты. Катнашучылар Зәй шәһәренең 370 еллыгына багышланган күргәзмә карадылар. Туган телне, мәдәниятне һәм гореф-гадәтләрне саклау һәм үстерү буенча мәгариф учреждениеләре эше, белем бирү оешмаларының проектлары, яңа технологияләр һәм цифрлы ресурсларны куллану буенча укытучыларның эш тәҗрибәсе белән таныштылар. Киңәшмә кысаларында «Мәгариф» милли проектын тормышка ашыру, мәктәпкәчә һәм мәктәп белеменең сыйфатын арттыру, шул исәптән сәламәтлекләре ягыннан мөмкинлекләре чикләнгән балалар өчен өстәмә белем алу мөмкинлеген һәм нәтиҗәлелеген арттыру, сәләтле балаларны ачыклау һәм аларга ярдәм итү юлларын камилләштерү, яшь буынны тәрбияләү, белем бирү процессын цифрлаштыру, укучыларның функциональ грамоталылыгын формалаштыру һәм үстерү, яңартылган ФГОС кертү буенча актуаль мәсьәләләр каралды.