«ЭКОяз-2022»
Бүген район Башкарма комитеты җитәкчесе Эмиль Эдуард улы Галиев «ЭКОяз-2022» конкурсында җиңүчеләрне бүләкләү тантанасын үткәрде. Чара башында ул барлык катнашучыларга әйләнә-тирәлеккә игътибарлы карашлары өчен рәхмәт белдерде.
Нәтиҗәләр чыгарганда түбәндәге критерийлар исәпкә алынды: чаралар үткәрүнең актуальлеге (яңалык, максат һәм бурычларга туры килү, нәтиҗә, масштаб); катнашучылар саны, активлык, инициативалылык; җәмәгатьчелекне җәлеп итү; чараны массакүләм мәгълүмат чараларында мәгълүмати яктырту.
Акция ике этапта уздырылды: район- 2022 елның 1 апреленнән 14 маена кадәр; республика - 2022 елның 15 маеннан 31 маена кадәр.
Район этабы нәтиҗәләре буенча иң яхшы балалар бакчалары:
1 урын – «Күкчәчәк» балалар бакчасы, 11 мең сум приз фонды;
2 урын – «Уймак кыз» балалар бакчасы, 8 мең сум приз фонды;
3 урын - «Тату гаилә» балалар бакчасы, 6 мең сум приз фонды.
Иң яхшы мәктәп:
1 урын – 4 нче мәктәп, приз фонды - 11 мең сум;
2 урын-Александр Бистәсе төп гомуми белем бирү мәктәбе, приз фонды - 8 мең сум;
3 урын - 2нче мәктәп, приз фонды -6 мең сум.