ЯҢАЛЫКЛАР
25
июнь, 2013 ел
сишәмбе
“Энергетик” Мәдәният сарае каршындагы мәйданда бүген чыгарылыш сыйныф укучыларының саубуллашу кичәсе үтә. Бердәм Дәүләт имтиханнарын тапшырып, иркен сулыш алган егет-кызлар биредә укытучылары, район җитәкчелегеннән олы тормыш юлына аяк басар алдынннан соңгы тапкыр фатиха алды.
Ил күләмендә “Россия-10” мультимедия бәйгесе бара. Аны 25 марттан “Россия1” телеканалы «Рус» географик җәмгыяте белән берлектә оештыра. Бәйгегә Татарстаннан Кол Шәриф мәчете һәм тагын берничә архитектура һәм табигый объектлар тәкъдим ителде.
Бу көннәрдә «Вираж» картинг секциясенә йөрүчеләрнең ярышлары узды. Аны яшьләр эшләре идарәсе юл хәрәкәте куркынычсызлыгы фонды белән берлектә үткәрде. Яшүсмер малайларны техника белән идарә итәргә өйрәтү, әлеге төр спортка тарту максатында үткәрелүче бу ярышлар шактый җанлы үтте.
24
июнь, 2013 ел
дүшәмбе
2012 елның 12 июлендә Франциядән юл алган Универсиада уты бүген безнең шәһәргә килде. Аны тантаналы төстә шәһәр халкы Ринат Фәрдиев исемендәге ял паркында каршы алды. Алабугадан килгән студентлардан Универсиада утын район башлыгы урынбасары Роберт Халитов кабул итте.
Хәйрия елы уңаеннан игелекле эшләргә тартылучы якташларыбыз шактый. Тумышы белән Югары Баграждан, "Ләке" урманчылыгында эшләүче Владимир Муханов чиркәү һәм мәктәпне әйләндереп алу өчен ярылган такта, киртәлекләр бирде.
Мәктәп тәмамлаучыларны куркытып торган бердәм дәүләт имтиханнары артта калды. Инде күпчелек фәннәр буенча имтихан нәтиҗәләре дә билгеле булды. Соңгы мәгълүматлар буенча, мәктәп тәмамлаучылар арасында имтиханнарда йөз бал җыючы укучылар да бар. Алар - икесе дә 4 нче мәктәптән: Алина Часовникова һәм Алексей Стюхин.
21
июнь, 2013 ел
җомга
Шәфкатьлелек елы кысаларында Маврин авылы мәктәбе укытучылар һәм укучылар коллективы шәһәребезнең Тукай урамында урнашкан тернәкләндерү бүлегендә ял итүчеләргә җылы эчтәлекле концерт күрсәтте. Биредә хәзерге вакытта «Чикләүләрсез -тормыш» муниципаль программасы нигезендә 15 физик мөмкинлеге чикләнгән бала сәламәтлеген ныгыта.
Шәһәребез матур, яшел, гөл-чәчәккә күмелеп утыра. Ә менә һәр урамның үз йөзе, үз ландшафт дизайны булса, Зәй тагын да күркәмрәк, үзгә булачак. Бертөрлелек түгел, ә менә төрлелек кабул ителә, күңелгә хуш килә. Әлеге җәһәттән шәһәр урамнарында максатчан эш башланды.
20
июнь, 2013 ел
пәнҗешәмбе
Ринат Фәрдиев исемендәге ял паркында һәр якшәмбе кичендә оешма һәм предприятие үзешчәннәренең концертлары дәвам итә. Быелгы сезон башыннан биредә инде 5 концерт узды. Бу якшәмбедә паркта район мәдәният йорты үзешчәннәре чыгыш ясаячак.
19
июнь, 2013 ел
чәршәмбе
Автоклуб хезмәткәрләре кече авылларда Сабантуйлар үткәрүгә аеруча җаваплы карый. Алар катнашында Дмит-рово, Яңа Мәлем, Апач авылларында Сабантуйлар узды.
Датасы буенча тикшерү
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз