ЯҢАЛЫКЛАР

Агымдагы елның алты аенда районда 321 бала туган, шуның 148е - малай. Әлеге балаларга кушылган иң популяр исемнәр: Артем, Кирилл, Кәрим, Максим, Арина, Виктория, Милана, Анастасия, Дарья, София.

Урак өстенең кызган чагы. Автоклуб үзешчәннәре өчен дә кызу эш өсте. Алар басу-кырлар, ындыр табакларында булып, механизаторларны ял иттереп, эш дәрте өсти. Үзешчәннәр «Восток» агрофирмасының «Сармаш» бүлекчәсе Бохарай, «Игенче» бүлекчәләре басуларында булып, комбайнчылар белән очрашты.

Май ахырында Югары Пәнәчедә булганда, авыл клублары төзү республика программасы кысаларында төзелүче клубка фундамент салынып, аны тигезләү эшләре бара иде. Бу көннәрдә без әлеге күпфункцияле үзәк булачак клуб төзелеше белән танышып кайттык.

Зәйдә Кече авыл көне акциясе дәвам итә. Бүген районның Яңа Мәлем авылында шундый очрашу-бәйрәм узды. Автоклуб үзешчәннәре чыгышыннан күңел күтәренкелеге алды, ял итте.

Зичәбаш авылында иске мәктәп урынындагы каеннар арасында өч ел рәттән Питрау бәйрәме уза. Аны Дүрт-Мунча авыл җирлеге Советы белән бергә мәдәният хезмәткәрләре оештыра. Бөтен ярыш-бәйге, үзешчәннәр чыгышы уч төбендәгедәй. Бәйрәмгәякын-тирә район, авыллардан шакәтый халык җыелды.

Авыл хуҗалыгы һәм азык-төлек идарәсеннән 23 июльдә алынган мәгълүматлардан күренгәнчә, игеннәр район буенча барлыгы 9986 гектарда суктырылып, 18674 тонна ашлык җыеп алынган. Бу - барлык мәйданның 24 проценты. Уңыш гектарыннан уртача 18,7 центнер тәшкил итә. Көзге культураларның уңышыннан зарланырлык түгел, арпа мәйданнарыннан уңыш гектарыннан уртача 15-16 центнер чыга.