ЯҢАЛЫКЛАР
Урып-җыю эшләре тулы куәткә бара. Авыл хуҗалыгы һәм азык-төлек идарәсеннән алынган мәгълүматлар буенча, 13 августка районда 47990 тонна ашлык җыеп алынган. Бу - барлык мәйданның 57 проценты. Уңыш гектарыннан уртача 20 центнер тәшкил итә. "Зәй" агрофирмасында -4299 (53), "Зәй шикәре"ндә - 5329 (52), "Восток"та 5233 (33), "Нива" җаваплылыгы чикләнгән ширкәтендә - 455, крестьян-фермер хуҗалыкларында 3480 гектарда уңыш җыеп алынган.
9 августтан үзәк китапханәдә (Чапаев урамы, 1нче йорт, телефон: 3-19-69) торак-коммуналь хезмәтләр өчен 1 июльдән үзгәргән тарифларны аңлату буенча консультация пункты эшли, Халыкны торак-коммуналь хуҗалык предприятиеләре, "Бердәм хисап үзәге" ҖЧШ һәм башкарма комитет белгечләре кабул итә. Консультация пункты һәр чәршәмбе һәм җомгада көндезге сәгать Зтән кичке бга кадәр эшли.
Татарстанда нефть ятмалары эшкәртелә башлауның 70 еллыгы уңаеннан нефть төбәге шәһәрләрендә башкала артистларының халык өчен бушлай концертлары оештырыла. Зәйдә ул район җитәкчелеге булышлыгы белән Ринат Фәрдиев исемендәге ял паркында 9, 14, 22 августта кичен була.