Яңгырлар эшне тоткарлый

Яңгырлар яву урып-җыю эшләренә шактый комачаулык итте. Игеннәрне суктыру темплары үткән елгыдан калыша. Комбайнчылардан быелгы урак зур тырышлык һәм сабырлык сорый. Авыл хуҗалыгы һәм азык-төлек идарәсеннән алынган мәгълүматлар буенча, 7 августка районда 36370 тонна ашлык җыеп алынган. Уңыш гектарыннан уртача 20 центнер тәшкил итә. "Зәй шикәре" агрофирмасында - 7847, "Восток"та -7047, "Зәй"дә - 6554, "Нива" җаваплылы-гы чикләнгән ширкәтендә - 1220, крестьян-фермер хуҗалыкларында 4283 тонна уңыш җыелган.

Урып-җыю эше белән беррәттән терлек азыгы да әзерләнә. Район буенча 54200 тонна сенаж, 13600 тонна печән, 169 тонна яфрагазык, 8000 тонна салам тупланган. Көзге чәчүгә 12300 гектар җир әзерләнгән.