Зәйдә пенсия алды яшендәге гражданнарның хезмәт хокукларын тәэмин итү мәсьәләләре буенча эш бирүчеләр белән очрашулар төгәлләнде

Зәй шәһәре мәшгульлек үзәге тарафыннан пенсия алды яшендәге гражданнарның хезмәт хокукларын тәэмин итү мәсьәләләре буенча эш бирүчеләр һәм кадрлар хезмәте белгечләре белән очрашулар циклы уздырылды. Очрашулар барышында мәшгульлек үзәге директоры Екатерина Андреева җитәкчеләр һәм кадрлар хезмәте белгечләренә хәрби хезмәттән азат ителгән пенсия алды яшендәге гражданнарның хезмәт хокукларын тәэмин итү, хезмәт шартларын махсус бәяләүне үткәрү өлкәсендә бурычларны үтәү буенча мәгълүмат бирде. Шулай ук мәшгульлек үзәге тарафыннан күрсәтелә торган дәүләт хезмәтләре, мәшгульлек үзәгенә бирелергә тиешле мәгълүматлар, эш бирүчеләрнең хокуклары һәм бурычлары, хезмәт базары торышы, “Работа в России” порталы мөмкинлекләре, Skillsnet бөтенроссия социаль челтәре эшлекле контакты турында аңлатма бирелде. Моннан тыш, физик мөмкинлекләре чикләнгән, яисә социаль яклауга аеруча мохтаҗ гражданнарны эшкә урнаштыру мәсьәләләре дә каралды. Очрашуда катнашучыларга үзләрен кызыксындырган барлык сорауларга да җавап алу мөмкинлеге тудырылды. Барысы шундый 5 очрашу уздырылды, аларда 77 эш бирүче катнашты.