ЯҢАЛЫКЛАР

13 апрельдә «Шатлык» балалар бакчасында «Язның беренче чәчәкләрен бергәләп саклыйк» акциясе үтте.

«Якты коңгыз» балалар бакчасы педагоглары «ЭКОЯЗ 2022» конкурсы кысаларында план чараларын тормышка ашыралар.

Бүген Зәй районы аграрийлары язгы кыр эшләренә керештеләр.

Табигатьне саклау һәм экологик тәрбия булдыру максатыннан һәр елны Сарсаз-Баграж мәктәбе укучылары, әти-әниләре һәм укытучылары белән бергәләп, кошларга җимлекләр, сыерчык оялары ясыйлар.

Түземсезлек белән көтеп алган яз да килеп җитте. Тиздән безнең канатлы дусларыбыз - кошлар җылы яклардан кайтачак. Югары Шепкә авылы «Ләйсән» балалар бакчасына йөрүче кызлар һәм малайлар аларны каршыларга ныклап әзерләнәләр.

Санитар-экологик икеайлык кысаларында Чыбыклы төп гомуми белем бирү мәктәбе укучылары һәм «Салават күпере» балалар бакчасында тәрбияләнүчеләр өйләрендә томат, борыч һәм чәчәк үсентеләрен үстерәләр.

Якты Күл төп гомуми белем бирү мәктәбендә «Сыерчык оясы» акциясе үткәрелде.

Өлкән төркеме балалары “Җиргә чәчәк бүләк ит” акциясе буенча эшләрен дәвам итәләр. Петунья үсентеләре тишелеп чыгып, ныгып китәләр. Хәзер балалар аларны тирәнерәк савытларга күчерәләр, вакыты җиткәчтен чәчәк түтәлләренә утырталар.

Бүген «Салават күпере» балалар бакчасының мәктәпкә әзерлек «А» төркемендә, «ЭКОяз - 2022» экологик акциясе кысаларында, кызыклы әңгәмә үткәрелде, анда балалар: әйләнә-тирә дөньяны ничек сакларга? Чүпне ни өчен сортларга аерырга кирәк? Суның юлы авырмы?-дигән сорауларга җавап эзләделәр.

Бүген «Урман әкияте» балалар бакчасында тәрбияче Хаджаева Н.В. мәктәпкә әзерлек төркеме балалары белән, республика ЭКОЯЗ-2022 акциясе кысаларында, хезмәт десанты оештырдылар.